رد مع اقتباسانتبه تروح الوكاله عشان تقلهم عن المشكله دى
لانو ضمان بيلغوه عليك
واكييييد عندك التماااس
مشكلة في سيفيك 2010
السلام عليكم يا شباب وعساكم بخير.. هذي أول مشاركة لي بالمنتدى وأتمنى إنه ما أكون ثقيل عليكم وإن شاء الله يفيدونا أصحاب الخبرة
أنا عندي سيفيك 2010 نص فل مطلعها وكالة من 8 أشهر والحمدلله السيارة ماشية إلى الآن قريب الـ 10000 وزي الحلاوة "ماشاءالله تبارك الله"،،،، المهم أنا ركبت عليها بوري زي حق الأكورد تجاري وكمان كشافات تجاري بـ 200 ريال من محلات الزينة في بني مالك بجدة بس الهندي الله يصلحه جرح الأسلاك ووصلها مع التنعيسة وركبلها سويتش جنب وزنية النور والـ VSA وحرق فيوز 10 أو 15 ما أذكر وركب مكانه 30،،، بس الحمدلله جات سليمة وشغالة تمام :d:d:d
ومن قريب شهرين ركبت عليها زينون (أبيض ثلجي) نوعه فيليبس صيني بـ 200 ريال (الشمعات والمحولات حقتها) من الصناعية وأبويمن الله يهديه قلي مايحتاج أي شي بس يركب مكان اللمبات الأصلية ومايحتاج كتاوت
الهم،،، مشيت عليه كم أسبوع وشغال مظبوط بس المشكلة ظهرت بعد فترة وهي أنه صرت لمن أشغل السيارة وأشغل النور وأعشق وأمشي تنور إشارات التحذير اللي في التابلوه (الـ VSA والبطارية والحزام و...و...) والنور حق التعشيق كمان ينور ويطفي، وكل هذا والسيارة شغالة وماشية OK ،،، أطفي السيارة وأشغلها وأشغل الزينون ماترجع المشكلة وكل شي يمشي مظبوط
رجعت عند أبويمن تاني وركبنا عليها كتاوت بس المشكلة لا تزال موجودة والله يستر:(
شباب الله يوفقكم أفيدوني تراني مرة قلقان وخايف من هذي الشغلة :(:(:(:(:(
وفي الختام، أنا آسف على الإطالة لأني حبيت أعطيكم فكرة شاملة عن الموضوع والله يجزاكم خير على سعة صدوركم :o
انتبه تروح الوكاله عشان تقلهم عن المشكله دى
لانو ضمان بيلغوه عليك
واكييييد عندك التماااس
مشكور على ردك أخوي ،،، بس كيف السوات!!! أخاف أوديها لواحد يقعد يفتيلي فيها
أبغى كهربائي فاهم ياليت تفيدونا فين أحصلي واحد في جدة .....
مرااحب عزيزي،،
هذا اكيد شغلة كهربائية وان شاء الله بيفيدوك شباب المنتدى الأخبر في هذا المجال،،،
تقبل مروري عزيزي،،
واتمنى ان تزول هالمشكلة من سيارتك حرام جديده موديل 2010
حياك الله ويبارك فيك أخوي ومشكور على مرورك
ربك يستر ويجيب اللي فيه الخير :(
31 مشاهدة وردين بس،، معقولةفين أهل جدة ؟؟؟؟
شباب فين أحصل كهربائي يفهم في السيفيك ؟؟؟؟؟؟؟
أفيدونا الله يجزاكم خيررررررررر
أخوووي شووف فك الزنون وشوف اذا كانت المشكله موجوده فهذي فيه مشكله في الكهرباء
ولو أنت في الرياض كان دليتك على كهربائي كووويس
لكن جده ما أعرف فيها شي يفيدونك اهل جده أكثر
لكن أكرر أكثر مشاكل الكهرباء تكوون من الزنون.
الله يبارك فيك على النصيحة أخي "عاشق سيفيك" وربي إنها سيارة روعة وما شاء الله تبارك الله تستاهل العشق
أنا شكلي زي ماقلت بروح أفكه وأشوف السالفة كيف،، وإن شاء الله ما تكون المشكلة في حاجة ثانية، وربنا يجعله خيررررررر
إن شاء الله ما أكون ثقلت عليك أخوي "عاشق سيفيك" :o بس بخصوص منظم الكهرباء،،، إنت تقصد جهاز الستيبلايزر والجراوندنج ؟؟؟
والله أخووي اسمه بضبط ما أعرفه
المعروف أنه منضم كهرباء وسعرها تقريبا 60 ريالا
وهو ينضم الكهرباء عشان ما يكون فيه التماس او مشكله
واي خدمه حاضرين أخووي.
