كل الناس بالمنتديات الاجنبية تنزل سياراتها، بدون اي استثناء..

اتوقع السبب ان كلمة تنزيلة صار معناها فك اليايات و سدح السيارة بالارض، و هذا شايع عندنا احنا العرب..

ركب يايات Eibach او اي شركة كبيرة، و سوي ميزانية بعد اسبوع و لا اثنين (لاااااازم)..التهبيط بحدود 1 انش الا 1.5 انش...تتخلص تقريبا من الفراغ بين الرفرف و التاير و بتظل السيارة ناعمة، اليايات بشكل عام تجي ناعمة، و هدفها الشكل اكثر من الثبات..

مساعدات الوكالة طبيعي جدا يقصر عمرها نوعا ما، على حسب كم انش منزلها، للسبب اللي ذكرته سابقا...لما تخرب المساعدات ركب مساعدات سبورت، او ركبها من الحين اذا الميزانية متوفرة..

اكيد لما تنزل السيارة، لازم تاخذ المطبات بزاوية شوية، و دير بالك من الحفر، شي طبيعي،،و اذا حكيت 99٪ من الوقت بيكون حكة خفيفة بالحديد اسفل السيارة او تحت الصدام، و هذا شي مافي خوف اذا ما قعدت تحك طول اليوم..

تراني لا خبير و لا شي، لكن متعود اخذ العلم من ناس تفهم و مجربة، مش من الشائعات و كلام الشباب، اي شي بعرفه اتعلم من منتدى مختص بهالشي، و يفضل اجنبي، لان للأسف المعلومات بخصوص السيارة عندنا فيها كتير سوء فهم و معتقدات خاطئة...