السلام عليكم ورحمة الله وبركاته ..

عندي مشكله صغيره .. واتمنى حلها القاه عندكم من بعد الوكاله ..

ياشباب أنا بدّلت مع واحد صاحبي بالأسيات حق السيارة ..
هو عنده سيفيك فل ابشن بيضه وانا سيارتي زي منتو عارفين فل ابشن سوده ..
قلت بجرب آخذ الأسيات البيج وهو بياخذ السود .. اذا عجبنا الوضع راح انغير كامل الديكور مع البيبان ..
وديناهم محل تنجيد سيارات محترم .. وفصل البطاريه عشان لا تشتغل لمبة الايرباق وبدل الاسيات ..
صاحبي مشى بسيارته ولا اشتغلت عنده اللمبه .. وانا بعد ماخلص العامل منها وشبك البطاريه اشتغلت عندي لمبة الايرباق ..
اتأكدنا ان الوايرات مشبوكه تحت السيت حق الايرباق وكل شي تمام التمام ..
بس كيف اخليها تنطفي ؟؟
فصلت البطاريه وشبكتها ولا فاد ..
وعلماً ان هالمشكله صادتني بعد ماطلعت السيارة من الوكاله يوم اشتريها ورحت ركبت ليها بلاستيك نايلون في الارضيه من محل سولر قارد .. واشتغلت اللمبه ووديتها الوكاله وعلى الضمان صلحوها ببلاش لأن مافيها شي ..
بس الحين وش الدبره يا شباب ؟؟ ساعدوني الله يرحم والديكم ..
لأني مالي خلق اوديها الوكاله وانا اعرف واحد عنده سيفيك فيها اللمبة شغاله ووداها الوكاله قالو له بيطفوها اله بــ 450 ريال ..
اتمنى الاجابه على موضوعي ..
تحياتي