يالربع فزعتكم عاد .. مشكله في مسجل سيارتي بسيطه بس صعبه

**ابوزكي** · 30-01-2010, 10:16 AM

السلام عليكم ورحمة الله وبركاته ..
شلونكم شعلومكم عساكم بخير ..
يقولو من طوّل الغيبات ياب الغنايم ..
وانا مايبت الا الخرابات ويايي ..
ههههههههههههه
لاتفكرو نذير شؤم برجعتي ليكم ..
المهم وحشتوني كلكم ..
وعندي سؤال بسيط والا يحله اله جائزه كبيررره من عندي لأن الوكاله نفسها ماعرفت اتحلها ..

مسجل السيفيك يالربع معروف كاسيت وسي دي ..
خلنا انظل في الكاسيت احسن لينا .. لأن المشكله فيه ..
مادري اذا احد صادته هالمشكله دي ولا لا ؟؟
مشكلتي ان الكاسيت لما يقلب على القلبه الثانيه أو نضغط رقم 6 عشان نقلبه ع القلبه الثانيه .. يصير سريع ..
وين المشكله ؟؟
علماً ان أغلب الأشرطه اتصير فيها هالسالفه عندي ..
يوم رحت الوكاله على الضمان من زماااااان .. فكوه ولا عرفو يصلحوه ..
وطلعو ليي بحجّه وقالو ان مسجلات الهوندا .. البكره حقتهم ماتستحمل شريط أكثر من 90 دقيقه ..
علماً ان انا شغلت ليهم شريط أبو 46 دقيقه ومازالت المشكله شغاله ..
مادري يمكن لأن الشريط الا شغلته كان (نانسي عجرم .. شاطر شاطر) :d أو المشكله في المسجل او فيي انا ؟؟
خخخخخخخخخخخخ
عموماً لاحد يقول ليي لأن الشريط مو أصلي أو لأن الشريط تسجيل أو أو أو ..
ترى الأشرطه أصليين وكل شي تمام التمام .. وشغلته قدام المهندس في سيارة ثانيه بس كانت مرسدس قديمه واشتغل عادي ..
وطلع ليي بالحجه الا انا قلت ليكم بها فوق ..
فانتون وش رايكم ؟؟

**abAdy.777** · 30-01-2010, 10:33 AM

وعليكم السلام
دام هاذي مشكلتك
وانا الصراحه ماعندي حل لهاا
دامهاا الوكاله ماعرفو وماتسوي
بس اقوولك احسن حل روح للوكاله
قولهم ياتعدلونه يا تغيرونه مالي شغل
تشوفون لي حل!!؟؟
ومنها ينحط لك مسجل جديد
ويتعدل وعلى حسابهم;)

**ابوزكي** · 30-01-2010, 10:47 AM

انا هالشي سويته يالخوووي من قبل ..
بس من يوم طلعو ليي في سالفة ان البكرات ماتستحمل الشريط الا مدته 90 دقيقه ..
ماعرفت وش اسوي ..
وبعدين السيارة طلعت من الضمان وهالكلام من زمان ..
بس مو يعني من زمان خلاص نسكت عنه ..
لااااااااا و ألف لااااااااا ..
انا قاعد أفكر أرش على البكرات مزيّت حق اكترونيات .. يمكن يسوي لي حل ..

**shagra24** · 30-01-2010, 02:38 PM

أحياناً بعض الورش يفهمون أكثر من الوكاله

يعني ممكن المشكله حقت المسجل بسيطه لكن الوكاله ما عرفولها لأنهم يمشون على ستاندارد معين خاص بهم و ما يفكرون خارج الصندوق

أذكر مره كان مشكله عندي في الفورد كراون فكتوريا و رحت الوكاله و حاولو يصلحونها و حاولو و ما قدرو و في الأخير سلمولي السياره و كتبو في التقرير (لا توجد مشكله) بس علشان يفتكون و تهاوشت معهم شوي و اعترفوا أن المشكله لا زالت قائمه و اعتذرو و طلبوا أخلي السياره عندهم فتره يحالوون و في الأخير ما عرفو الحل

أنصحك تروح لمحلات تركيب مسجلات و تدور محل يشتغل فيه فلبيني لأنه غالبية الفلبينيين ما شاء الله يحلون اي مشكله و عندهم حس و فكر هندسي عميق و فوق هذا يعترف لك إذا ما يعرف يصلحه من البدايه