الموضوع: اخيرا صفط المرايات الجانبية اوتوماتيكيا للسيفيك 2006-2010

المشاركة الأصلية كتبت بواسطة V6 2007

salamify
هلا والله ياذيب

بالنسبه للرسـائل انا اخذت ايميلهم من الموقع وارسلت لهم بس مايردون
ياخي احس الحـل انك تجيب واحد فاهم بالانقليزي وتخليه يدق على ارقامهم الموجوده
بالموقع ويتفاهم معهم ..
يمكن انهم مايفتحون ايميلهم


تحيتي لك

هلا وغلا فيك يا غالي وأبشرك أخيرا تم الرد على ايميلي وراح أذكر الرد بالتفصيل وعن الإنجليزية فلا يهمك لغتي ولله الحمد ممتازة وأقدر أتفاهم معاهم بس كنت انتظرهم يردون علي في الأول..

المشاركة الأصلية كتبت بواسطة مجوووودي

طيب شفيك معصب ياصاحب الموضوع هههههههه :d

اذا ركبت القطعه نزل بالله مقطع نشوفها عشان يتحمسون الباقين ويركبون <<

أنا ماني معصب يا صاحب الرد عالموضوع ولكني ما أشوف شيء يضحك في موضوعي أو شيء يستدعي تحويله من موضوع جدي الى مزح وأنا ما طرحت الموضوع الا للفائدة العامة يا غالي لا أكثر والا كنت بأكتفي بالإحتفاظ بالمعلومة لنفسي وعالعموم شرفتني يا غالي

أخيرا تم الرد على إستفساري بخصوص قطعة التحكم الإلكترونية والرد كان كالتالي..

إن القطعة هي خاصية الكترونية لغلق وفتح المرايات الجانبية واللي تتطلب وجود خاصية غلق المرايات وفتحها في سيارتك.. يعني ما راح يمشي معانا الحال لأن سياراتتنا ما فيها خاصية صفط المرايات مثل الأكورد الفل كامل 2008+ وهالقطعة ما تركب الا بوجود هالخاصية اللي للأسف مو موجودة في السيفيك ولا الأكورد من موديلات 2007 وأقل أو حتى الأكورد الجديدة الاسبيشل والسياحي..

وعالعموم القطعة لمن أراد أن يطلبها بـ 49 دولار والشحن للسعودية بـ 25 دولار عن طريق البريد الممتاز EMS ويمكن الدفع عن طريق البطاقة الإئتمانية PayPal..

طيب السيفك في اوربـا تنزل وفيها طي المرايـا الي .؟؟


< بصراحه زعلاان كان متحمس بقووى

علعموم الله يعطيك العافيه ياذيبان
ماقصرت كفيت ووفيت

تحيتي

المشاركة الأصلية كتبت بواسطة V6 2007

طيب السيفك في اوربـا تنزل وفيها طي المرايـا الي .؟؟


< بصراحه زعلاان كان متحمس بقووى

علعموم الله يعطيك العافيه ياذيبان
ماقصرت كفيت ووفيت

تحيتي

والله أنا كنت متحمس أكثر منك يا غالي بس للأسف تحطمت وهل السيفيك الأوروبية تنزل بزر لطي المرايات فأنا ما أدري والغريبة إن الموقع تايلندي وعارض مجموعة مقاطع فيديو لشغلهم ومن ضمنها للسيفيك بس ممكن يكون فيها زر لطي المرايات لأن المتعارف عليه إن مواصفاتنا هي الأقل بين دول العالم للأسف..
والله يعطيك العافية على تفاعلك معاي مع إني كنت أتمنى أفيدك وأفيد الأخوان ولكن ما جات على الكيف وإن شاء الله نتوصل لحل ثاني وأفيدكم فيه..

المشاركة الأصلية كتبت بواسطة meshoo

يعطيك العافيه يافهد

والرجاء من الجميع عدم الخروج عن محتوى الموضوع .

