الموضوع: زيت للقير الاوتومتيك

ياشباب ,


رأيكم شريت سيفيك 2009 ماشية 75000 جيت اغير زيت القير في الوكاله بس قالو ممكن القير يخرب بعد التغير لانه اللي قبلي ماغيره واحترت وش اسوياغير ولا لأ

هلا أخووي ما فهمت وشلون تغيره ويخرب عشان ألي قبلك ما غيره؟
شوف ياخووي أذا أنت شاريه ماشيه 75 ألف علطول على الوكاله وغير زيت القير ولا يهمونك يقولون يخرب مدري ايش غيره ولا تهتم منهم
والله يعطيك خيرها ويكفيك شرها.

والله غريبه
بس متى يتغير زيت القير
انا سيارتي ماشيه 51 ألف وريحة الزيت حق القير طالعه يقوله اليغير زيت
بس انا ما غيرت وشرايكم اغيره ولا امشي على الي تقوله الوكاله

يتغير الزيت بعد 60 الف

شباب اانا افضل تغيير الزيت كل 30 ألف حفاظا على القير.

كاتلوج السيارة يقول أن زيت القير ينبغي تغييره كل 80 ألف كلم تقريباً في الظروف العادية وكل 40 ألف كلم في الظروف القاسية (القيادة في درجة حرارة فوق 35 درجة أو في بيئة جبلية أو في حال قطر مقصورة)

شكرا ياشباب ,,,

بس رحت على محل قطع غيار في الصناعية القديمة وساألتة عن الموضوع قال لي لاتغير زيت القير ابدا الا في حالة واحدة القير بوكس فيه عطل في الغيرات تصبر ال90.000km ثم تغير الزيت وادا مافي عطل في الأداء خله ولا تغير شي وبالصدفة كان هنالك مكانيكي وقال نفس الكلام وبالنسبة للريحة قال نظام القيربوكس في السفيك يعتمد على الكهرباء اكثر من التعشيق لدا اهم شي اللون و ليس الرائحة ونصحوني في حال تغير الزيت باأي سي ديلكو الاميريكي
ولنفرض اني غيرت الزيت بالوكالة (طريق خريص ) ولاسمح الله صار شي بالقير هل الوكالة تتحمل أو لأ.
شكر خاص لعاشق السيفيك ,,

سوي مثل ماقالوا لك في الصناعية
انا غيرت الزيت لانه كانت السيارة ترج مع كل تغييره وتتاخر في التغيير رحت للوكالة قالوا كل شي سليم والمشكلة طلعت من زيت القير وغيرته الحمدلله كل شي ماشي فل الفل

ياشباب اليوم غامرت ورحت للمركز بترومين وقلت للفلبيني افحص زيت القير قالي لي زيت القير عند السيارة مرة منتهي والله استخرت ربي سبحانة وقلت للفلبيني غير الزيت قال ماعندي الانوع واحد نفس التكنولجي المستخدمة dix 111 ونوعة قلف وتوكلت على الله وغيرت ماشالله ماصار شي من التوهمات اللي قالو عنه المكانيكي بس اللحين يصير يتغير الزيت كل 000 , 15

السلام عليكم ورحمه الله وبركاته
وكل عام وانتم بخير
اخوي حبيبي لاتغير زيت قير غير الاصلي اللي atf يمشيك 40,000 واحذرك اخوي لا تغير الا زيت من الوكاله واذا كان السياره جديده فتغير زيت القير اول ماتمشي 60,000 وبعد كذا كل 40,00 وهذا شي دايركت في وكاله هوندا وسلامتك والله يطيك خيرها ويكفيك شراها

الله يعطيكم ااالف عافيه
انا جديد بالهوندا بس حبيت اسال كم يكلف تغير زيت القير وافضل ورشة غير الهوندا تغيره بالشرقية وشكرا

شكراً لكم جميع
ما علي من الريحه واغير على 60 الف
وشكرا لصاحب الموضوع

حبيبي قلبي اشتر زيت القير والورده حقت الصره من الوكاله وغيرها برا بخمسه ريال والزيت تشتريه من الوكاله تقريبا مايتعدا ال100 ريال ثلاث علب واذا وانت تعبي علبتين ونص فقط

شكرا للجميع ,,,

وانشالله المرة القادمة التغير في الوكالة وبس وحبيت اخبركم بحل لعطل صارت معي عند القومة ويجي القير يعطي الغيار الثاني تحس في رجه بسيطة ثم الثالث ماتحس بشي احيانا ولله الحمد بعد تغير زيت القير لم تحصل معي اطلاقا

افضل زيت زيت الوكاله للقير
اول حطيت زيت اي سي دلكو قام الموتر يرج قبل كل تعشيقه
بس لما رجعت زيت الوكاله صارت زي الفل

طيب فيه فلتر لزيت القير ولا ما فيه

السلام عليكم

اخي الفاضل اذا انت شاري سيارة مستعملة يفضل انك تغير الاشياء الاستهلاكية في السيارة لانك ما تعرف صاحبها القديم ايش كان يسوي

غير زيت المكينة + فلتر زيت المكينة + فلتر الهواء + زيت القير + الفحمات

بالنسبة لزيت القير ما عليك من كلام الوكالة انه يخرب ، قلهم انا ابغاكم تغيرونه وبس ، افضل شي انك تركب زيت هوندا للقير ثلاث علب تكفي

المتعارف عليه ان زيت القير العادي تغيره كل 100 ألف ، وزيت الأوتو كل 40 ألف

ولكن لا ياخذك الوسواس ، اذا شفت السيارة تعشق اوكيه ولا فيه تأخير في التعشيق يعني الزيت ممتاز وتقدر تشوف مقياز الزيت علشان تشيك اذا كان ناقص وتشوف لونه وريحته ، بالعادة اذا كانت فيه ريحة يعني القير معدوم يبغالك توضيب

اللي يسأل عن الفلتر ، نعم يوجد فلتر ، ولكن انا استغرب ان الوكالة ما يغيرونه والحالة الوحيدة اللي يغيرونه فيها هي لما توضب القير

سيارات كثيرة لما تغير زيت القير تغير الفلتر معاها ولكن ليش الهوندا كذا ما ادري!!!! انا بس ادعو ان القير ما يصير فيه شي بسبة عدم تغيير الفلتر

بالتوفيق

السلام عليكم ,,

شباب كنت قد غيرت زيت القير اول امس قلف نوع بترومين وبصراحة شوفت الوضوع حساس شوي روحت على الوكالة اليوم بس زحمة فرع خريص وشريت الزيت من عندهم وغيرتة عند محل زيت وعلى فكرة على قول اثنثين انع القير يأخد 3الى ربع (2750 ملللتر ) وبالصراحة مافي احسن من زيت الوكالة للقير اسال مجرب ولا تسأل طبيب

في عني سؤال بخصوص سي التايمر متى يتم تغيرة وكم سعرة وكم اجرة تركيبة ؟ وهل في حد جرب زيت المحرك ماركة هوندا من الوكاللة ويعطينا رأية