من ضمن إختياراتي هوندا سيفيك ، وش رايكم ؟؟

**أبو تركي** · 27-09-2009, 12:15 PM

السلام عليكم و رحمة الله و بركاته صباح/مساء الخير عالجميع بدون استثناء

كيف الحال عساكم بخير ؟؟

يا اخوان دورت على تقرير عن الهوندا سيفيك في المنتدى بس للأسف ما لقيت ، مدري هو موجود و أنا ما شفته و لا فعلاً ما هو موجود ؟؟

عموماً ، أخوي بيشتري سيارة جديدة ، و الوالد قال بياخذ له هونداي سوناتا 2009 ، طبعاً السيارة ممتازة خصوصاً إن واحد من الشباب معاه سوناتا 2008 و ما شاء الله تبارك الله ما عليها خلاف ، بس أنا قلت نشوف إختيارات أخرى ممكن تكون أفضل ، مثل الكورولا و السيفيك ، ودي اسأل كم سؤال و ألقى إجابة شافية .

طبعاً أنا ما أبغى رأيكم في السيارات اللي ذكرتها ، لكن أبغى أجوبة على الأسئلة التالية إذا ما عليكم أمر و أنا بقارن بينهم و أقرر بعدها :

1- وش إنطباعكم عن السيفيك ؟؟
2- قطع الغيار متوفرة و لا تاخذ وقت لين توصل ؟؟
3- قطع الغيار رخيصة و لا غالية زي ما نسمع ؟؟
4- وش أبرز عيوب السيارة ؟؟
5- السيفيك تستاهل سعرها و لا أشوف بديل أفضل بنفس السعر ؟؟
6- كيف أسعار الصيانة ؟؟

و إذا فيه إضافات ما ذكرتها ممكن تفيدني أكثر لا هنتم أطرحوها .

و أخيراً اتمنى ألقى أجوبة كافية و وافية ، لإن الواحد ما عاد يقدر يجازف و يتخذ قرار و يتحسف و يندم عليه بعدين ، فأنا الحين أقارن بينهم و أشوف الأنسب من بين الإختيارات اللي طرحتها و بعدها بإذن الله نقرر ..و لكم جزيل الشكر و العرفان .

**اكورد 2006 وبس** · 27-09-2009, 12:35 PM

انا جربت السيفك لمدة شهر بانسبة لاقتصادية في البنزين الافضل في فئتها والرساوة كذالك
بالنسبة لسعرها يستاهل فقط اذا كانت فل كامل لان الفل الكامل اضافوا عليها الكثير من المواصفاااات واذا سياحي اشوف السعر غير مناسب لانها ليس فيها مواصفات وشوف بديل لها فقط اذا كانت سياحي لكن اذا فل كامل توكل على الله وخذ سيفك
بالنسبة للأسئلة الباقية راعين السيفك انشالله يفيدوك

**khaled_exi** · 27-09-2009, 12:40 PM

والله يالغالي السيفيك تستاهل كل فلس تدفعو وصدقني ماحتندم لمن تختار السيفيك

تقبل مروري;)

**أبو تركي** · 27-09-2009, 01:31 PM

المشاركة الأصلية كتبت بواسطة اكورد 2006 وبس

انا جربت السيفك لمدة شهر بانسبة لاقتصادية في البنزين الافضل في فئتها والرساوة كذالك
بالنسبة لسعرها يستاهل فقط اذا كانت فل كامل لان الفل الكامل اضافوا عليها الكثير من المواصفاااات واذا سياحي اشوف السعر غير مناسب لانها ليس فيها مواصفات وشوف بديل لها فقط اذا كانت سياحي لكن اذا فل كامل توكل على الله وخذ سيفك
بالنسبة للأسئلة الباقية راعين السيفك انشالله يفيدوك

الله يعطيك العافية أخوي "أكورد "2006 ما قصرت يالغالي و معلومة ممتازة عن إستهلاك البنزين .. وفقك الله .

**أبو تركي** · 27-09-2009, 01:34 PM

المشاركة الأصلية كتبت بواسطة khaled_exi

والله يالغالي السيفيك تستاهل كل فلس تدفعو وصدقني ماحتندم لمن تختار السيفيك

تقبل مروري;)

الله يحييك أخوي ، السيفيك روعة و ما سمعت عنها إلا كل طيب ، و أنا جربت السنة اللي راحت سيفيك 2007 إيجار لمدة ساعتين ، سواقتها ممتعة جداً ، بس يهمني أعرف كل شي عن السيارة ، مو بس سواقتها .

أشكر لك مرورك و ردك .

**S A M I** · 27-09-2009, 03:38 PM

المشاركة الأصلية كتبت بواسطة أبو تركي

1- وش إنطباعكم عن السيفيك ؟؟
الصراحة سيارة جدا حلوة بالنسبة لفئتها
2- قطع الغيار متوفرة و لا تاخذ وقت لين توصل ؟؟
الحمدلله انا ماقيد احتجت لقطع غير اقمشة وهوبات وفلاتر وكلها متوفرة
ومرة واحد من الشباب خرب عليه السلف وقالوله الوكالة نجيبه من دبي وما اخذ اسبوع وهو واصل
3- قطع الغيار رخيصة و لا غالية زي ما نسمع ؟؟
ما اقدر اقولك رخيصة ولا اقدر اقولك غالية اسعارها طيبة
4- وش أبرز عيوب السيارة ؟؟
لحد الان ماوجهت غير عيب واحد وهو انه الفحمات تخلص بسرعة تقريبا تمشيك من 15 - 20 الف كيلو .... واسمع عن خراب ما ادري اذا كان عيب او لا وهو انه كراسي المكينة مو قد كذا في شباب غيروها على 40 الف كيلو
5- السيفيك تستاهل سعرها و لا أشوف بديل أفضل بنفس السعر ؟؟
بالنسبة للفل سعرها فيها بالنسبة للمواصفات : زنون وكشافات ومسجل 6 سيديهات وقير تيبترونك زي الفورملا 1 الي هو تبدل من خلف الطاره
6- كيف أسعار الصيانة ؟؟
من يوم اخذت السيارة وانا مداوم على الصيانة واسعارهم جدا طيبة وتقدر تشوف الاسعار بالضغط هنا

.

انشاء الله افدتك واي سؤال انا حاضر