الله يعافيك مشاري ومشكور على حضورك وتنبيهك

حطمتنا صراحه ..
الحين اتحمسنا وقلنا بنجيب مثلها في السعوديه وانركبها الى اعضاء المنتدى ..
بس طلعت ماتركب ..
اجل روح يا عبدالله هاشم .. جعل اير باق الاوديسي يطلع في وجهك .. ويعلمك ان الله حق ..
ويعلمك كيف اتحط مواصفات عدله زي الناس ..

المشاركة الأصلية كتبت بواسطة ابوزكي

حطمتنا صراحه ..
الحين اتحمسنا وقلنا بنجيب مثلها في السعوديه وانركبها الى اعضاء المنتدى ..
بس طلعت ماتركب ..
اجل روح يا عبدالله هاشم .. جعل اير باق الاوديسي يطلع في وجهك .. ويعلمك ان الله حق ..
ويعلمك كيف اتحط مواصفات عدله زي الناس ..

هههههههههه هدي أعصابك يا ابو زكي وبعدين شيء معروف إن أقل المواصفات تجينا في السعودية وبأسعار خيالية.. وحرام تدعي عالرجال لأنه مثل ما اعرف إنه متوفى وما يجوز بحقه الا الرحمة.. ولكن العتب على اللي يختار المواصفات ويحرمنا من مواصفات موجودة في سيارات أقل من السيفيك جودة وسعر..

هلا والله اخووي

اخيراً لقيت موقع يبيــــع هالمرايـات اللي قابله للطي
وهذا موقعهم ياليت تراسلهم وتاخذ المعلوماات كلها منهم
انا مالي خبره بالانقـليزي

http://www.autosignalparts.com/honda.html

تحيتي

المشاركة الأصلية كتبت بواسطة meshoo

شكلك فهمت موضوع الموقع غلط

هذا يبيع مرايه مدمجه فيها الاشاره للي ماعندهم اشاره بالمرايه فقط

حتى لو تلاحظ بأمكانك اختيار لون المرايه

مشكور أخوي مشاري عالتوضيح..
وبالنسبة لأخوي v6 فالموقع هذا شفته من قبل بس ما منه فائدة لنا لأنه السيفيك ما فيها هالخاصية والموجود عندهم مرايات فقط أما بالنسبة للأكورد فقطعة التحكم الإلكترونية مخصصة لموديلات 2008 الى 2010 فقط وللأسف ما فيه شيء للـ 2003 الى 2007 وفي الأساس أصحاب الـ 2008+ الفل عندهم خاصية طي المرايات وما يحتاجونها..

أهــــآ

افا ياالعلم بس يعني مافي
امل تصير مرايـا سياراتنـا تتصفط آليـا !!

اخ ياالقهر بس

المشاركة الأصلية كتبت بواسطة v6 2007

أهــــآ

افا ياالعلم بس يعني مافي
امل تصير مرايـا سياراتنـا تتصفط آليـا !!

اخ ياالقهر بس

إن شاء الله نلاقي حل وبصراحة مظلومين أهل الأكوردات 2003-2007 وأصحاب السيفيكات في القطع وكل شيء مخصص للأكورد 2008+..

تسلم ويعطيك العافية على المجهود اللي بذلته

مالنا نصيب

وننتظر الجايات

تسلم

المشاركة الأصلية كتبت بواسطة musouka

اللي عنده فلوس كثيرة (1000 دولار فما فوق) وما يعرف إيش يسوي فيها، يقدر يشتري المرايا القابل للطي مع الزر المخصص لها

jdm fg '06+ civic sedan power folding mirrors





jdm fg '06+ civic sedan power folding mirror switch



ولكل ما يخص السيفيك الجديدة

jdm fa / fg 06+ civic

يعطيك العافية يا غالي ولكن مشكلتها إن السعر جدا جدا عالي ومثل ما قلت اللي عنده فلوس زايدة يشتريها..

