المكيف كل ماعبيته فريون يظل حااار وش اسوي له ؟؟

[ابوزكي]

السلام عليكم ورحمة الله وبركاته ..
شخباركم شباب عساكم بخير ..

والله بصراحه من شريت السيارة والمكيف اوكي ..
بس قبل لاندخل الصيف شفته حار ..
قلت اوديه يمكن يبي له تعبئة فريون بما انه صار له 4 سنوات ..
وديتها لكهربائي زين عندنا ..
وعباها فريون وظبط يمكن شهر وبعدين رجع حار ..
وديته له مرة ثانيه قام يشيك عليها لقة في تهريب للزيت في الماسوره ..
قال ليي خدها وسوي ليها كبس ..
ووديتها الى محل زين وسويت ليها كبس ورجعتها اله وعباه فريون مرة ثانيه واشتغل حلو وتمام التمام ..
وظل فترى يمكن 3 اسابيع .. والحين اشوفه رجع حار .. والا يقهرني انه في الظهر يصير حاااااااااااار يعني كأنك في مكرويف
مو سيارة ..
ياخي احترت وياه ..
قلت في الفحص المجاني كل شي بيبيّن ..
ويوم رحت وشافه المهندس قال ليي بعدين جيبها ونشوف مشكلته وقام ..
وللحين عايش في هالحر ..
ماتعرفو ياشباب احد منكم صادته هالمشكله ؟
ويش الحل اليها ..
والله اتعبت ..
للحين خسران عليه 300 ريال ولا في فرق ..

[حميد]

عزيزى انا عندى نفس المشكله مع اختلاف بسيط الى هو الماصوره تثلج عندى والمشكله يوم المكيف يكون زين ومافيه مشاكل ويوم يثلج وبوديها اليوم الوكاله ونشوف وش يصير معنا الله يعين الجو احتر والواحد مو قادر يسوق بدون مكيف .

[اسير المحبه]

ممكن عندك فلتر المكيف يبله تنظيف وتنظيفة سهل لان الفلتر موجود خلف دارج الطبلون من داخل... ومنت خسارنا شي اذا نظفت الفلتر بالعكس

تقبلو مروري

[مناحي قرداحي]

انت من البداية غلطان
المفروض على طول توديها الوكاله
تعبيها فريون الوكالة
لأنه الاصلي

اللي في السوق اغلبه تجاري
بالتوفيق

[salamify]

أبو زكي سوي لها فحص مكيف في الوكالة ويكلفك 120 ريال وإن شاء الله تبان مشكلتك وتنحل وترتاح بدل المبالغ اللي تدفعها بدون فايدة..

[ابوزكي]

الوكاله مزحومه بمواعيد الا سوتها الى عملاء الفحص المجاني وبالموت لقيت عندهم موعد ..
ويوم وديتها قال خلها 3 ايام وفوق جذي قال لي يمكن اتكلفك اذا هي كمبريسر او ثلاجه من 5 الى 6 آلاف ريال ..
وفعلاً ماخليتها عندهم لأني احتاج الشيارة ووديتها نص الكهربائية الا في الديره وكلهم قالو عندك الكمبريسر خربان ..
وهذا انا ادور ليها واحد مستخدم لأن الجديد قيمته 3750 ريال بدون تركيب ..
وواحد صاحبي بيطلعه لي من الوكاله بــ 3000 ريال بس ..
يظل غالي ..
وماعندي قيمته للأسف