الموضوع: عندي مشكلة في التايب ار :(

هلا يا الغلا

صباحك عسل :$

عندي مشكلة في التايب ار

لها تقريبا معاية 3 شهور و سويت بها حادث و الحمد لله عدت ع خير

بس من قبل الحادث الين دحين

لما ادعسها و اوقف بعدها اخلي السياره تهدى شوية و اشوف عداد الضغط ينزل و السيارة كانها بتطفي و يرجع العداد لمحله الطبيعي

انا قبل قلت يمكن من البطارية معدومة

غيرت قبل امس البطارية خليتها 60 امبير و برضوا نفس الشيء

دا الشيء الاحظة في النهار بس في الليل ما سارت لي الا مرة او اثنين مو فاكر تماام

بس امس في الليل لما دعستها ما سار دا الشيء !!

ياريت تفيدوني :(

و مشكورين ع المرور

عندك مشكله بحساس الانتيك يمكن مو مشبوك تمام والله اعلم

تايب ار , تايب ار ؟ ولا تايب ار ستيكر

ما عندي حل بس حبيت اسلم عليك

سنسور الانتيك maf غالبا، مثل ما قال ميمو،،،، عليها انتيك السيارة؟

المشاركة الأصلية كتبت بواسطة xheartcoreboyx

سنسور الانتيك maf غالبا، مثل ما قال ميمو،،،، عليها انتيك السيارة؟

مسكورررين ع المررور. .. بس السيارة ستوك ما عليها شيء. ..

طيب إيش ألحل لها ؟؟

اول شي الحمد الله عالسلامه واخر الاحزان ان شاء الله وعسى تكرهون شيئاً يكون خير لكم ويارب يكون الحادث خيره يبعد عن السياره العين

والله نفسي افيدك بس انا مافهم شي في السياره بس لو حبيت توديها الوكاله وديها لفرع المينا بفرع المينا يفهمو في التايب ار احسن من الدلوخ الي في فرع طريق المدينه

هذا عيب مصنعي في الكامري 2010

حلها تنظيف منظم الهواء و ان شاء الله بتضبط معك

مشكوورين ع المرور

غسان يسلموو ع المعلومة المفيدة و سويت صيانه ال 1000 في طريق المدينة و بطلت اروح اسوي صيانه فيها من كثر اسئلته و ياريته يعرف يشتغل تماام :(

ف رحت الاربعاء الصباح سويت صيانه 5000بس ... انا سويت ال 5000 اصلا براا بس سويتها عندهم علشان بسوي صيانه

سوا لي الصيانه و طبعا ضغطي مرفوع .. و انا مشتري كرتون موبيل 1 رقم الزيت 0w40 هدا معروف انه احسن زيت

رحت كلمت كدا واحد علشان بدل زيت الوكالة يستعملوا حقي الزيت انا اجيبه لهم قالو لي لا ما ينفع و سوا هرجة

المهم

ما صدقت بس اخلص من الصيانه و اخذ السيارة و امشي المهم افتك

فيبغالي اروح فرع الميناء ف ان شاء الله تتحل المشكلة

عندي سوال بسييط .. في محطات يكون فيها محلات تغيير زيوت حق بترومين .. هناك يمديني اغير الزيت و يكون داخل للضمان .. لآنه الي محيجني للوكالة الضمان مو شيء ثاني .. !!

تغيير الزيت مو إجباري للإبقاء على الضمان على ما اعتقد، في كل مرة أروح أسوي صيانة يسألني المهندس نفس السؤال: تبي تغير الزيت أو لا.

السؤال هو هل الـsynthetic oil اللي تستخدمه متوافق مع محرك السيارة؟

المشاركة الأصلية كتبت بواسطة Musouka

تغيير الزيت مو إجباري للإبقاء على الضمان على ما اعتقد، في كل مرة أروح أسوي صيانة يسألني المهندس نفس السؤال: تبي تغير الزيت أو لا.
السؤال هو هل الـsynthetic oil اللي تستخدمه متوافق مع محرك السيارة؟

منوور الموضوع

هوا الي يستعملوة half synthetic و سوا لي رجه عليه زيت خاص و قلبوا دماغي

لا و طلعت فوق عند واحد لبناني يقلي دا الزيت خاص و اهم مميزاته انه سوي طبقه حماية جوا المكينه علشان الاحتكااك و .. إلخ

و الي ناوي استعملة full synthetic الي هوا موبيل 1

...

اوك ع كدا كل صيانه 5000 ايش اسوي فيها ؟؟

عادي لا تروح صيانة الـ5 آلاف.

ما أدري عن التايب آر، بس كاتولج السيفيك السيدان يوضح أن الصيانات المهمة هي كل 20 ألف كل (أو بعد عدد شهور معين)، أيام الضمان كنت أروح كل 10 آلاف كلم أو احياناً كل 15 ألف كلم وفي مرة طنشت صيانة ورحت اللي بعدها، وما كان في مشاكل أبداً.

المشاركة الأصلية كتبت بواسطة musouka

عادي لا تروح صيانة الـ5 آلاف.
ما أدري عن التايب آر، بس كاتولج السيفيك السيدان يوضح أن الصيانات المهمة هي كل 20 ألف كل (أو بعد عدد شهور معين)، أيام الضمان كنت أروح كل 10 آلاف كلم أو احياناً كل 15 ألف كلم وفي مرة طنشت صيانة ورحت اللي بعدها، وما كان في مشاكل أبداً.

مشكووووووووووووور ع المرور
بس في نحس في الموضوع كل ما احجز موعد يطلعلي شغلانه :p

سينو احسلك خليك على زيت الوكاله انا شايف زيت الوكاله والله مو بطال ويعطي عزم حلو

وكمان لاتنسى ان الفلتر حقنا انا وانتا من تحت مو من فوق زي بقية السيارات فاحسلك غير في الوكاله عشان لاقدر الله لو سار شي المصيبه تكون عليهم

صح ان اسعار الوكاله غاليه يعني اخر مره سويت صيانة 30000 الف كلفتني بالزبط الف وميتين ريال مع تغير الاقمشه بس ترى في الووكاله يفهمةلها احسن من الي برى

والله بصراحه قافله معايه هرجة الزيت :s

مشتريه و متعب نفسي ع الفاضي :@

انا اغير في بترومين الي في محطة التسهيلات..

لو سار فيها شيء هما يتحملوا برضوا

انا سمعت و الله اعلم .. انه لو غيرت هناك مدينهم اعتماد ..

بس رحت الوكالة سئلت قالوا لي لا مو مدينهم شيء :s

بطريقتهم

سئلت كدا واحد عن مشكلتي قالوا لي البوابة حق الثلاجة مدري ايش .. هرجة :$

شكلها زي مشكلة دا

http://www.hondaarabia.com/club/t49574/