باشتري قطع من التشليح وخايف

**عامود كهرب** · 13-06-2009, 10:47 PM

السلام عليكم

اول شي انا من اشد المتابعين لهذا المنتدى الرائع ومن فتره

المهم

انا معي سيفيك لاعن ابوهااا

طيحتها وكل شي في راسي سويته

اليوم رحت التشاليح علشان اشتري

1: يايات مع الجنبينات
2: شداد السير لان طالع عندي صوت في الماكينه مثل يي يي يي يي يي اذا دعست وصار الريس على 1 او 2

كل هذا طلع علي با 1200 ريال

1000 سعر اليايات مع الجنبينات و200 سعر شداد السير

ايش رايكم في السعر شباب

وهل الصوت الي في الماكينه من شداد السير لاني سألت اكثر من واحد قالي منه

شباب انا مابعد اشتري القطع

ايش رايكم اتوكل على الله واخذهم بكره ؟؟

ياريت تريحوني

**B Useful** · 13-06-2009, 11:04 PM

سؤال بسيط ..

سآلت في الوكالة عن سعرهم ؟

ترا موب دايم التشليح ارخص من الوكالة ، احياناً يطلع مقارب وفرق 50 ريال واحياناً كثير اغلى .

يعني اذا مثلا دينموا قربة موية المساحات في التشليح بـ 100 وفي الوكالة بـ 114 وش بتاخذ على هذا الفرق ؟؟؟؟
وكم بيعطيك ضمان انة ما يخرب ؟؟

**o-k-r** · 13-06-2009, 11:40 PM

^^^^^
صحيح كلام الاخ كوكوكورد

وماقلت لنا وش موديل سيارتك عشان نقدر نفيدك اكثر

**عامود كهرب** · 14-06-2009, 12:52 AM

مشكورين شباب على الرد السريع

موديل السياره 2007

وسألت انا عن اليايات

الياي الواحد با 600 ريال من غير الجنبين

وشداد السير في حدود ال 550 ريال

بس ماقلتو لي هل الصوت الي في الماكينه من شداد السير ؟؟

وقال بيعطيني ضمان اسبوع اذا القطع طلعت خربانه يرجع لي فلوسي

**المباشر** · 14-06-2009, 02:45 AM

بخصوص شداد السير : حاول تفحص السيارة في ورشة ممتازة وعارفين للهوندا قبل لا تشتري وتتوهق علشان تتأكد من وين الصوت

وبعدين الشداد أنصحك تاخذه من الوكالة أفضل من التشليح المغبر المحلي واللي ممكن مايطول معك

اليايات ماعندك مشكلة تاخذهم من التشليح من موتر نظيف ومصدوم حديثآ وغير متعور من الأسفل

الجنبينات !!!! والله مادري وش وضعهم بالتشليح لكن الجنبين حساس جدآ ودائمآ ينصح بالأصلي والجديد علشان مايخترب بوقت قصير وترجع تركب جديد وتطلع التكلفة مع التركيب في كل مره مثل سعر الأصلي ، اذا قادر تاخذ أصلي وجديد أفضل لك

**o-k-r** · 14-06-2009, 10:56 AM

ويليت اخوي لو تحدد مكانك عشان نقدر نساعدك اكثر

انا ساكن في الدمام يعني اي خدمة حاظرين اخوي

**عامود كهرب** · 15-06-2009, 11:04 AM

اخوي المباشر

صدقت خلاص باخذ شداد السير من الوكاله حتى لو سعره دبل لي في التشاليح

لاني حاس اني راح اغيره باسرعه

بالنسبه لليايات

على فكره جنبينات سيارتي عدله وماني محتاج جنبينات

بس اصحاب التشاليح رفضو يعطوني الياي من دون الجنبين

قلت زياده الخير خيرين

امس اخذت لي اليايات مع الجنبينات الاماميه

من سيفيك نظييف في التشاليع

باقي الخلفيه اليوم ان شاء الله وارفع السياره

وهذي السيفيك فيها اسيات جلد عدله مافيها اي شي يبي يبيعهم با 2500 ريال

وعلى فكره انا من الشرقيه

بس الحين متواجد في الرياض