أنا حصلت واحد في النت وهذا الرابط حقه:
Honda Civic APEXi Super Grounding System
لو إنك تقصد زيه فهل له فايدة فعلا ؟؟
ومشكور أخوي ماقصرت !!!
جرب افصل البطاريه 5 دقايق وارجع اشبكها ثاني
والله أخوي جربت فكيت أصبع البطارية وشبكته تاني بس نفس المشكلة،،، أنا خلاص نفسي انسدت منه
بالمناسبة ياأخوان أنا دقيت على الوكالة وسألتهم عن سعر الزينون حق السيفيك قال لي الموظف شيك أول مع الصيانة يركب ولا لأ ،، ولا وبعد يقول مو متوفر
والله لو انك شاري الكشافات و الزنون من الوكالة كان افضل بكثير
صحيح ان محلات الزينة رخيصة لكن نشوف المشكلة اللي سببتها لك
انا عندي سيفيك نص فل راكب عليها كشافات الوكالة و زرها مو جنب الـvsa
زره موجود مع المجموعة حقت النور مثل الاكورد
و سعرها اتوقع 1200 مع التركيب
و الزنون اتوقع ينباع بالوكالة حق الفل الكامل
نصيحتي لك
اللحق على موترك و شيل الزيادات الصينية اللي راح تتعبك و بيعها و خذلك من الوكالة كشافات و زنون
المشاركة الأصلية كتبت بواسطة omarhij_78
هلا أخووي بنسبه لصوره لا مو هو ألي أعرفه
أنت أسأل محلات الزنون وراح يعطونك المنضم
ونصيحه شوف أنا من شريت السيفيك ما فكرت اركب زنون صح شكله حلوو
بس والله مشاكله تخليك تعاف نفسك منه.
مشكور أخوي على النصيحة وترى كلامك مضبوط مية في المية،،، بس الواحد يدفع 6500 ريال عشان زينون وكشافات والله حرررراااااام
وربي صدقت،،، أنا اليوم بإذن الله بروح أفكه وأشوف وعسى تزول المشكلة معاه لأني قربت على صيانة الـ 10000 وما أبغى أحد يتفلسف علي في الوكالة :p
مرحبا يا الأخو تأكد من كل الأسلاك أللي أشتغل عليها الكهربائي أكيد في سلك ضارب ألتماس أو في خطأ صغير ولكنه كبير والله يوفقك.
سلام عليكم شباب وعساكم بالخير،،، أبشركم ولله الحمد من قبل ومن بعد إنه المشكلة زالت نهائيا
أمس رحت للراجل وقلت له شيك على الأسلاك، وقعدنا نفحص التوصيلات طلعت كلها سليمة اللهم إلا إنه مشبك الأرضي حق الزينون مع الأرضي حق الكشافات وفصلناهم عن بعض وأشتغل كل شي تمام حتى إني حسيت النور صار أفضل،،، قلت خلني أطفي السيارة شوي وأتأكد،،، وللأسف أول ماشغلتها رجعت المشكلة تاني،،،،، قلت خلاص هيا فكه ماعاد أبغاه وتشاكلنا فوق الساعة ونص ماهو راضي يرد الفلوس والمصيبة ياأخوان إنه يحلف بالله إنه مافي مشكلة وإنه ماشاف شي
المهم في الآخر فك الزينون وركب لمبات بلدها ورد لي 100 ريال،،، ودعيت عليه "الله ينتقم منه" وتحسبنت فيه ومشيت :(
بس الأهم والحمدلله إنه المشكة اختفت
أنا آسف على الإطالة بس حبيت أنور الشباب،،، وخذوا لكم نصيحة ببلاش :d:d لا تسترخص ولا تروح لأي واحد مسوي نفسه كهربائي وهو حق فول وتميس :d
ولكل الأخوان اللي تفاعلوا مع الموضوع أقول: مشكورين وماقصرتوا،،،،
في أمان الله
هااااااااااااااااااااااااااااااااياااااااااتو
رجع انوااااار الوكاله وشف اذا ضبط
اذا ماضبط رح اقرب كهربائي وخله يشيك على الاسلاك تحت الطاره لاني اتوقع انه شبك الاسلاك في غير محلها
تقبل مروري
ضوابط المشاركة
مواقع النشر (المفضلة)