استفسار عن الجنوط

**المعنا** · 12-02-2010, 03:26 PM

السلام عليكم
استفساري يا اخوان عن الجنوط :
سيارتي سيفيك 2007 طيس وارغب في تركيب جنوط لها , هل للجنوط تأثير على السيارة سواء على الهوبات او العكوس او رجة في السيارة عند الوصول لسرعة معينة ؟ او اي تأثير آخر ؟
ارجو من لديه افادة لا يبخل علينا وجزاكم الله خير .,.,.,
على فكرة : هذا اول موضوع و أول مشاركة لي ردوا علي لا تفشلوني وبعدين انصدم وتجيني حالة نفسية :d

**dark-m** · 12-02-2010, 07:40 PM

ركب أصلي وانت مرتاح

....
بس التجاري لا تقربه

....
مطبه لو حفرة وتكسرت الجنوط زراحت السيارة

...
الأصلي ولا تفكر بغيره ;) ....

**المعنا** · 12-02-2010, 08:20 PM

ألف شكر لك اخوي , بس ابغى اعرف الضرر أو التأثير بالضبط ؟

**عاشق سيييييييفيك** · 12-02-2010, 09:16 PM

هلا فيك اخووي وحياك في منتدى هوندا وأنشاء تفيد وتستفيد
بنسبه لسؤالك شوف اتوقع اذا كان بتركب جنوط تجاريه كريستال اتوقع فيها ضرر عشانها بسرعه تنكسر
مع اي حفره قويه او مضب قوي خطر توح عليك وتسبب لك مشاكل
أنا معي مثل السيفيك حقتك 2006 طيس ركبت عليها جنوط السيفيك نفس شكليت الوكاله بس تجاريه والحمد لله
قوويه ولا تضررت منها أبد وامسك عليها خطوط وحفر ومضبات ولا تضررت الحمد لله فأنا أنصحك تركب جنوط السيفيك تجاريه سعرها 1100 الوكاله الجنط الواحد اتوقع 1700 ريالا غاليه بقووه اتمنى اكوون افدتك واسف على الأطاله.

**بلا وجع راس** · 12-02-2010, 10:10 PM

السلام عليكم ياخوي انا معي سفيك 2008 طيس وركبت اجنوط اصلي من الوكاله والله جربته في الخط ممتازه مره
وحبيت اعلمك رح للوكاله فيه سعر حلووو مرره اطقم خمس اجنوط 2100 وركبت عليها كفرات قودير 2100

وتقبل مرووري

**eminem** · 12-02-2010, 11:21 PM

ياهلا والله نور المنتدى يالغالي ... من الردود الظاهر إنو إن شاءالله مامنها ضرر ... بس أهم شي يكون مقاسها مناسب يعني لا أكبر ولا أصغر

**meshoo** · 12-02-2010, 11:27 PM

لو فيها ضرر ماكانت راكبه على الوسط والفل
بس حاول اذا ركبتها تاخذ مقاس الكفر من الفل او الوسط كلها نفس المقاس
وفي الوكاله نوع ياباني وارد دبي سعر الجنط 436ريال افضل من التجاري
وبالتوفيق لك

**المعنا** · 15-02-2010, 07:02 PM

الشكر كل الشكر لكل من افادني بالمعلومة ,.,.,.,.,

**سيفك2008** · 15-02-2010, 09:56 PM

ياشباب أرشدوني الى حل والله انا متحير بين الجنوط الأصليه وجنوط الوكاله اللي سعرهم مايقارب 2100 طبعا انا ماودي أشغل نفسي ودور لي من التشاليح بس سئالي أنتم تنصحوني أشتري جنوط أصليه من التشاليح او من الوكاله اللي سعرهم 2100 وياليت تفيدوني لأني والله عازم أشتري جنوط لأن سيارتي طياس

**ابوزكي** · 16-02-2010, 09:41 AM

خذ لك اصليين من التشليح

**سيفك2008** · 17-02-2010, 03:24 PM

شورتك وهداية الله

**es1400sa** · 17-02-2010, 05:28 PM

السلام عليلكم يأخوي أن مركب جنوط تجاري مع الكفرات ب2500ريال الكفرات كوري الواحد250ريال والجنواط1500ريال ولي سنة من ركبتهم ولافيهم اي مشكلة

**سيفك2008** · 18-02-2010, 02:08 PM

المشاركة الأصلية كتبت بواسطة es1400sa

السلام عليلكم يأخوي أن مركب جنوط تجاري مع الكفرات ب2500ريال الكفرات كوري الواحد250ريال والجنواط1500ريال ولي سنة من ركبتهم ولافيهم اي مشكلة

كلمت أنا واحد من ربعي يقول ماحصل جنوط من التشاليح وقالي أصبر ونا صراحه مستعجل يعني أبي أركب جنوط بأي وسيله لو رحت الوكاله في نفس اليوم يعطوني جنوط أو طلبيه طبعا باخذ جنوط نوع تجاري نفس اللي عندك بس ياليت تقولي اذا فيهم سلبيات أو شيئ لأنهم أشبه بالتجاري ولك جزيل الشكر

**meshoo** · 18-02-2010, 02:46 PM

المشاركة الأصلية كتبت بواسطة سيفك2008

كلمت أنا واحد من ربعي يقول ماحصل جنوط من التشاليح وقالي أصبر ونا صراحه مستعجل يعني أبي أركب جنوط بأي وسيله لو رحت الوكاله في نفس اليوم يعطوني جنوط أو طلبيه طبعا باخذ جنوط نوع تجاري نفس اللي عندك بس ياليت تقولي اذا فيهم سلبيات أو شيئ لأنهم أشبه بالتجاري ولك جزيل الشكر

في الوكاله نوع ياباني وارد دبي سعر الجنط 436ريال افضل من التجاري يعني سعر الطقم 1744 ريال واضمن لك وآآمن

واذا كان عندهم موجود بيعطونك اياها بنفس اللحظه اذا مخلص من نفس الفرع بيطلبونها لك من فرع او منطقه ثانيه

ولاتستعجل وتشتري التجاري

**سيفك2008** · 18-02-2010, 05:53 PM

أهااا مشكور ويعطيك ألف عافيه يعني الوكاله اللي عندها من دبي أفضل من التجاري

**xHeartcoreboyx** · 22-02-2010, 02:48 PM

النجات اذا مقاسها مناسب، مو فوق ال ١٨ مافيها ضرر..

و اذا بتركب تجاري، حاول يكون اكثر شي عرضها 7.5 او 8 اذا بتحافظ على سواقة السيارة، و عرض الكفر اكثر شي حدود 235