الموضوع: ارجو المساعده من اخواني ضروري جدا

اولا حدد موقعك وين

ثانيا يمكن يبغالك تغير كلتشات او نحاسات وبس

قير الهوندا حمار شغل ما يطيح بالسهولة

يعطيك العافيه انهيت الموضوع ولقيت ورشه كويسه

يالله الحمد لله دامها انتهت المشكله

يعطيك العافيه انهيت الموضوع ولقيت ورشه كويسه

زين بين لنا وش كانت المشكلة ووشو حلها علشان الأعضاء يستفيدون

كم مرة غيرت زيت القير هل تغيره بإنتظام

قال محافظ عليها !!

انا اتوقع انه ماقد غير زيت الجربكس ابدا !!!

وبعدين فيه طرق خاصه للمحافظة على الجير الاوتوماتيكي .

تغير الزيت والتشيك عليه المقاومه تفحيط طيرقت الوقف اشياء كثيره تخرب القير لازم ننتبه لها
انا سيارتي اكورد 96 ومشالله كل شي تمام اهم شي وديته ورشه زينه

المشاركة الأصلية كتبت بواسطة Black Arrow

زين بين لنا وش كانت المشكلة ووشو حلها علشان الأعضاء يستفيدون

لو تعلمنا وش صار عليك ..

وش صارت المشكله..

تحياتـــي...

المشاركة الأصلية كتبت بواسطة يامطنش

تغير الزيت والتشيك عليه المقاومه تفحيط طيرقت الوقف اشياء كثيره تخرب القير لازم ننتبه لها
انا سيارتي اكورد 96 ومشالله كل شي تمام اهم شي وديته ورشه زينه

تفحيط ما افحط ولا مره من يوم ماشريته نطلت فيه بس احيان اخذ قومه:d

غصبن عني يشدك واحد جنبك بنفس سرعتك وتضطر:dتطلع رجلك مع الماكينه

وبنسبه للوقوف اذا صارت الطريق على طلعه او منحد احطه على N ثم اثبته با الجلنط بقوه

وبعدين على P اكثر من كذا وش اسوي اربطه بحبل ههههههه:d

المشاركة الأصلية كتبت بواسطة عــا2003شــق

لو تعلمنا وش صار عليك ..

وش صارت المشكله..

تحياتـــي...

المشكله كلتشات القير مع الخريطه مسمى قطعه با القير وطبعن

توضيب ورتاح:d

عادي اي سياره معرضه لي الخراب وتراه 2002 ويمكنك شاريها مستعمله او حظك وفي الاخير هي حديد مارح تعيش طول العمر وخمس سنوات كفايه يا اخي وعادي اشوفه

والمعروف ان قير الهوندا ماله فلتر

ومنهو اللي قالك هالمعلومة ؟؟؟؟؟؟؟؟؟

والكلتشات شي سهل تغيرهم وخلاص انت ليش وضبته؟؟؟

شوف

في السوبارو سابقا كنت لما اغير زيت القير اغير الفلتر معاه

هالمرة في السيفيك 2006 حقتي جيت بغير زيت القير ورحت الوكالة وطلبت فلتر القير قالو لي متأكد تبيه قلت ياخي بغير زيت ولازم اغير الفلتر معه

قالي اولا الفلتر غالي >> نسيت سعره والله !!

ثانيا سيارات الهوندا ما تغير الفلتر الا لكنت بتوضب القير لأنه اصلا طريقة تركيبه معقدة وتحتاج شغل

طبعا انا ما ادري خايف صراحة على القير يعني شي معروف انه اي فلتر بالسيارة تحتاج تغيره من فترة لفترة

ولكن نشوف نهايتها مع عبدالله هاشم

وقطع غيارها غالي ودفع امامي تعبان وقيرها مدلع وانشاء الله بزحلقها وبغير الشركه

اي والله روح لسوبارو ترى سياراتها شغل عدل >> هذا وش يبي :d

بس ياخي دام تذم فيها كذا ليه ما خذها ؟؟؟؟!!!!!

خلاص بعها ولا تبلشنا ..

يعني الحين المنتدى كلها شارين هوندا وما قالوا شي .. تجي ان تسيء للسيارة عشان قيرها ؟

مهوب منطق !

المشكلة بحالتك ياصديقي أنك اشتريت سيارة لم تكن مقتنع بها من الأساس، أنا مقدر شعورك تماماً لأنه حدث لي ذات مرة، من المعروف تماماً أنه لولا اختلاف الأذواق لكسدت البضائع ، لذلك فأنا أتمنى لك التوفيق فعلاً في إيجاد السيارة التي تحبها والتي طالما حلمت بها، أرى السوباروا بمواصفاتها وأسعارها رائعة، لكن أسعار قطعها لاتقل عن الهوندا حسب علمي (إن كنت تعلم غير ذلك فغير نظرتي رجاءً)، من المعروف أن سوقها في السعودية لا يقارن بسوق الهوندا (أقصد للمستعمل)، لكنني أرى بها مواصفات رائعة فعلاً ففكر جيداً ثم استخر واستشر أهل الخبرة وتوكل على الله.

ملاحظة/ أرجو من الأعضاء الكرام الرد بدون تعصب وبلا إساءات للأعضاء الآخرين أو الزوار.

حياك الله أخوي

المشاركة الأصلية كتبت بواسطة Honda

المشكلة بحالتك ياصديقي أنك اشتريت سيارة لم تكن مقتنع بها من الأساس، أنا مقدر شعورك تماماً لأنه حدث لي ذات مرة، من المعروف تماماً أنه لولا اختلاف الأذواق لكسدت البضائع ، لذلك فأنا أتمنى لك التوفيق فعلاً في إيجاد السيارة التي تحبها والتي طالما حلمت بها، أرى السوباروا بمواصفاتها وأسعارها رائعة، لكن أسعار قطعها لاتقل عن الهوندا حسب علمي (إن كنت تعلم غير ذلك فغير نظرتي رجاءً)، من المعروف أن سوقها في السعودية لا يقارن بسوق الهوندا (أقصد للمستعمل)، لكنني أرى بها مواصفات رائعة فعلاً ففكر جيداً ثم استخر واستشر أهل الخبرة وتوكل على الله.

ملاحظة/ أرجو من الأعضاء الكرام الرد بدون تعصب وبلا إساءات للأعضاء الآخرين أو الزوار.

حياك الله أخوي

يعيطك العافيه على ردك الجميلوكلامك سليم :dوربي يرزقني با السياره اللي احلم فيهاعشان اعيش مرتاح هههه:d

ترى سيارة السيفك سيارة بسيطة من الدوام الى البيت ومن البيت الى الدوام يعني مو مالت مشاوير ومصافات كثيرة ام الاكود وخصوصا v6 ماشاء الله عليه قمبلة