وأنا على الطريق طفت السيارة ....؟؟؟؟

**أبو عمر وعلي** · 31-08-2010, 04:34 PM

السلام عليكم ورحمة الله وبركاته تقبل الله منا ومنكم صالح الأعمال استفسار مهم وأرجوا الإهتمام بالرد منذ فترة وتكرر معي هذا الأمر أكثر من مرة طفت مني السيارة وأنا ماشي على الطريق وقت الظهيرة ومشغل المكيف فظهرت لمبة في التبلوه ( تشيك ) فذهبت بالسيارة إلى مركز صيانة الوعلان ومن قبلها الفحص وتبين في الفحص أنه سير التيمن أو حساس التيمن وفعلاً تم تغيير حساسا التيمن وتنظيف المكيف والثلاجة وتركيب فلتر جديد للمكيف وخرجت من الصيانة وعلى كلامهم كله تمام ( 1300 ريال ) اليوم وأنا راجع من مشوار الظهيرة حصل نفس الموقف ودا كان أول مرة أجرب السيارة بعد خروجها من الصيانة في الظهيرة وطفت السيارة مرتين أفيدوني وساعدوني ولكم مني كل تقدير واحترام ......

**أبو عمر وعلي** · 31-08-2010, 04:37 PM

سيارتي هوندا سيفيك 2002 ومركز الصيانة اللي أنا ذهبت إليه الوعلان الرياض طريق المدينة المنورة

**abAdy.777** · 31-08-2010, 04:41 PM

وعليكم السلام ورحمه الله وبركاته
اخوي تأكدت من البطاريه؟
ومن الدينمو؟

**عاشق سيييييفيك** · 01-09-2010, 01:48 AM

وش دخل الوعلان في سيارات هوندا:d
شوف تأكد من البطاريه وبتوفيق.

**meshoo** · 01-09-2010, 02:13 AM

وعليكم السلام

الظاهر الوعلان يصلح اي سياره على ما اتوقع !

ع العموم يالغلآ ارجع لهم , لان مانتهت المشكله معك نهائيا !

وايضا تأكد من عدم وجود ترسبات على اصابع البطاريه وتأكد من شدها بشكل جيد

**1616** · 01-09-2010, 03:46 AM

اخوي السالفه هذي حصلت لواحد من الشباب وتاكد الا اصبع البطارية مو راكبه صح وجالسه تفصل الكهرباء عن السيارة ووركبها والحين لها سنه ونص وهي تمام وبالتوفيق

**YOUSIF2010** · 13-01-2011, 03:21 PM

أنا حصلت لي نفس المشكلة معاي سيفيك 2002 وديتها الشركة قالو لي سينسور المكينة وغيروه وبعد كذا ماشفت المشكلة هذه نهائيا.
وموقعه في صدر المكينة ناحية السيور يجي سلك معزول مشبوك في المكينة
وقيمته على ما أذكر ما بين 500-600 ريال
وعلى ضمانتي