أهلا بالطيبين !

عندي سيفيك 2004 كل شي فيها حلو الا الكهرباء .. لمبات الجلنط و الدي والحزام اللي في الطبلون يأشرون وحتى أنوار السيارة تضعف بشكل بسيط وتأشر على خفيف ..

انا مايهمني !

المشكله انهم سحبوا المكيف إلى مستنقعهم الآثم .. وبدأ المكيف يبرد أحيانا ويطلع هواء حار أحيانا .. وطبعا تبريده مقترن مع تأشير لمبات الدي و الجلنط والحزام .. اذا ضبطوا ضبط معهم !

رحت لكهربائي .. وشبك سلك صغير وخلى لمبة الجلنط مولعة على طول .. وصلحت المشكلة بنسبة كبيرة يعني اذا مشيت على الخط يبرد المكيف وكل شيء تماما واذا وقفت احتر المكيف شوي !

المشكله اني شلت ذا السلك لأنه يخوف شوي .. وابي حل جذري للمشكله .. يخلي اللمبات تولع وتطفى طبيعي ، و المكيف راح يصلح معها على طول !

فماأدري إذا كان أحد عنده خبره بذا الشيء

ويعطيكم العافيه