السلام عليكم
كيفكم يا شباب .. اتمنى ان تقرأوا موضوعي وأنتم في أتم صحة و عافية يارب ..
الحقيقية يا اخوان انا معزم اشتري سيارة سيدان صغيرة
وجا في بالي عدة سيارتين : كورولا - سيفيك
ومسكت طريق المدينة بجدة مريت اول شي على معرض تويوتا .. وركبت الكورولا ..
والحقيقة قلت في نفسي لا احكم عليها الين ما اركب السيفيك واروح معرض هوندا ..
و رحت لمعرض هوندا -جدة - طريق المدنية
عموما اول ما دخلت الا واحصل عروض رمضان قلت كويس .. وفرصة للشراء بسعر ممتاز
واتفاجأ ان عرض رمضان على اكورد فقط ..
وذلك بعد اخذ المعلومات من ممثل المبيعات ..
ركبت السيفيك 2010 الفل كامل و اللون الابيض بريميوم اللؤلؤي
وكأنها والله عروسه :d روووعه بكل ما تعنيه الكلمة من معنى
ويمين بالله فرق كبير بينها وبين الكورولا ..:p
وأخذت المعلومات والفرق بين الفل كامل والنص فل
قال الفرق بينهم في الفل بس
مثبت سرعه
و 8 ايرباج
ومصابيح امامية للضباب << قلت له ليش لا يكون بجدة ضباب :d
ومكيف الهواء باللمس وبينما في النص فل يدوي
طبعا فتحة السقف متوفرة في الفل والنص فل
وايضا مقاعد جلد للفل
والتعشيق عند الدركسون
تقريباً هذي اهم الاشياء ومدري والله اذا نسيت شي ..
المهم و الأهم نجي للسعر ..
الفل .. VTI
وسعرها : 86.900 الف ريال سعودي
------------------------------------------
والنص فل .. EXI
وسعرها : 78.400 الف ريال سعودي
فوراً قلت له : يابويه أنت من جدك
هذي سيارة صغيرة ماهي اكورد ..!!
قال انا اعرف ان السعر مبالغ فيه واحنا نعترف ولكن ترى سعرها مرتفع
بسبب اننا نجيب منها كميات محدودة..
احنا مركزين اكثر على الاكورد ..
قلت له طيب .. هل تتوفر عندكم شي قال والله السيفيك مخلصه :(
تحطيم
المهم قال اعطينا رقمك واذا جت سيارات نتصل عليك ..
قلت له سؤال اخير .. متى تنزل موديلات 2011 السيفيك ؟
قال تقريبا ببشهر 11 ومدري والله هو قصده هجري ولا ميلادي ..
فا مدري يا شباب بعد هذا التقرير وش رايكم؟؟
اصبر الين اشوف الموديل الجديد ؟؟ يمكن يكون احلى ؟
او اني اشتري 2010 مع نزول 2011 واكسب انا نزول السعر على 2010 ؟
اخيراً : فيه سؤال نسيت اسأله لممثل المبيعات ..
هل يتوفر بالسيفيك الحساسات ؟
وهل صفط المرايا كهربائي؟
وأعتذر كثيرا على الإطالة
بس اعذروني والله اني ابي اشتري سيارة بأسرع وقت ..:(
مواقع النشر (المفضلة)