شغل المكيف في الظهر واذا حسيت تبريده ماهو بالشكل المطلوب وحار او تبريده خفيف انزل من السيارة او خل احد اخوياك ياخذ ماء ويرشه على الوجهية وعلى راديتر المكيف اذا برد المكيف تمام اعرف ان الكمبريسور ضعيف ويحتاج تبديل الا اذا طحت على كهربائي ممتاز وعرف يصلحة كان بها
طيب الحل الثاني تدري انها صارت لكم واحد يعبي فريون واموره تمام ويصير له مثل ماصار لك وصارت لي شخصيآ في سيارة ثانية واذا رحت للكهربائي يطلع الفريون مليان وتمام لكن يوم من الايام طفشت ماهي حاله المكيف مايبرد وطحت لي على كهربائي زين وعلمته السالفة وشيك بالساعة وضغط الفريون ممتاز واستغرب
حاول ينسم من الفريون وطلع كله هواء مضغووووط يبين انه مليان فريون وهو مافيه فريون واللي صار فحص كل شي وحصل تنسيم بسيط من جلدة الفلتر الصغير اللي يجي داخل الماصورة المهم ضبط الأمور بفلتر جديد وحط زيت وعبالي فريون ورجع التكييف ممتاز وحسيت بالبروده
الخلاصة : الكمبريسور عندك ممكن يكون ممتاز بالضغط والدفع لكن الفريون ممكن طلع وناقص
في عدسه يبين فيها الفريون اذا كان ناقص او فل ( اذا كان وقت تشغيل المكيف تشوفها صافيه مثل المويه فتأكد ان الفريون فل والكمبريسور ضغطه ماش - واذا كان مثل الرغوة مثلآ فعلى كذا الفريون ناقص )
رد مع اقتباس
مواقع النشر (المفضلة)