النجدة... زر الكشافات

**dark-m** · 29-01-2010, 07:30 PM

السلام عليكم...
ياجماعة أنا ركبت كشافات ضباب تجاري...
عن حساب ماخدنهم على أنهم لل 2008 لكن للأسف طلعوا ل 2006

ولكن بعد التركيب والقص وكل شي ...
صار دور تركيب زر التشغيل اللي يجي على جنب هم 3 حبات جنب بعض 2 مسكرين...
شال وحدة العامل بعد ما ثقبها وماكان لها داعي الحركة...
جينا نركب الزر الجديد

!!!!!!
طلع كبير وما يركب وخلاه العامل مدلدل

وأنا شبيت خلاص...
رحت للغيار قال ليي ما أتوقع موجودة القطعة..
ويش الحل الله يرحم والديكم...
لأن الشكل مريع صراحة...
صورة توضيحية...
http://www.alhnuf.com/up/pics-gif/up...ile=54b4c5135c

**abAdy.777** · 29-01-2010, 07:37 PM

وعليكم السلام ورحمه الله وبركااته
انا اقولك شوف جرب حق ال008 اكيد يركب
واذا قصدك رحت وماهو موجود
انطره كلها كم يوم
او اخذ لك فيش صغير افياش عادي التك تك<<لا والله
ههههههه
الأفياش العاديه الي يحطونها اكثر الناس
مثل الي فيه عصا تصعدا فوق وتحت
او زر
طبعا مؤقت ليما تلاقي للـ008

انشالله افدتك

**meshoo** · 29-01-2010, 07:58 PM

وعليكم السلام

المفروض مايركب الا لما يتأكد

وبشكل عام من 2006 الى 2008 نفس الكشافات

ومالك الا انك تمر النعماني يمكن تحصل عنده ومر قطع الغيار بالوكاله فرع طريق الدمام الخبر السريع

**dark-m** · 29-01-2010, 08:57 PM

وين هذا النعماني؟

**abAdy.777** · 29-01-2010, 09:01 PM

تفضل
http://hondaarabia.com/alnomani/

**راعي الcivic** · 29-01-2010, 11:33 PM

يغالي القطعه دي غير موجوده في قطع الغيااار لان كشفات الوكااله ماتجي بزر تجي بعصا النور
وبنسبه للزر روح محل الزينه قله عطيني زر كامري 2004
بيركب معاك على طول
تقبل مرووري

**dark-m** · 30-01-2010, 12:16 AM

مشكووووووووووورين يا إخوان على المساعدة....
لكن بالنسبة لزر الكامري 2004 هل يركب بنفس المقاس واللون ؟
وكم سعر الكشافات وكالة؟

**عاشق سيييييييفيك** · 30-01-2010, 12:30 AM

هلا وغلا أخوي اسمع انا معي سيفيك 2006 ركبت كشافات تجاريه مثل ألي مركبها وعلطول ركبت ومقاسها كويس وأشوف فتحات ديكورك في الصوره نفس فتحاتي بظبط والحمد لله الكشافات عندي من سنه ونص الحمد لله ما اشتكيت منها اذا بغيت الحل شووف محلات الزينه قول بشتري منك فاصل الكشافات شوف يمكن يبيعك خله يفك كرتون جديد ويعطيك الفاصل
وشوف يمكن يركب أتمنى اكوون افدتك.

**AC_CORD** · 30-01-2010, 12:41 AM

اذا عاجتك الكشافات مالك الا غرا mp3
النصيحة انك ترجعها شد بلد يعني تخلي الكشافات زينة فقط ماعليك الاتشيل الزر والاسلاك وترجع غطاء بلدها والكشافات خليها ديكور لانه اكيد وصلك السلك على البطارية وهذا اكبر غلط

**dark-m** · 30-01-2010, 12:56 AM

المشكلة حتى لو أني شلتها وخليت الكشافات زينة...
العامل الغبي كسر قطعة الديكور!!!!
طيب أخوي عاشق سيفيك انت ركب معك زر التشغيل؟

**sul6an** · 30-01-2010, 01:20 AM

محلات الزينة عندهم نفس المقاس

**ولد الديره** · 30-01-2010, 06:36 AM

أنا لو واحد يسوي حركة زي كذا في سيارتي أضربه بمسدس

**ابوزكي** · 30-01-2010, 10:26 AM

انا صادتني نفس المشكله من قبل ..
و ظل عندي فترى ماعرفت وش اسوي فيه ..
اذكر حطيت عليه لزاق اسود مال كهربا ولفيته عليه كامل من ورى .. وضغطه على داخل ورقب اشوي ..
وظل ماسك ويايي مده طويله ..
كان شكله نوعن ما قبيح بس يمشي حاله ..
بعد فتره واحد من الكشافات ماستحمل حرارة الزنون وراح فيها ..
وقمت غيرتهم وركبت جدد بعد تجاريين بس من شركة Dalla وهذولين لقيت وياهم زر مال الكشافات بالضبط نفس المقاس
مال الديكور وعلى طول فكيت الأولي وركبت الجديد ..
تلقاهم 180 ريال قيمتهم في شارع تويوتا

**dark-m** · 30-01-2010, 11:58 AM

والله مشكلة...
رحت لمحلات قطع الغيار يقولوا مايجي الا عصا النور:(...
طيب غطا الديكور ؟؟؟!!
قالوا مايجي

**Accord_Akkawi** · 30-01-2010, 12:22 PM

روح الغرابي وإسأل عن محل اسمه الشاشة
الوصف
لمن تيجي للغرابي من ناحية وزارة البرق والبريد خلها علي يمينك وتجيك اشارة يكون يسارك "بوش"
ادخل منها يمين
وتجيك كمان إشارة روح يسار بعد محلات الجنوط ادخل يمين
امش على طــــــــــــــووووووووول الين يصير الشارع حرف t
رح يمين وعد ٤ محلات أو ٥ من يسارك بتقى محل اسمه الشاشة
يشتغل فيه واحد مصري محترم جدا جدا جدا
وشغله نظيف مرررررررررره وأسعاره رائعه
انت بس قله ارسلني عليك بشار اللي كان معه بي ام اسود
وجاب هوندا ذهبي وشوف كيف بينزلك بالسعر انا زبونه
من ٤ سنوات ............

وشوف كيف ب

**dark-m** · 30-01-2010, 02:44 PM

وين هذ الغرابي؟
في الدمام؟

**عاشق سيييييييفيك** · 31-01-2010, 12:17 PM

المشاركة الأصلية كتبت بواسطة dark-m

المشكلة حتى لو أني شلتها وخليت الكشافات زينة...
العامل الغبي كسر قطعة الديكور!!!!
طيب أخوي عاشق سيفيك انت ركب معك زر التشغيل؟

هلا والله نعم انا ركب عندي الزر الحمد لله وماشي عندي كوويس ولا فيه أي مشكله ومثل ألي مركبه انت تجاري طبعا شاري الكشافات ب 200 ريالا

وهذي صورة الفاصل في سيارتي وراكب مظبوط

**o-k-r** · 31-01-2010, 12:43 PM

المشاركة الأصلية كتبت بواسطة عاشق سيييييييفيك

هلا والله نعم انا ركب عندي الزر الحمد لله وماشي عندي كوويس ولا فيه أي مشكله ومثل ألي مركبه انت تجاري طبعا شاري الكشافات ب 200 ريالا

وهذي صورة الفاصل في سيارتي وراكب مظبوط

سم سيم صديق

انا كشافاتي من سنتين مركبها والحمدالله توها تنتهي من كثر الخطوط:d