الموضوع: ريحة الحرق

كل سنه و انتم طيبين

انا عندي سيفيك 2008 تطلع ريحة حرق مع اني مو دايما احرق ممكن في الاسبوعين مره بس مو معقوله انا رايح و لا جاي البقاله أو مشوار صغير مسافة 5 او عشر دقايق و بدون ما احرق يطلع ريحة حرق ممكن احد يقولي ايش سبب ريحة الحرق في الوقت الا ما احرق في السياره .

و حتى في واحد من اقاربي عنده هوندا أكوورد موديل 90 نفس المشكله سارتلو من اسبوع تقريبا

هل ممكن يكون من البواجي ؟؟؟ و لا من ايش ممكن يكون

وصيام مقبول و افطار شهي

شيك تحت السيارة ممكن يكون في كيس نايلون ملتصق أسفل السيارة بمواسير مخرج العادم ( الأقزوز أو الشكمان )

تطلع ريحة شي محترق وتقعد فترة طويلة

وإن شاء الله بكون خير يارب

انا زيك بس الريحه ماتطلع الا اذا دعست على الموتر
مدري وش المشكله

كيس النايلون لمن بيلصق بشكمان السيارة بيصير مثل الحجر لانه بينشف وما يبدأ يطلع الريحة إلا إذا دعست بالسيارة وسخن الشكمان بزيادة ويبدا يروح تدريجيا مع الوقت

لكن عموما ممكن تكون المشكلة شي ثاني غير هرجة كيس النايلون

لكن هي الأرجح

هلا أخووي أنا مثلك من فتره صارت لي ريحة حرق وكل ما شغلت السياره ومشيت قليل شميت ريحة حراق وطنشتها لكن بعد فتره مودي الوالده للمستشفى توني ملبق قبل ما أطفي طلع من الدركسون دخان فجأه علطول طفيت وجبت سطحه وشلتها وديتها ورشه ممتازه وقال لي عندك زيت الدركسون سرب شوي منه على جلدة البوري ومع الحراره تطلع ريحة حراق وتدخن مع الفتره قام فك الجلده ونظفها ورجعها مكانها وألحين لي مصلحها 6 شهور والحمد لله ما فيه مشاكل وبتوفيق أخووي.

مشكورين يبغالي أشوف تحت الشكمان اذا ما طلع شيء اشيك على علبة زيت الدركسون ان شاء الله بس ما يهرب