بخصوص سماعات السيفك ....!

**Bino** · 12-09-2007, 08:50 PM

السلام عليكم....
مبرووك عليكم الشهر يا اعضاء النادي

كلنا نعرف ان الاكورد و السيفك 06 و 07 4 سماعات و 2 تويتر بس الصدمة ان السيارة طلعت 4 سماعات بس

كيف عرفت؟
رحت اغير سماعات السيفك, ركبت سماعات BOSS 400W يوم جيت ابي اشيك على التويتر طلع ما في شي:( و انبعص ذيك البعصة:o و طلع الغطى بس زينة يعني مافي تويتر.

شباب الي عندة سيفك يشيك و بعد الي عندة اكورد. يمكن بس الي عندي؟؟؟
للعلم سيارتي سيفك 2007 فل اوبشن

الغطى سهل الفتح من الزاوية.
شكرا...

**الطبل** · 12-09-2007, 08:55 PM

الله يعطيك خيرها ويكفيك شرها

بالنسبه لسماعات السيفك ماعندي اي فكره
انشالله الشباب يفيدوك;) ( طيب ليش راد)

حبيت اونسك بس

**Bino** · 13-09-2007, 01:14 AM

يعطيك العافية اخوي الطبل

**massari** · 13-09-2007, 04:37 AM

والله قهر

وانا رااااااااااز وجي قدام الشباب اقولهم في تويتر

طلعت مافيهااا خخخخخخخخ

وانا اقوووووول ليه الصووت حفلللللللللله

بس ابشرك ركبت سستم صووت <<<<<< يوم في شي اسمه سماعات

المهم اخوي قولي السماعات بكم خذتهم لان شركه بووس

من احسن الماركات في عالم الصوتيات

**Bino** · 14-09-2007, 08:02 AM

اهلا اخوي massari

السماعات ممتازة وصوتها جيد بس فيها بعض العيوب... سعرها 400 ريال للسماعتين يعني 800 اربع سماعات... المهم . السماعات شوي اكبر من البايونير يعني لازم توسع الفتحة حقت السماعة اللى في باب السيارة و الخلف. تسحب كهرب عالي يعني تحتاج امبليفاير جامد
ركبت عليهم اوديوبان800 واط امريكي اصلي بس ما نفع يفصل للعلم سعرة 1100 ريال:p
ركبت ديجيتال اوديو 1200 واط سعرة 1400 ريال ما نفع:p:p
ركبت بوشمن 900 واط سعرة 550 ريال كوري ما فصل صوتة احسن من الي قبلة بكثير

ركبت اكاي 1200 واط ما فصل صوتة احسن من الي قبلة بكثير

الخلاصة :-
لا تحاول اتركب سماعات غير البايونير او السوني او الكينوود لأنهم هم حقين الكرف

لا تحاول اتركب امبليفاير من هذي الانواع AudioBahn او digitalAudio لأنهم فاشلين جدا من ناحية الصوت و الحرارة و الصناعة و و و و و و و و و و و و و .:p
ركب امبليفاير اكاي او بوشمن او روس او امبوكس هذولي الافضل والأرخص.

البوووس شريتهم من الخبر من محل الكوخ للصوتيات( المحل فاشل و اسعارة مبالغ فيها جدا جدا) قهر لو مركب البايونير الصفر احسن لي و الله بس الله كريم و الله يسامح الي كان السبب:(

اخوي معليش على السالفة الطويلة بس و الله ليومك مقهور من المحل.

و المشكلة راعية اعرفة بس جحد ام امي:( اطلبة 1100 بس للأسف ما رجعهم:(..........
وش مركب بسيارتك؟؟:d

**emperor** · 03-09-2009, 05:33 AM

السلام عليكم كيفكم شباب خويي توه طلع سيفك 2009 درجه عاديه بس مافيها سمعات خلفيه وديه يركب سمعات من خارج الوكاله بس ممكن طلب من رواي السيفكات كم واط السمعات الخلفيه للسيفك حقق الوكاله وشكرا

**يور السعوديه 214** · 07-09-2009, 02:47 PM

سماعات الوكاله 25 واط

معدووووووووووومه

ركب بايونير 300 واط وما راح تحتاج امبيرفير ولا اي شي

**الطفل المكافح** · 09-09-2009, 03:54 AM

السلااااااااااااام عليكم

أنا عضو جديد معاكم و توني مسجل

قلت خل ادور بالنت في منتدى للهووندا

و طلع في

الله يعطيكم العافهي عالموقع

و ان شاء الله بتكون سيارتي سيفيك Exi 2007

توني اليوم دافع مقدم فيها بس لاحظت شي الصوت مب لهناك

و بما اني متعلم بالسيارات القبليه قلت مافي تعديل لا شكل ولا شي راحت علي اكثر من مرة فلوس و الوناسه ما تتم

بس بما ان في خبرات بحاول اشارككم

أخوي بينو الله يهنيك بالسماعات

يا رب

و طالما في مكان للتويتر جزاهم الله خير الشركه يعني اشترهم و حطهم و غطهم <<< بكرة بيستلم السيارة بيشرحها لين يعرف كلشي

احسن من بعض السيارات الي حتى مكان ما فيها

بس لو تقولنا بكم شريتهم

و باقي الأعضاء يفيدونا

و تقبلوني أخو جديد عليكم بأسرتكم

المكافح