الشكمان..,,

[TATTOO]

السلام عليكم جميعا..

بصراحة انا واحد صدمني من الخلف ولكنها الحمد لله جات سليمة مجرد الصدام الخلفي وغيرته بالكامل ومافي اي مشاكل بس الشكمان وقت الصدمة طاح وبيطلع اصوات ..والتصليح طبعا كان بالوكالة..والشكمان مجرد انهم عدلو من غير اي شغل عليه..طبعا انا بعد ما استلمت السيارة لاحظت انه لمن اشغل المكيف بيطلع صوت (كر كر كر ) عالي وغير طبيعي..
اتكاسلت اوديها الوكالة فرحت محل شكمانات ثاني مجرد انه فكه ولحمة ثاني ..وارجع اقله الصوت برضو موجود وابو يمن يقولي لا ذا طبيعي..
مع انه خويي معاه نفس سيارتي بالضبط مافيها ذا الصوت...

السؤال يا اصحاب الخبرة ايش السبب في حنة الشكمان..؟؟
وخايف اوديها الوكالة يسلخوني بسعر عااالي..:(
^^^^^^^^^^^
ادري اني كثرت كلام بس بجد ابى اشوف حل لمشكلتي الي كابدتني يمين بالله...

وسلامتكم,,

[o-k-r]

ياعزيزي

تحصل الشكمان يضرب في الصدام

يعني طريقة التركيب غلط

[السفيك كول]

اخوي هذي كانت عندي المشكله بس الحمد الله ما جاتني صقعه بس انفكت عليا جلدة الشكمان وصار يطلع عندي الصوت كركر نفس ماتقول لما اشتريت الجلده وركبتها الحمد الله راح الصوت يعني ماينفع تلحم الشكمان اشتري الجلده وريح نفسك.
اتمنئ اني افدتك لو بشي بسيط

[TATTOO]

يعطيكم الف عافية..
بجد ما قصرتو,,

[k.s.b.s]

اكيد اللي ركبه ماركبه زي الناس

[مزاااجي]

يا ابن الحلال كان ريحب نفسك من زمان ووديتها الوكاله والله سغلتها شغلته سيبك من ابو يمن ما يفيدك ياخد فلوس وبعد يومين تحصلها خربت

[ذيب زماني]

أمم أنا نفس المشكله عندي من سنتين و الى قبل شهر غيرت البواجي و اختفى الصوت بس يجي له طنات و يطلع هههه
بس أتوقع انه من الجلب الي ماسكه الشكمان ..

[TATTOO]

الف شكر لكل من رد على موضوعي،،
عموما هو الظاهر انه من الجلد<< وما ادري والله
بس احد يعرفلي كم سعر الجلد هذه في الوكاله او هل محلات الشكمانات تبيعها ولا؟؟
اكرر شكري للجميع