وعليكم السلام
الله يعينك ان شاء الله
بس يالغلآ في اي مدينه ساكن بالضبط؟ عشان نحاول ندلك على ورشه متخصصه بسيارات هوندا يشيكون عليها
السلام عليكم ورحمة الله وبركاته ....
اسعد الله جميع اوقاتكم بكل خير
اخواني عندي استفسار بخصوص: دودة الدركسون + طرمبة الدركسون !!
انا معي سيفيك 2007 وسويت فيها حادث قبل 6 شهور تقريبا وهذا هو الرابط :
http://www.hondaarabia.com/club/t37654/#post419875
المهم
انا صلحت السيارة ودفعت 25 ألف والحمدلله رب العالمين رجعت السيارة كما كانت... لكن:
مازال فيها رجه قويه لما امشي بالموتر .. احيانا تطلع فوق الـ 100 وأحيانا ماتوصل 40 الا هي ترج !!!!!
وتشوف الدركسون يرج بقوه واحيانا لما يكون في الشارع تعرجات من ممشى التريلات وجيت عليها بالموتر ماعاد اقدر امسكه يتميييع ويلفلف وتحس صار الموتر من قدام مرتخي ماغير يتحرك على كيفه ...! يارب فهمتوني
المهم كشفت عليها اكثر من مره وفي أكثر من مكان
اللي قال : رصص وسو ميزان ... وسوينا !
واللي قال : غير الرمانات ... وغيرناها !
واللي قال : الدودة فيها مشكلة ... لكن ماسويت لها شي وترددت ! لأن طاري الدودة يجيب لي فكرة بيع السيارة ! :(
اتصلت على الوكالة وشرحت لهم الوضع قالوا لي هذا يمكن يكون احد ثلاث احتمالات : يا دودة الدركسون .. يا طرمبة الدركسون ... يا كل الثنتين مع بعض
وعندهم سعر الدودة : 3080 ريال
وسعر الطرمبة : 3167 ريال
يعني 6247 ريال ... غير الشغل !
ياجماعة الخير وش تتوقعون فالسيارة
و وش تنصحوني فيه ابي رايكم يالربع تكفووووووووووووووووووووون
السيارة تعبتني مره
واخاف اسكت عنها يصير شي فالموتر وانا ماشي به ومسرع الله يستر
انتظركم يا اخوان
تحياتي
وعليكم السلام
الله يعينك ان شاء الله
بس يالغلآ في اي مدينه ساكن بالضبط؟ عشان نحاول ندلك على ورشه متخصصه بسيارات هوندا يشيكون عليها
يقول ابليس لله عز وجل
( وعزتك وجلالك لأغوينهم مادامت أرواحهم في أجسادهم )
ويقول الله تعالى
( وعزتي وجلالي لأغفرن لهم مادامو يستغفرونني )
استغفرك ربي واتوب اليك
شاشات ستيل كول قوقل اندرويد 3g - wifi - full hd للاكورد 2008 - 2012 تفضل بالدخول
زنـــون اللكــــزس 4300k 55w خصم 15% وشحن فيديكس مجانا لفترة محدودة
انا من أهل الرياض طال عمرك
هلا ابو تركي
عندك ورشة الجنوب في الصناعيه القديمه انا ما ازكيهم لك بس هم متخصصين في سيارات هوندا
وما تشوف شر يالغالي والحمد لله على سلامتك
هلا أخووي أن شاء الله ما تشوف شر
بنسبه للورشات انا معامل ورشه في صناعية الشفاء شغلهم كوويس
لو تروح له يشيك لك عليها
وبنسبه لدوده والطرمبه لا قدر الله وكانت تالفه مالك ألا تشليح حاير تلقى هنااك شي نضيف
أما الوكاله نصب في نصب
بتوفيق أخووي.
الله يجزاكم خير يا اخوان
مشكورين جميعا
.....
اخوي عاشق وين هالورشة اللي بالشفا؟؟ ممكن توصف؟
أخوي بالنسبه للوكاله لاتشتري من عندهم شي الا (للضروره القصوى)
إذا الهزه في الدركسون والسياره ترا إحتمال كبير تكون العكوس (ولو إن الفحص ماطلع لك الشي هذا )
ع العموم بالنسبه لطرمبة الدركسون انا شريتها بـ 200 ريال نظيفه جدآ من تشليح الحاير بينما سعرها في الوكاله خيالي يعني لاتقلق
عشان ماأكثر كلام عليك أنصحك بالإتي
تروح لميزان في الصناعيه القديمه إسمه ( ميزان الدرع ) وهو أقدم ميزان في الرياض خبره أكثر من 40 سنه
فيه باكستاني قديم هناك ممتاز جدآ بس أنت قله وش المشكله وترا (الفحص مجاني)
ثانيآ في حال لو احتجت قطع فيه صاحب تشليح بالحاير ممتاز جدآ ومحترم وأسعاره معقوله
هذا رقم جواله 0554027222 قول له أنا جايك من طرف (محمد صاحب السيفيك السودا) وماراح يقصر معك إن شاء الله
يعني عشان ماتطق مشوار الا انت متأكد من الأسعار "تقريبآ" ..الخ
والله يوفقك إن شاء الله مشكلتك سهله
هذا رقم تشليح خاص في سيارات الهوندا تشليح الحاير اسمة عبدالاله 0554117907
بيييييييييض الله وجيهكم ياشباب
اخوي اخصائي نفسي عز الله انك كفيت و وفيت جزاك الله خير وان شاءالله اني اليوم بعد الدوام بطلع لميزان الدرع على طووول
والله يعين
البرنسي مشكور يالغالي وماقصرت
ماسوينا الا الواجب أنا والشباب
لكن قول لنا يالغالي وش صار على مشكلتك إن شاء الله صلحت
عشان يستفيد الجميع وشكرآ لك
مواقع النشر (المفضلة)