عدة أستفسارات بخصوص مشاكل بالقير ( سيفيك 2003 )

**كلاس وولد ناس** · 12-10-2009, 02:42 PM

السلام عليكم ورحمة الله وبركاته
كيف حال الجميع
ندخل في الموضوع
عندي مشكلتين بسيارتي و إن شاء الله ألقى حل عندكم
1-أول ما أبدأ أمشي بالسيارة مع القومة يعني أحس ان السيارة ماتعشق على طول يعني تبدأ تمشي بعدين تنط
2-لمبات الفرامل عندي شغالة على طول قلت يمكن من اللمبات والافياش تبع اللمبات قمت فصلتها وجربت احرك القير من p إلى d وبدون فرامل وتحرك القير معاي مع العلم انه اول كان مايتحرك إلا مع الفرامل يعني في شي صاير الوضع مو طبيعي
أسعفوني بحلولكم
السيارة:هوندا سيفيك اوتو 2003
العداد:116686

**كلاس وولد ناس** · 13-10-2009, 12:03 AM

معقولة ولا رد

**Ëńġ․ℱάίśάℒ** · 13-10-2009, 12:19 AM

والله ودي اساعدك بس مافهم بهذي الشغلات بس ليا واحد صاحبي عنده صني اتوماتيك 2004 نفس الوضع يحطها على الدي السياره تتحرك قليل ويدوس بنزين وتفز بقوهـ راح فيها عند الورش كلهم اجمعو ان الجربوكس يحتاج توضيب واتمنى انها ماتوصل معاك لكذا وتكون بسيطه واعذرني ع الاطاله

**أبو الريش** · 13-10-2009, 12:41 AM

وعليكم السلام يا هلا وغلا بـ كلاسهم يا ولدهم

و الله بصراحة راح اعطيك احتمالات للمشكلة الأولى:-

* حساس القير او بالأحرى منظم القير الفالف بدي
* مثل ما قال اخوي ولد الطليان من الجير بوكس !
* فاصل الحركة المتعلقة بـ الدبرياج الي له علاقة مع الجير

و بالنسبة لـ لمبات الفرامل حاول انك تفصل البطارية لمدة ربع ساعة و بعدها رجعها مثل لول
وشوف اذا تغير معك الوضع او لا
و اذا ما زبط معك الوضع ,, احتمال تكون من فيوزات

**المباشر** · 13-10-2009, 05:03 AM

وعليكم السلام ورحمة الله وبركاته

حياك الله اخي الغالي وأعذرني في البداية لتغيير عنوان الموضوع بسبب وجود أعضاء عندهم الخبرة الكافية لمثل هالمشاكل أو واحد منهم حصل عنده مشكلة مماثلة ويقدر يفيدك وماحبيت ينحصر الموضوع لشخص معين

طيب نجي للمشكلة الأولى : من كلامك فهمت ان القير فيه الكلاتشات تعبانة ، يعني توضيب

المشكة الثانية : هنا تلخبطت عندي الأمور لكن لمبات الفرامل معلقة ممكن يكون بسبب الباكم تبع البريك عندك فيه مشكلة وممكن يطلع من شي ثاني أو ممكن زيت البريك عندك ناقص

على العموم الكلام ماينفع لأن السيارة تحتاج فحص ميداني بواسطة مهندس ميكانيكي يفيدك بالمشكلة وحلها بشكل أفضل أو توديها فحص كمبيوتر يطلعون لك وش المشاكل بتقرير وتصلحها

الله يعينك ومالك الا أهل جدة يفيدونك بورشة محترمة ومعروفة وأهم ي قبل كل حاجه روح ودها فحص كمبيوتر

**كلاس وولد ناس** · 13-10-2009, 07:45 AM

المشاركة الأصلية كتبت بواسطة italian boy

والله ودي اساعدك بس مافهم بهذي الشغلات بس ليا واحد صاحبي عنده صني اتوماتيك 2004 نفس الوضع يحطها على الدي السياره تتحرك قليل ويدوس بنزين وتفز بقوهـ راح فيها عند الورش كلهم اجمعو ان الجربوكس يحتاج توضيب واتمنى انها ماتوصل معاك لكذا وتكون بسيطه واعذرني ع الاطاله

مشكور على ردك و إن شاء الله ماتكون الدعوة توضيب جربوكس إهتمامي في السيارة زي اهتمامي بأخوي

**كلاس وولد ناس** · 13-10-2009, 07:48 AM

المشاركة الأصلية كتبت بواسطة أبو الريش

وعليكم السلام يا هلا وغلا بـ كلاسهم يا ولدهم

ياهلا بأبو الريش
و الله بصراحة راح اعطيك احتمالات للمشكلة الأولى:-

* حساس القير او بالأحرى منظم القير الفالف بدي
احتمال ليش لا عاد نشوف
* مثل ما قال اخوي ولد الطليان من الجير بوكس !
لالا الله لايسمع منك إن شاء الله أبعد احتمال
* فاصل الحركة المتعلقة بـ الدبرياج الي له علاقة مع الجير
عاد نشوف
و بالنسبة لـ لمبات الفرامل حاول انك تفصل البطارية لمدة ربع ساعة و بعدها رجعها مثل لول
وشوف اذا تغير معك الوضع او لا
و اذا ما زبط معك الوضع ,, احتمال تكون من فيوزات

مشكور على ردك وتفاعلك

**كلاس وولد ناس** · 13-10-2009, 07:57 AM

المشاركة الأصلية كتبت بواسطة المباشر

وعليكم السلام ورحمة الله وبركاته

حياك الله اخي الغالي وأعذرني في البداية لتغيير عنوان الموضوع بسبب وجود أعضاء عندهم الخبرة الكافية لمثل هالمشاكل أو واحد منهم حصل عنده مشكلة مماثلة ويقدر يفيدك وماحبيت ينحصر الموضوع لشخص معين
مشكور هذا من تواضعك بس والله عندك خبرة وفيك الخير إن شاء الله

