الموضوع: اريد شراء سيفك ارجو النصيحة

عليكم السلام ورحمة الله وبركاته أول شي ياخوي السيفيك الجديده غاليه شوي وتعتبر أعلى فئه غاليه جدا وسعرها 86 ألف أما اذا بغيت سيفيك 2007 راح تلقى أنشاء الله أهم شي دور لك على نظيف وتختلف أسعارها من فئه لفئه
الفل كامل النظيف تجيك غاليه شوي توصل إلى 50 ألف وشوفها في معارض النسيم كم وحده شفتها من اسبوع على 50 ألف واذا كنت تاخذ سياحي راح تطلع رخيصه شوي وراح تاخذها تقريبا 35 ألف أنا طبعا شريت سيفيك 2006 مستعمل سياحي نظيف على قولتهم ورده أخذتها 40 ألف والحمد لله مشيت ألحين فيها 100 ألف وسليمه 100% وأنشاء الله يفيدونك باقي الأعضاء أكثر والله يعطيك خيرها ويكفيك شرها مقدما أخوك:عاشق سيييييفيك..

هلا أخوي أول شي صعب تلقى جديده ومستحيل تقريبا تلقى جديده
لكن انت حاول تدور نظيفه جدا صح راح تتعب لكن خذلك نظيف وريح راسك وأتوقع 2007 راح تلقاها اقل شي ماشيه 50 ألف وفوق بحكم موديلها لكن مثل ما قلت لك شوف معارض النسيم تلقى سيفكات يحبها قلبك والله أنا شفت كم وحده 2008 أخت الجديده ما مشت الا قليل مره واسعارها غاليه حادها راعيها 45 الف سياحي لكن نظيف مررره وشوفها في معرض في النسيم 2 سيفيك وحده لؤلؤي وحده زيتي وكلهم سياحي ونظيف مررره وموديلها 2008 نفس شكل 2007 وبتوفيق اخووي..

وعليكم السلام

ماقصر معك اخوي عاشق سيفيك الله يعطيه العافيه

بالنسبه لسؤالك ماراح تحصل 2008 ولا 2009 جديد لان حتى 2010 مابقى منها شي كثير

انت حاول تدور بالمعارض 2010 ستاندر جديد بتحصله بـحدود 64000 او اقل ان شاء الله