ارجو من كل الاعضاء المشاركة و ابداء ارائهم

**سيفيك2001** · 08-09-2007, 02:22 PM

السلام عليكم و رحمة الله و بركاته ... كل عام وانتم بخير بمناسبة قدوم الشهر الكريم..
اخواني الاعزاء انا عندي هوندا سيفيك 2001 قير عادي و نوافذ منول و بدون جنووط .. عاد انا ابي اعدلها شوي و ادلعها لكن ابي اسويها رفيعة شوي ومثل سيارات الرالي و ابي اضيف اي شي على المكينة عشان تكون اقوى و اسرع لكن في نفس الوقت ما ابي اضيف عليها اشياء تخليها ما تصلح للاستخدام اليومي و ابي تقدرون الميزانية ... يعني كم بتكلفني

رجاء لا تبخلوا علي باقتراحاتكم

**هيبة ملك** · 08-09-2007, 02:34 PM

طيب كم ميزانيتك .. حدود كم ؟؟

**سيفيك2001** · 08-09-2007, 02:41 PM

مشكور اخوي على المرور و المشاركة ... بالنسبة للميزايني تقريبا يعني 500 الى 700 دينار اي ما يعادل من 5000 الى 7000 ريال
و عطنا ارائك

**Rally Art** · 08-09-2007, 04:04 PM

يعطيك العافية خيو أظن إنتا بالأردن ؟؟؟

**سيفيك2001** · 08-09-2007, 09:52 PM

لا و الله انا بحرييييييييييييييييييييييييييييييييني

**Rally Art** · 08-09-2007, 09:55 PM

المشاركة الأصلية كتبت بواسطة سيفيك2001

لا و الله انا بحرييييييييييييييييييييييييييييييييني

أها حياك الله فكرتك في الأردن لأنو السعر الي تحكي فيه يجيبلك بس جنوط وكفرات يا دوب :(

**هيبة ملك** · 08-09-2007, 11:55 PM

هلا و غلا اخوي، .. و ميزانيتك بسيطة لو بتركب جنط مثلاً راح اغلب المبلغ

و على حسب ما فهمت من كلامك انك منت ناوي تهبط السيارة ..

عموماً ، اولا تعديل للمكينه :...

بواجي ، اسلاك بواجي ، كنداسة رياضية ، طقم فلاتر هواء ، بكرات كرنك رياضية

ثانياً ، التعديل الخارجي :...

شمعات مكونه من شرائح ، عدسات ، طقم زينون ، شبك تفصيل بطريقه مميزة

اصطبات خلفيه led

تنجيد المقاعد جلد بتناسب مع لون الداخلية

و فيه طريقه اخرى مختلفه تماماً عن التعديلات اللي قلتها ..

جنط 18 يتناسب مع لون السيارة ، تهبيط خفيف حد الكفر .. هذي تعطيك منظر أحلى بكثير :d

بكذا تكون هذي التعديلات تقريباً قريبة من ميزانيتك ..

بالتوفيق ..

تحياتي

**سيفيك2001** · 09-09-2007, 01:43 AM

مشكور اخوي هيبة ملك على الرد ولكن كم تنصحني اخلي ميزانية؟؟؟ مثل ماقلت لك ابيها تصير مثل مال الراليات تقريبا يعني ابيها ارفع شوي

**هيبة ملك** · 09-09-2007, 08:09 AM

هلا اخوي سيفك ، بالنسبه للميزانيه كل ما تزيدها تقدر تضيف قطع

ركب جنط ريس خفيف 17 ، يخفف لك من وزن السيارة ..

و هذي صورته

تقريباً يكلفك حدود 2200 ، او 3000 طلبية من الخارج

و ركب عدادات rpm .. تعطيك منظر رائع بالسيارة .. تقريباً تكلفك من 300 الى 500 ريال

لو عندك اي استفسار انا حاضر

بالتوفيق ..

تحياتي

**محمد صالح** · 09-09-2007, 04:11 PM

صديقي الهوندا ما تصير حلوة الا اذا نزلتها الهوندا بمجرد انك تنزلها وتركب لها رنجان تصير حلوة اما اذا رفيعة اسمح لي لو تلبسها ذهب ما تحلى خذ لك جانبينات ريسنق وتحكم في التنزيله وهم بسعر معقول ولا تعور راسك .
(hamood174@hotmail.com)

**H''A''Y** · 10-09-2007, 01:26 AM

انا انصحك تركب لها زوايد اول حاجه

وتنزلها وانوار عدسات وانوار ليد ورى

وبتصير حليوه وهذا كله ما يكلف

وبعدين اذا كملت فلوس لجنوط خذ لك جنوط

بالنسبه الى السرعه هذي حاجه ثانيا

ااذا تبي سرعه ركب تيربوا وانسىىى

**سيفيك2001** · 10-09-2007, 03:24 PM

مشكورين يا جماعة الخير و ماقصرتوا لكن بعد ابي افكار مفصلة منكم اذا ما عليكم زحمة ولا كلافة

**هيبة ملك** · 10-09-2007, 09:30 PM

طيب ياليت تذكر لون السيارة .. و يفضل لو فيه صور لها

**سيفيك2001** · 10-09-2007, 09:39 PM

اللون ذهبي

**هيبة ملك** · 11-09-2007, 12:00 AM

طيب لو تحاول تزود ميزانيتك شويتين ..

تركب فيابر على السيارة كامله .. و جنوط رياضية و يايات رياضية .. و داخلية رياضية

المشاركة الأصلية كتبت بواسطة محمد صالح

صديقي الهوندا ما تصير حلوة الا اذا نزلتها الهوندا بمجرد انك تنزلها وتركب لها رنجان تصير حلوة اما اذا رفيعة اسمح لي لو تلبسها ذهب ما تحلى خذ لك جانبينات ريسنق وتحكم في التنزيله وهم بسعر معقول ولا تعور راسك .
(hamood174@hotmail.com)

كلامك صح و انا معاك 100% في كل كلمه .. خاصه ً السيفك لما تتهبط تطلع ملكة

و لو تبغى نصيحة اخوك لا تلغم .. و الله السرعه و التهور ما منه فايده :o

بالتوفيق ان شاء الله .. :d

اي خدمة انا حاضر .. ;)