الموضوع: مشكله في السيفيك الجديد

طيب دور بالتشليح ( السكراب )

الله يعينك

الله يعينك وانا عندي سيفيك وما طلعت فيها هذه المشكلة

أطمئن عزيزي ولا تنتظر الوكالة ولا أبو الوكالة .....معذرة

أنا حصلت معاي نفس المشكلة لكن حليتها بنفسي وبسهولة ;)

طبعا المشكله هي تكوِّن مادة الكربون أثناء تلامس صحيفتين داخل السويتش والي يمنع مرور الكهرباء من خلاله ..ومن حسن الحظ إن السويتش مصنوع من بلاستيك ومكبوس بحيث إنك تقدر تفتحه بسهولة .

خطوات التصليح:
1- إفتح الغطاء الأسود الموجود تحت الدركسون فوق الدعسات بعد ما تفر المفتاح البلاستيكي.
2- إضغط دعسة البنزين بيدك وفي نفس الوقت فر السويش بعكس إتجاه عقارب الساعة وجره.
3- إفصل الأسلاك من السويتش بعد ماتضغط على لسان القفل.
4- الحين تقدر تفتح السويتش المكبوس لكن حاول ما تضيع أغراضه واحفظ تركيبته من الداخل (لاتخاف ماهي معقدة)
5- نظف سطوح الصفايح الثابته والمتحركه لين تشوفه تلمع مثل الذهب. (تحتاج إنك تستعمل سكين)
6- قم بتجميعه مرة ثانية وكرر خطوة رقم 3 تليها 2 لكن بالعكس علشان ترجع السويش مكانه.

وهذا هو الحل مايحتاج تطارد ورا الوكالة وتخليهم ينهبونك.

ملاحظة : احتمال ترجع نفس المشكلة بعد فترة من استخدام الفرامل حوال اسبوع أو اسبوعين. انا حصلت معاي مرتين, لكن الآن صارلي أكثر من شهر ونصف وما رجعت لي نفس المشكلة.