استشارة في شراء سيفيك مع اول مشاركة

**aborimas** · 06-03-2010, 09:39 AM

السلام عليكم ورحمة الله وبركاته اهلا بكم اخواني في المنتدى انا جديد واشرف بمعرفتكم

استفساري اني املك سيارة لاند كروزر وهي كبيرة علي داخل المدن لذلك قررت بمشيئة الله اشترى سيارة بجانبها صغيرة تعيني بعد الله داخل المدن وفي نفس الوقت تسافر وبكل كفاءة .

الآن عرضت علي سيارة هوندا سيفيك 2007 لون لؤلؤي باختصار مع اخوي شراها جديدة وتحت استخدامه وهو انسان كبير ولاهو حق سرعات ولا تفحيط يعني عاقل ولا نزكي على الله احدا .

الشاهد انه عرضها علي بـ 40000 ريال فقط فهل السعر هذا معقول ولا غالي ولا رخيص
وهل تنصحوني بشراءها .
ايش هي عيوبها ان امكن ؟ ولكم مني جزيل الشكر والعرفان وارجوات الرد عاجلا :o:o:o

**meshoo** · 06-03-2010, 11:37 AM

وعليكم السلآم

طيب كم ماشيه ؟

واي فئه من فئات السيفيك ؟

**aborimas** · 06-03-2010, 01:09 PM

ماشية 70 تقريبا وفل كامل

**King** · 06-03-2010, 01:21 PM

ماشاء الله تبارك الله , السيارة نظيفة بحكم ممشاها وموديلها

وانا من رأيي ونصيحتي لك بكل صدق

خذها وتوكل على الله بما انها من اخوك وانت عارف سواقته وعارف انه لاسمح الله صار لها حادث ولا شيء

وغير كذا ممكن يصير فيها مشكلة لاسمح الله تقدر ترجع لأخوك وهو يفيدك
(ممكن فيه أشياء ماتغيرت مثل العكوس وكراسي المحرك وغيرها)

ولو انها بـ 50,000 ألف أخذتها وتعتبر صيدة وماتتفوت , والله يوفقك (لاتنسى تستخير ربك)

وآي خدمة إحنا تحت آمرك :o

**meshoo** · 06-03-2010, 03:25 PM

ماشاء الله تبارك الله

سعرها مناسب جدا جدا وممشاها مناسب توكل على الله واشتريها

وبالتوفيق لك ان شاء الله

**salamify** · 06-03-2010, 05:24 PM

خذها وانت مغمض يا غالي..

**عاشق سيييييييفيك** · 06-03-2010, 10:27 PM

هلا أخووي خذها ما راح تلقى نفس هذا السعر والله يعطيك خيرها ويكفيك شرها.

**البروفسور** · 07-03-2010, 11:30 AM

توكل على الله

ممشاها طيب وسعرها مره حلو ولا رح تحصل بنفس السعر ذا ابد

الله يوفقك

**aborimas** · 09-03-2010, 08:15 AM

اشكر الجميع على مشورتهم ووالله خليتوني احبها اكثر وآسف على التأخر في الشكر والرد لانشغالي خلال الأيام الماضية عن النت ولكن والله ما قصرتوا الله يبيض وجيهكم وخليكم ذخر لنا سلمكم الله .
لكن هل صحيح ان حجمها غير مناسب وصغيرة جدا وما تشيل شي ( ناس يعني هههه )
ولي طلب صغير لو سمحتم هل ممكن احد يزودني بصور لها اي الفل الكامل اذا مافيه كلفه .