الحقوني,,بستجن من الرجة....

**dark-m** · 16-02-2010, 11:57 AM

السلام عليكم......
أخش في الموضوع علطول...
ياجماعة أنا أحس برجة في السيارة كأني راكب لوح خشب فيه إطارات :(:( !!!
بدلت الهوبات والقماشات وكرسي المكينة ووزنت ضغط الإطارات ....
وبعدييييييييييين

؟؟؟؟!!!
أرجوكم في حل ؟؟
وهل أنا بس أعاني من المشكلة؟؟؟
الرجة أحسها في ظهري ورجلي وفي عجلة القيادة ....
فعلاً لا أشعر براحة أبداً في القيادة

...
وبالذات تزيد عند تشغيل المكيف...
وهي ليست رجة بقوة بقوة لكن اهتزاز يجيب الجنون ....
يعني اركب أي سيارة وقارن...
والله كرهت السيارة من هذي المشكلة

...

**ღღ 3eo0oney...ღღ** · 16-02-2010, 12:11 PM

وعليكم السلام

هلا خيووووو مشكلتك بسيطة وحلها سهل مايبيلها شغل كثير انت بس هد بالك وروق

روح للوكاله وسلها فحص كمبيوتر

واذا الرجه بالطارة لك الحل

روح عند محل ترصيص مثل الطيار وطقته منتشرين بكثرة الحين فتحوا فروع واجد

الزووووبده سو لها ترصيص الكتروني او ترصيص ارضي وان شاء الله بتفيد معك وبتدعيلي

**meshoo** · 16-02-2010, 12:11 PM

شيك على كرسي المكينه اليمين في الغالب تكون المشكله منه

واذا سيارتك باقي على الضمان يتغير لك الكرسي اليمين

**جسوم البحراني** · 16-02-2010, 12:18 PM

أغلب الضن من رأس الشافت Driving Shaft Hub

**dark-m** · 16-02-2010, 01:28 PM

مشكورين على الردود وعذروني لعصبيتي لأني صراحة تكسرت وتنرفزت جداً :( ....
بس أخوي جسوم ما فهمت ايش تقصد بـ رأس الشافت ...

**عاشق سيييييييفيك** · 16-02-2010, 04:38 PM

أتوقع ياخوي يبغالها ترصيص كفرات أو تروح الوكاله وتسوي لها فحص كمبيوتر.

**أبو الريش** · 17-02-2010, 09:59 AM

موديلها كم ؟

**ولد الديره** · 17-02-2010, 12:22 PM

اعتقد ان المشكله اللي عندك زيي

أنا أحس لما امشي بالسياره يطلع صوة من الكفر كأني أدوس على حاجه باستمرار علشان كذا في رجه

رحت الى فرع من فروع هوندا و قالولي ان عندي واحد من الكفرات فيه عله , يمكن يبيله ترصيص و يمكن يبيله وزان و يمكن يبيله تبديل
يعني كفر جديد

أنصحك تمر على واحد خبير بالسيارات و تخليه يسوق السياره بنفسه
و هوا بعرف المشكله بالضبط

**جسوم البحراني** · 17-02-2010, 12:52 PM

Driving Shaft الشافط حقت السيارة يتكون من عدة اجزاء

1) رأس الشافط و يركب في ال Wheel hub

2) وسط الشافط و هو الجزء المعلق بين Wheel hub و القير

3) Shaft Hub و هو الرأس الذي يركب في القير

**es1400sa** · 17-02-2010, 05:44 PM

السلام عليكم أخوي رواح عند ورشة الموسي علي طريق كورنيش القطيف وشيك على الشداد وعلى الكراسي وعلى العكوس الرجل خبير في الهواند لان كان شغال في وكالة هواند سبقن