ورشة بالرياض شغلها 100%

[droopee]

السلام عليكم
قدر الله علي وصدمني باص توصيل طالبات
في الرفر الخلفي جهة السائق
الحمد لله الصدمه خفيفه
وابي ورشة بالرياض شغلها مضبوط
لاهنتو

[هـsiـاجر]

والله معليش ماعرف شي بالرياض بس تبي نصيحة روح الوكالة

[King]

الحمد لله على السلامة , الله يحفظنا وإياك من الحوادث

كثير من الشباب اختلفو عن افضل ورشة وعن اسعارهم , انا إلي اعرفه ان الصناعية القديمة هي إلي فيها الورش

فيه ورشة الوفاء يمدحونها كثير لكن قليل منهم مايمدحها !

انت اهم شيء خلصت اوراق المرور والتأمين بعدها تتيسر إن شاء الله , وإذا التأمين عندك شامل صلحها بالوكالة .
(هذا إذا ماراح تدفع ولا ريال)

[droopee]

تأمين مين الدلخ الاندنوسي مامعه تأمين وسامحته
عشان كذا بصلحها على حسابي
الوفا والله سمعت عنها شكلي بمر عليها

يعطيكم العافيه

[bebotito]

اخوي روح الوفاء ترى شغلهم ممتاز انا عملت عندهم سيارتي و طلعت روعه بس لازم تراجع عليهم و اي ملاحظه لك يعدلها لك ما عنده مشكلة و سلامات

[Musouka]

والله معليش ماعرف شي بالرياض بس تبي نصيحة روح الوكالة

الوكالة أسعارهم نار (مثلاُ رش الصدام الأمامي عندهم بـ750 ريال بينما تجده في الخارج بنصف السعر) وشغلهم عادي.

وبعدين لو شافوا كسر ولو بسيط جداً (مثلاً سنتمتر واحد من الصدام دخل مسافة نصف سنتمتر) يقولوا لك بدل الصدام أو الرفرف لأنهم ما يستخدموا معجون.

[i like my jazz]

السلام عليكم
الحمدالله على السلامه
انا اعرف باكستاني اسمه (امير)
في مجمع علي بن علي في صناعية ام الحمام
اسم الورشه
مركز الحسن
انا مجرب عنده بويه وسمكره شغله مره زين ونظيف واسعاره رخيصه
بس انت شد عليه وكاسره وبيعطيك سعر اقل من الورش الثانيه
وهذا والله واعلم

[احمد الزيلعي]

يا خوي انا بدلك على ورشه بالصناعيه القديمه طبعاً ولي الامانه شغل وكاله وربي انا مجرب سيارتي عندهم
اسمها ورشه الجنوبhطبعاً الي يشتغلون فيها هم كانو يشتغلون في وكالة عبد الله هاشم