مشكلة الرديترسيفيك 2006

**أبوريماس** · 22-03-2010, 11:32 PM

السلام عليكم يا أعزائي

يا شباب عندي سفيك 2006
مشكلتي مع الرديترهذه رابع مرة اغيره
اخر مرة والله ماكمل سنة أخذته وكالة وقبل اسبوعين بدا يهرب الموية
وطلعت فيه تهريب وسويت له لحام...........
ورجع بعدها.......

السؤال
هل المشكلة هذه مرت على واحد على الاقل .؟؟؟؟؟
ماهي المشكلة الرئيسية اللتي تخرب الرديتر؟؟؟؟

رفع الله عنكم كل سوء واتمنى مساعدتكم

**عاشق سيييييييفيك** · 23-03-2010, 12:51 AM

هلا أخووي والله أنا معي سيفيك 2006 الحمد لله عمرها ما مرت علي لكن شوف دخلها الوكاله أو افحصها كمبيوتر شوف يمكن فيها مشكله تاثر على الرديتر ولو يا ليت تعطينا سعر الرديتر في الوكاله بكم أخذته والله يعينك.

**o-k-r** · 23-03-2010, 01:03 AM

بالنسبة اذا كان يهرب

اتذكر واحد من الشباب كان يعاني من هذي المشكلة

اللهم كانت السيارة تهرب ماء ولكن ليس من الرديتر

يليت اخوي لو تذكر مكانك عشان اقدر افيدك اكثر

او اوريك القطعه اللي بدلناها لأنه سعرها بسيط

وانا صارلي هذا الشي سيارتي مررة ارتفعت الحرارة وبدلت القطعه والحمدالله الى يومك ماصادفتني اي مشكلة

**salamify** · 23-03-2010, 09:09 AM

أكيد فيه مشكلة من غير الرديتر وتأثر عليه وتخربه فالأفضل إنك تسوي للسيارة فحص علشان تعرف وين الخلل وإن شاء الله تكون المشكلة بسيطة..

**أبوريماس** · 23-03-2010, 10:00 AM

انا موجود بالرياض
المشكلة نفس الرديتريهرب واتوقع ايضا من مكان ثاني بس والله ماني عارف من وين تنقص المويه بس ما القى شئ تحت السيارة فحص الرديترويطلع يهرب
سعره تقريبا 1400 تقريبا
لقيت صيني 290
اش رايكم بالصيني

**متصفح** · 23-03-2010, 02:03 PM

مايخرب الرديتر الا الصدأ والصدأ يجي من استخدامك لمويه عاديه او مويه خضرا ابو عشره

لو رديترك اصلي وموية الرديتر اصلي مايجيك مشكلة ان شاء الله

**هـsiـاجر** · 23-03-2010, 03:21 PM

ودها الوكالة بس... السيارة جديدة الورش خلهم حق التخليع بس

**أبو الريش** · 23-03-2010, 05:42 PM

والله ياخوي مدري كيف مشكلتك

لكن اذا كنت تقول ان المشكلة من اللديتر ,,, فكيف حرارة السيارة معك ؟! طبيعيه ولا دائما مرتفعة اكثر من الطبيعي ( النص ) ؟!

اذا كانت اكثر من النص فهذا يعني ان اللديتر هو المسبب للمشكلة ,, اما اذا كانت عاديه مثل ما قالوا لك الأخوان هذا مش من اللديتر و انما مثل ما قالك الأخ اوكر للأن اتذكر ان المشكلة صارت له و هو عـ طريق الظهران- الجبيل :o

**meshoo** · 23-03-2010, 10:15 PM

وفي مثل هذي الاشياء لاتستخدم الا القطع الاصليه

**ابوزكي** · 28-04-2010, 10:06 AM

اهم شي المويه حق الرديتر ..
لاحد يستسهل فيها

**memories** · 02-05-2010, 08:48 AM

http://www.hondaarabia.com/club/show...-بصفة-عااااامة

**السفيك كول** · 09-06-2010, 08:32 AM

اخوي انا حصلت لي مشكله في الرديتر تهرب المويه بس علئ الخفيف لي اني صدمة في سياره من تحت حجر او حديده يمكن ماشي 140 لقيت عندي الطبه التحتيه مشطوبه روحت لي محل اللديترات المهم سوئ لي طبه جديده تقريبا كلفتني 200ريال وبعدهاا مااشاء الله السياره فل الفل وممكن تكون من الكلبس حق الخرطوش او(الاي) والكلبس قيمته 5ريال اظن وماااانصحك ابدااااااا تاااخذ للتديتر صيني هذا ماااينفع باريال يمكن المشكله مو من اللديتر كامل ممكن من الطبه اوالكلبس المربوط في الخرطوش او الخرطوش نفسو يمكن يهرب اوشي زي كذا اتمنئ اني افدتك لو بشيئ بسيط ...