طيب نجي للمشكلة الأولى : من كلامك فهمت ان القير فيه الكلاتشات تعبانة ، يعني توضيب

آآآآآآآآآآآه الله لايسمع منك لاتحطمني بيغمى علي لو الجربكس يبيله توضيب وانا حاط هالإحتمال بعيد لأني اكثر اهتمامي بالجربكس كل 25 ألف اغير زيته بس ان شاء الله مو توضيب

المشكة الثانية : هنا تلخبطت عندي الأمور لكن لمبات الفرامل معلقة ممكن يكون بسبب الباكم تبع البريك عندك فيه مشكلة وممكن يطلع من شي ثاني أو ممكن زيت البريك عندك ناقص

زيت البريك كامل وأشيك عليه كل خميس بالصباح لكن الباكم واحد من الإحتمالات

على العموم الكلام ماينفع لأن السيارة تحتاج فحص ميداني بواسطة مهندس ميكانيكي يفيدك بالمشكلة وحلها بشكل أفضل أو توديها فحص كمبيوتر يطلعون لك وش المشاكل بتقرير وتصلحها

الله يعينك ومالك الا أهل جدة يفيدونك بورشة محترمة ومعروفة وأهم ي قبل كل حاجه روح ودها فحص كمبيوتر
عاد موضوع الورشة منتهي منه لأن واحد من خوياني ميكانيك وتخصص ورشتهم هوندا ومررة وحدة قدني بسوي صيانة 120 ألف بس الله يستر

شاكر لك تفاعلك مشرفنا

**بلال العلمي** · 13-10-2009, 11:00 AM

اخوي كانت معي سيفيك مثل اللي عندك

ركبت لمبات الفرامل غلط وكانت تسوي معي كذا

يعني اعشق ثم اذا بغيت انطلق تمشي شوي وتمسك معك وبعد كذا تمشي عادي بس تحس فيه خربطة

نظام الكهرباء في السيارات الجديدة كلها مربوطة بالكمبيوتر والحساسات لذلك افحص اذا كان عندك التماس

انا غيرت لمبات الفرامل وضبطت معي

**كلاس وولد ناس** · 13-10-2009, 02:37 PM

8888888888888
أخوي بلال شاكر لك مرورك بس انت مافهمتني
بالنسبة لموضوع الفرامل كل شي تمام بس اللمبة حق الفرامل شغالة على طول والقير يتبدل من p إلى d بدون الضغط على الفرامل
آمل اني وضحتلك

**المباشر** · 13-10-2009, 03:04 PM

يعطيك العافية كلاس

ترى قير السيفيك قوي شوي وعاصي وقليل الشكاوي عليه

وكان عندي سيفك وبصراحة سيارة يعتمد عليها
وسالفت مع واحد بالوكالة عنده سيفيك قريب من موديل سيارتك ويمدح فيها كثير وماعنده مشاكل

انت حاول تمر على ورش ممتازة وثقه علشان مايلعبون فيك وكل شوي يقولون لك فيها ومافيها وآخر ش تطلع حاجه بسيطه

وأول شي حاول تسوي فحص كمبيوتر وعلمنا وش يطلع معك

**كلاس وولد ناس** · 13-10-2009, 11:17 PM

المشاركة الأصلية كتبت بواسطة المباشر

يعطيك العافية كلاس

ترى قير السيفيك قوي شوي وعاصي وقليل الشكاوي عليه

وكان عندي سيفك وبصراحة سيارة يعتمد عليها
وسالفت مع واحد بالوكالة عنده سيفيك قريب من موديل سيارتك ويمدح فيها كثير وماعنده مشاكل

انت حاول تمر على ورش ممتازة وثقه علشان مايلعبون فيك وكل شوي يقولون لك فيها ومافيها وآخر ش تطلع حاجه بسيطه

وأول شي حاول تسوي فحص كمبيوتر وعلمنا وش يطلع معك

جاري البحث عن حل للمشكلة
وشكرا لأهتمامكـ

**كلاس وولد ناس** · 21-10-2009, 02:15 AM

الحمد لله تم حل المشكلتين معا
فحصت السيارة فحص كومبيوتر وكان الفحص جدا ممتاز لأنه كان مجانا>>فيه واسطة ومعرفة
وطلع ان الماكينة والقير بأفضل حالتهم
والحل للمشكلتين من قطعة بلاستك صغيرة تركب ورا دعاسة الفرامل قيمتها 10 ريال
هذه صورتها

وهذه صورة للكيس اللي جات فيه عشان يظهر لكم رقم القطعة

شكر خاص للمشرف كوكو كورد هو اللي عطاني هالحل
شكر خاص للمشرف المباشر لأهتمامه بالموضوع
وشكرا لكل اللي مروا عالموضوع

**Ëńġ․ℱάίśάℒ** · 21-10-2009, 02:34 AM

الف مبروووك والله فرحت لك من قلبي ان السالفه جت بسيطه وان شاء الله ربنا يحفظلك سيارتك من كل مكروه

**كلاس وولد ناس** · 21-10-2009, 02:33 PM

المشاركة الأصلية كتبت بواسطة italian boy

الف مبروووك والله فرحت لك من قلبي ان السالفه جت بسيطه وان شاء الله ربنا يحفظلك سيارتك من كل مكروه

الله يبارك فيك وعساك دوم تكون فرحان وربي يحفظك ويحفظ سيارتك من كل مكروه