بنسبه لتعميم كراسي المكينه

[عاشق سيييييييفيك]

السلام عليكم أعضاء منتدى هوندا اليوم الصباح طلعت من الجامعه الساعه 9 شفت نفسي فاضي
قلت خلني أشوف أشطف الوكاله أسألهم عن التعميم عن كراسي المكينه ورحت وكالة الخالديه برياض شفت مدير الصيانه سئلته قلت له أنا معي سيفيك 2006 وسامع أن فيه تعميم لأصحاب السيفيك أن فيه خلل في كراسي المكينه وتغيروها قال ما وصلنا شي قلت يا خي متأكد واحد سأل وكالة هوندا في مكه وغيرو له الكراسي قال عطني الأستماره عطيته الأستماره قاعد يطقطق في الكمبيوتر قال العيب المصنعي فقط لسيفيك هو الفيوز وشداد السير ونا مغيرهم من فتره أما الكراسي ما جانا تعميم عنها قلت ياخي متأكد بغينا نتهاوش قال ما أقدر أسويلك شي مو معمم عندنا
أسف على الأطاله بس حبيت أقولكم شكل ما فيه تغيير كراسي مكينه يقول التغيير فقط الأكووورد وليس سيفيك :d

[salamify]

يعطيك العافية عالتوضيح يا غالي وللأسف وكالاتنا غير واضحة أبدا في ما يخص مصلحة الزبون والمستفيد مع إن الشغلة واضحة للعيان إنها عيب مصنعي ..
أخوي بخصوص الفيوز وشهو العيب المصنعي اللي فيها؟ وايش يسبب؟

[عاشق سيييييييفيك]

هلا وغلا أخوي مشكور على المرور بنسبه لسؤالك
من فتره صار فيه عيب مصنعي لبعض السيفيك 2006 أتوقع فقط وهي فيوز يقول في الفرامل مدي وش فايدته
وشداد السير كلها غيروها على حسابهم وعلى فكره كل هذي تحصلها في الوكاله أعلانات وأشوف معك سيفيك 2007 قد قريت أعلان في الوكاله
من فتره طويله بعض 2007 فها خلال مصنعي في الأنوار على ما أعتقد مو متأكد بس متأكد أن فيه خلال مصنعي لبعض 2007 أتمنى تشوف الوكاله يعلمونك كان عندك مشكله أو لا.

[salamify]

الله يعطيك ألف عافية يا غالي وما قصرت..

[meshoo]

اولآ يعطيك العافيه على حرصك

انا مريتهم اليوم واغلبهم زي ماقلت ماعندهم خبر حتى

المهم سئلت احد المهندسين له فتره في الوكاله وعارف كل شي

قالي اذا كان خربان والسياره ماتعدت الكيلومترات المحدده للضمان

يتغير الكرسي اليمين على الضمان اما اذا تعدت الكيلومترات المحدده للضمان مايتغير الا على حسابك

[ولد الديره]

يا شباب انا اليوم رحت الوكاله اللي في جده فرع طريق المدينه
و اعتقد هذا الفرع هو الفرع الرئيسي في المملكه

و سالت مهندس الاستقبال عن العيب الصناعي اللي في السيفيك , قالي ان ما وصلهم خبر و لا سمع ناس يشتكوا بهذا الشي !! و لا يعتقد ان هذا الكلام صحيح
سألني من فين جبت الكلام هذا ؟؟
قلت اليه من الانترنت ,, قال لي ( أكيد من منتدى محبي الهوندا ؟ )
:d قلت له نعم
قال هذا المنتدى احن ما نحبه ونسميه منتدى كارهي هوندا

حقرته ومشيت عنه قلت يمكن ما يدري عن شي

دخلت الورشه اللي في الوكاله ( مكان الصيانه ) بدون لا يشوفني المسؤول لانه الدخول ممنوع
و شفت واحد من المكنيكيين و سألته عن العيب هذا
قال لي و هو مبتسم : لا تسأل واحد في الوكاله عن هذا الشي علشان لا تصير نكته عنده
قال هذا الكلام مش صحيح و اصلا السيفيك و الـ CR-V أقل سيارات يختربوا في الهوندا
و قعد يمدح في السيفيك أكثر من الاكورد !! تصدقوا
المهم
قال لي لو هذا الشي عيب مصنعي كان جتنا سيارات سيفيك كثيره للصيانه , بس احنا ما نشوف سيارات سيفيك فيها هذي المشكله الا قليل و لا تعتبر عيب مصنعي



في الاخير ابي رايكم بالكلام هذا
يعني في كثير منكم واجه هذا المشكله ؟ و هل تصنفها كعيب مصنعي ؟
مع العلم ان عندي سيفيك 2008 و كارفها كرف و الضغط طول الوقت على السبعه :d ولا أحميها في الصباح ولا شفت منها و لا مشكله , ما شاء الله كأنها وكاله

[meshoo]

^^^

السالفه ماطلعت عيب مصنعي

طلعت اذا الكرسي اليمين خربان يتبدل على الضمان وبشرط انك ماتعديت الكيلو مترات المحدده لضمانك

[عاشق سيييييييفيك]

أولا شي مشكور أخوي ولد الديره على المجهود بخصوص الموضوع
أما بنسبه للمشكله ألحظ أكثر ألي يشتكو أذا وصل ممشى السيفيك 100 ألف ينكسر كرسي من كراسي المكينه
وأنا معي سيفيك 2006 يوم مشت 100 ألف أنكسر عندي الكرسي اليمين وغيرته والحمد لله الموتر ما في أي عيوب ثانيه وأكرر شكري على المجهود.