الموضوع: هل يوجد ضرر عند تغيير نوع البنزين ؟

هلا أخووي بنسبه لتغيير البنزين أن شاء الله ما فيه اي ضرر لكن اذا جيت تغير خلي التانكي يفضى يعني تولع لمبة البنزين بعدين غير البنزين
وأنصحك ببنزين 95 أفضل.

طالما انك غيرته والبنزين مخلص عال E والسياره مطفيه فان شاء الله مافي اي ضرر عالسياره،،، ويستحسن انك ما تغيره كل شويه ،،يعني يوم تكون طفران 91 ويوم انك كااش 95:d
بالنسبه للسيفيك فهي تستقبل النوعين 91 و95 عادي لكن كل ما زاد الاوكتان حق البنزين كل ما كان افضل،،
وال95 صحيح انه اغلى لكنه حرقه اقل من ال91 يعني يقعد معاك فترة اطول،،وطبعا اكييد ال95 في العزم اقوى
اتمنى اني اكون افدتك ولو بالقليل

شكراً......شكراً.....شكراً

بنسبه لي اناا صحيح بنزين 95 افضل , اناا من أول ماشتريت السياره واناا اعبي 95

يا الربع انا معي سيفيك وفي امريكا ادرسس طبعا البنزين هنا يختلف عن السعوديه بحيث انه افضل نوع هو 93 وابيخ نوع 87 ويوم شريت السياره قالوا لي استخدم 87 مع العلم ان فيه انواع ثانيه اعلى منه الي هي 89 93 بس قالوا ما تفرق بالنسبه لاسيفيك لان مكينتها ما عندها مشاكل وانصحكم تستخدمون 91 ارخص وما يضر السياره وانتم خابرين الي صانعها اخبر فيها وهم يقولون عب اقل شي فا ليه الفسقه وبالنسبه لي ما لحضت فرق في العزم بينما الشباب يقولون يفرق

فى فرق بالعزم بين 95 و 91 ولكن بسيط واحس انه صوت المحرك تغير

صح يتغير صوت المكينه اعرف واحد صارله هالشيء صوت مكينة السياره كانها ديانه<<<شاحنه

أهلين شباب ..
حبيت أنقل لكم تجربتي مع البنزين 91 و 95 بسيفيك 2005 فل
أممم الصراحه أنا جربت الاثنين بس حسيت أنو 91 أريح للسياره بكثير من ناحية الازعاج إذا عطيت الموتر كامل الدعسه فا 91 أحسن
أما الي يقوول يفرق في نشاط السيارة فا بالنسبة للسيفك ماتفرق نهائياً و المقولة تقول اسأل مجرب ولاتسال طبيب ..
أمم مع العلم اني كذا مره أنسى واصب النوعين فوق بعض 91 و 95 لين ما ثبت على 91 و الحمد لله السياره زي التوب ..

السلام عليكم
من واقع تجربتي قبل ما يجي بنزين 95 و 91 كان فية البنزين العادي (موحد بكل المحطات) المهم لما جاء البنزين النوعين استعملت بنزين 91 وبعد فترة ممكن شهر تقريباً تغير عزم السيارة وصارت ما تدعس الدعسة القديمة وصارت السيارة ثقيلة وفيها تفتفه وما توصل 120 الا بعد شد الأنفس المهم رحلت لورشة وقلت لهم المشكلة قالو غير صفاية البنزين والطرمبا وغيرنا والمشكلة نفسها والي يقول غير بواجي وغيرنا والمشكلة نفسها والي يقول اسلاك البواجي أو كهرباء السيارة ضعيفة ومافيه فايدة ((( صرنا حقل تجارب ))) أخر شي رحت عند مهندس باكستاني وقالي وش تعبئ من بنزين فقلت له 91 قال خله يخلص وعبئ 95 وسويت الى قال عليه وتغيرت السيارة تدرجياً والسيارة رجعت لحالتها الطبيبعية زي ما كانت أول وأحسن عشان كذا حرمت أعبئ بنزين 91 ((مع العلم البنزين القديم هو بنزين 95))