المشاركة الأصلية كتبت بواسطة عطوف

تسلم ويعطيك العافية على المجهود اللي بذلته

مالنا نصيب

وننتظر الجايات

تسلم

الله يسلمك ويعافيك يا غالي وإن شاء الله نلاقي حل مناسب عن قريب وألف شكر على ردك يا غالي

حصلت موقع يوفر مرايا قابلة للطي

05+ Honda Civic FD AT Folding LED Mirror

سعر المرايا 224 دولار، تطوى آلياً بعد 3 ثوان من إغلاق الأبواب لكن إذا أردت التحكم بطيها من الريموت سيكلفك ذلك 10 دولارات إضافية وإذا أردت مرايا بنظام تدفئة للزجاج ضد التكثف عليك بإضافة 10 دولارات أخرى وإن أردت أن تستلم المرايا مصبوغة فعليك دفع 50 دولاراً إضافية وتزويد الموقع برمز الصبغ لسيارتك.

سعر الشحن إلى السعودية 25 دولار للبريد العادي و40 دولار للبريد السريع، التأمين على الشحن دولار واحد.

إذاً السعر النهائي يترواح بين 250 دولار و310 دولار جسب الخيارات المطلوبة أي بين 950 ريال و 1175 ريال وهو سعر مناسب في نظري، ويمكن الدفع عن طريق البطاقة الائتمانية مباشرة أو عبر PayPal أو عن طريق مكاتب ويسترن يونيون.

بس يبي لك كهربائي فاهم عشان يركبها.

فيه مقطع للاكورد 2003 -2005 موجود فيه طي المريات ( في الرابط اللي حطة صاحب الموضوع )
بس القطعه ما تركب في سياراتنا :(
مشكور ياصحاب الموضوع

المشاركة الأصلية كتبت بواسطة musouka

حصلت موقع يوفر مرايا قابلة للطي

05+ honda civic fd at folding led mirror

سعر المرايا 224 دولار، تطوى آلياً بعد 3 ثوان من إغلاق الأبواب لكن إذا أردت التحكم بطيها من الريموت سيكلفك ذلك 10 دولارات إضافية وإذا أردت مرايا بنظام تدفئة للزجاج ضد التكثف عليك بإضافة 10 دولارات أخرى وإن أردت أن تستلم المرايا مصبوغة فعليك دفع 50 دولاراً إضافية وتزويد الموقع برمز الصبغ لسيارتك.

سعر الشحن إلى السعودية 25 دولار للبريد العادي و40 دولار للبريد السريع، التأمين على الشحن دولار واحد.

إذاً السعر النهائي يترواح بين 250 دولار و310 دولار جسب الخيارات المطلوبة أي بين 950 ريال و 1175 ريال وهو سعر مناسب في نظري، ويمكن الدفع عن طريق البطاقة الائتمانية مباشرة أو عبر paypal أو عن طريق مكاتب ويسترن يونيون.

بس يبي لك كهربائي فاهم عشان يركبها.

الله يعطيك ألف عاااااافية يا غالي وبصراحة رابط جدا جدا مفيد وإن شاء الله إني راح أطلبها وشغلتها سهلة مو صعبة ولكن وين الكهربائي اللي يفهم عندنا..والمرايات حلوة تقفل بعد 3 ثواني من اطفاء السيارة وتفتح بعد 3 ثواني من تشغيل السيارة وما تحتاج لها زر خاص وتقدر تسوي لها اقتران مع الريموت بزيادة 10 دولار وبصراحة عرض مغري..

المشاركة الأصلية كتبت بواسطة crazy accord

فيه مقطع للاكورد 2003 -2005 موجود فيه طي المريات ( في الرابط اللي حطة صاحب الموضوع )
بس القطعه ما تركب في سياراتنا :(
مشكور ياصحاب الموضوع

إن شاء الله تلاقون حل لطي المرايات يا أصحاب الـ 2003-2005 وبجد أحس إنكم مظلومين في كل شيء..

تدرون ان السيفيك اصلن فيها صفط مرايات شد بلد لاكن بالسعودية يستغلون الفرصة بفصل القطع وبيعها بضعف سعرها

المشاركة الأصلية كتبت بواسطة هـsiـاجر

تدرون ان السيفيك اصلن فيها صفط مرايات شد بلد لاكن بالسعودية يستغلون الفرصة بفصل القطع وبيعها بضعف سعرها

طيب أخوي في السعودية غير موجودة ولا الوكالة يبيعونها.. وهل الاسلاك واصلة وناقصها فقط الازرار؟ ويا ليت تشرح أكثر..