الموضوع: الدينمو جنني

سلام شباب كيفكم وايش اخباركم
سيارتي السيفيك 2007 تعبتني من بعد ماانتهت فترة ضمان الشركة فتحت فمها بالمشاكل
المهم دحين فجاءة اشتغلت لمبة البطارية والتشك انجن طنشت يومين وبعدها راحت
وبعد كم يوم خرجت بالسيارة وفجاءة تطفي علية وطبعا جيب اشتراك واشتغلت السيارة مع وجود اللمبتين شغالة البطارية والتشك
و10 دقايق وتطفي تاني واشتراكك وكمان شوية وتطفي طبعا البطارية ماتشحن معناتو الدينمو مات وودع الملاعب
بعد بحث طويل بالتشاليح اخدتلي دينمو تاني وركبنا واشتغلت السيارة زي الفل اسبوعين وشي وبدون سابق انذار ومن جديد تولع لمبة البطارية والتشك وقفت عند اقرب بنشري قلي بطارية طيب هات بطارية وماراحت اللمبة على طول بعد شويتين راحت والتشك ماراحت المهم مشيت ومبسوط قلت الدينمو سليم وفجاءة ولعت اللمبة تاني توقف السيارة تولع تمشي تروح وعلى دا الحال الين ماتت البطارية الجديدة
فمني عارف ايش المشكلة وقلت انشالله الشباب راح يفيدوني
لانو حرام اروح كمان اشتري دينمو وبطارية وتضرب من جديد
لانو الظاهر في مشكلة بالسيارة بس ايش الله العالم
الله يسهل الامر ونلقالها حل انشالله