يا شباب ابي ارتاح الله يريحكم ...

**ناوي على سيفيك** · 12-04-2009, 02:40 PM

سلام ..
كيفكم يا شباب هوندا ..؟؟ ان شاء الله بخير ..

يا شباب انا ابغا اخد اخر كلمة بالنسبة للسيفيك ...
انا دخلت قسم الصيانة و والله الكلام اللي قريته صد نفسي عن السيارة .. :(

يعني انا ابا اسالكم السيارة مشاكلها كثييييييير ولا لا ..؟؟

وانا ان شاء الله راح استخير قبل كل شي ..

اتمنى انكم تفيدوووني ...
وانا داري اني تعبتكم معايا .:o. لكن
أســــآآل مــجرب ولا تــســآآل طبــــــــــــيب

ولكم مني خالص الشكر والتقدير ..
تحيتي ..

**King** · 12-04-2009, 02:55 PM

تعبك راحه

إحنا بخدمتك

والله مشاكل السيارة تعتمد بالأول وبالآخير على إستخدام الشخص لها

وإذا انت من الناس إلي تحافظ على السيارة

انا أضمن لك إنها راح تعيش معاك بإذن لله

وبالنسبة لصيانتها دخلها بعد ماتكمل الـ 1000 كم

وعلى صيانة الـ 40.000 كم

لأنها مهمه للسيارة بحيث ان يتم تغيير حاجات كثيره ومهمه

الصيانات التي قبل الـ 40.000 كم غير مهمه

وتبذير المال على غير فائدة !

ومبروك مقدما ً على السيارة

ربي يحفظها لك من عين الحسد , آمـين

ملاحظة : إذا طلعت السيارة شيك على عدة السلامة والأشياء الأخرى

بالتوفيق

**Musouka** · 12-04-2009, 03:50 PM

شوف، قطع غيار السيفيك أغلى من الأكورد (خصوصاً أكورد 2008 فما فوق)، فأنا مثلاً غيرت السير في صيانة الـ110 ألف وكان سعره لوحده 313 ريال، بس كتجربة شخصية فالسيارة صار لها عندي قرابة الثلاث سنين وقربت أكمل الـ120 ألف، وما فيها أي خرابات تذكر، الأشياء التي بدلتها هي حسب جدول الصيانة.

**ناوي على سيفيك** · 12-04-2009, 04:20 PM

الله يعطيكم العافية ...

والله من جد هذا الكلام السنع مو صدت النفس اللي في قسم الصيانة ..

والله نخدمكم في الافراح ان شاء الله ...
تحيتي ...

**King** · 12-04-2009, 04:42 PM

الله يحفظك

وإحنا بخدمتك طال عمرك

**meshoo** · 12-04-2009, 06:53 PM

وش الكلام الي قريته بقسم الصيانه خلينا نعرف عشان نقدر نرد عليك

**ناوي على سيفيك** · 12-04-2009, 08:15 PM

والله في كذا موضوع يخوووووو الصراحة ...

يعني اللي يقولك في صوت يطلع من عند البوري ..
واللي يقول في صوت يطلع لما يلف يسار من عند الكفرات ..
واللي يقول كراسي المكينة راحت عليه ...

والله اقولك كلام من جد يصد النفس ...

تحيتي ..

**Musouka** · 12-04-2009, 09:09 PM

عادي ما في سيارة ما فيها اخطاء مصنعية خصوصاً في أول بداية الموديل، بس إذا كان هناك خطأ معلن، الشركة الأم راح تتكفل بإصلاحها على نفقتها الخاصة وعادةً ما تنشر الشركة إعلانات في الصحافة لتوثيق المشكلة.

**meshoo** · 12-04-2009, 09:12 PM

طيب سيارتي مطلعها من رمضان الي فات وماشاء الله مافيها ولاشي

هي على حسب المحافظه

اما اخطاء مصنيعه مافي اي شي يستاهل اني ماشتري السياره

استخير الله والله يكتب مافيه الخير لك

**Musouka** · 12-04-2009, 09:21 PM

أنت بعد طلع لك كم ريال صدقة عن السيارة لدفع البلاء وتوكل على الله فهو يعطي كل شخص على قدر نيته

وعشلن تتأكد إذا السيارة مناسبتك، اطلب قيادة تجريبية من الوكالة، أو سوي اللي سويته أنا وهو استئجار السيارة لمدة يوم أو أكثر وتجربتها في مختلف الظروف.

**ناوي على سيفيك** · 12-04-2009, 11:48 PM

الله يعطيكم الف الف الف عافية ...

انا ان شاء الله عندي نية الاستخارة واكيييييد اني راح استخير ...
وان شاء الله نطلع صدقة ..

وجزيتم خيرا ...

**amer_007** · 13-04-2009, 09:50 PM

آلسلآلآم عليييكم

أخوووي انآآ لي كم شهرر ومطلع سيفيك 2009 لؤلؤي فل كآآمل

والله السيآآرة ما شااء الله ،،

احسن ماعجبني فيهآ رساوتهاا

ومن نآحية الخراباات اللي فيهاا مثل ما قالوا الأخواان على حسب محآفظتك

وانتبه من المطبآآت << ترى هي اللي تعدم السيآآآرة

وتووكل على الله ولا تتردد

ان شااء الله أني أفدتك

تحيآآتي لك ،، ~