الموضوع: السيارة تطفي كل 100 متر و الله طفشت

يعطيك العافية اخوي وليد المجيني على التفاعل الطيب والمشاركة

والحساس الا تقول عليه تم تغيره قبل حولي سنه
وهي حساسين وتسمى ( حساس الكرنك ) واحد فوق المكينه وهو واضح والاخر تحت عند سير التايمن ويجب فك سير التايمن عند تركيبه... ولو تتبعت ردودي في نفس الموضوع لوجدت حل لنفس مشكلتك التي قمت بحلها انت لانها واجهتني وقمت بحلها ايضا...

( طبعا الحساس عمره الافتراضي 100 الف كيلو )... فاكيد مشكلتي ليست منه لاني لم امشي هذه المسافه من يوم ركبته...

المهم المهم المهم المهم المهم المهم المهم المهمالمهم المهم المهم المهم

اني يوم الخميس قمت بحل المشكله بتاريخ 27 - 10 - 2011 الموافق 29 - 11 - 1432

الحمدلله الحمدلله الحمدلله ...

طبعا ياشباب الله يعينكم راح اتكلم عن حل واصلاح مشكلة السياره وراح اتكلم عن الموضوع بالتفصيل الممل ... لكي تستفيدوا
.................................................. .................................................. .......................

طبعا الورشه حقت هوندا الا في كيلو 2 صاروا يتجنبوني :o
لانهم لم يعرفوا المشكله لا بكمبيوتر ولاغيره
ولانهم زحمه على طول ماشاء الله
.................................................. ............................................

المهم قلنا نروح للشركه حقت هوندا الا في الميناء قسم الصيانه
طبعا يبغالك حجز موعد وتروح لهم بالنهار ووجع راس؟؟؟؟؟؟؟؟

المهم رحت وقالي المهندس الكشف فقط ب 640 ريااال ( لنفس مشكلتي )
لا وازيدكم من الشعر فله:d ههههه (قصدي بيت) ............اخليها عندهم خمس ايام او اكثر ...
ويمكن تكون مشكلتي مالها حل على قولت المهندس

المهم صفيتهم يعني بالعربي تركتهم :p
.................................................. .................................................. .....................

واصبحت امشي بالسياره بدون مكيف اروح مكه وارجع يوميا في الحر :(

وكل مره توضح لي اسباب للمشكله

المره الاولى كانت المشكله تظهر عند تشغيل السياره مده طويله والمكيف شغال ... السياره تتفتف ويضعف العزم
والان كذلك تظهر لي المشكله لمن ينقص البنزين تحت النصف والسياره لها مدة طويله شغاله من غير تشغيل المكيف (ولكن اقل من المده في المره الاولى بقليل )
.................................................. .....

طبعا انا غيرت مرتين طرمبة بنزين وقمت بتنظيف البخاخات ووزن الدعسه حق البنزين
واصبحت استخدم المفتاح الاسبير (الثاني)...
( طبعا بعض عمليات تغيير بعض القطع لم اقم بتغييرها والسبب ان بعض الاعضاء الذين طرحوا مشكلتهم بهذا الموضوع قاموا بتغييرها ولم تنتهي المشكلة ...
وكذلك لم يطلبوا مني اهل الورش ذلك) مثل البواجي وفلتر البنزين والكويلات وغيرها
.................................................. ....................

وعند قرائتي لنفس مشكلتي في النت عن شخص معه جيب اكسبلور وبهذلته هذه المشكله
كان الحل لها انه غير الطرمبه حق البنزين والفلتر حق البنزين وراحت المشكله...

قلت خليني اسوي مثله ( ولا التفت لردود بعض الاعضاء) :p

بس اغير فلتر البنزين لان الطرمبه حق البنزين غيرتها اخر مره ياباني بــ 250 ريال
مع ان احد الاعضاء بالمنتدى كانت عنده نفس مشكلتي وقال انه غير فلتر البنزين وغير الطرمبه وغير اشياء كثيره ولا راحت عنه المشكله؟؟؟؟؟؟؟؟؟؟؟؟؟؟؟؟؟

المهم
رحت عند ( المهندس اسلام افضل مهندس هوندا ) وورشته بالاسكان

ومعايه فلتر البنزين حقي 154 ريال بعد الخصم (شريته من فرع هوندا الا في كيلو 2)

وقلت له المشكله ( هو عارفني من اول وكذا مره اجيه ويرسلني على الصيانه حق الشركه )

المهم
قالي جيب معك ايضا طقم وملحقات الطرمبه بالكامل اذا تبغى هذي المشكله تروح بالكامل...
(( يعني العلبه بالكااااااامل ...من غير الطرمبه والعوامه ))

طبعا رحت للشركه الا في الميناء وقال لي
( واحد دبه متييييين خاااال مهو داري عن الله فين حاطه)

ماتجي (العلبه كامله) الا طلبيه من دبي بكل ثقه!! ... ولا تعب نفسه ولا دق على الكمبيوتر ولا شي...

طبعا انا طفشت وقلت اصبر ياولد كلها شهرين وبتشتري سياره 2012 جديده :d:d
وكذا كذا غير فلتر البنزين ولا عليك في كلام اسلام
.......................................

بعد يومين رحت كيلو 2 بالغلط قلت خليني اسأل...
قالي فيه العلبه كامله بس غاليه عليك المهم ويوريني فلتر (صفاية)طرمبة البنزين واكلم مهندس اسلام من عنده ويقول ليه جيبها وقيمتها بعد الخصم 100 ريال ولو تشوفها تقول ماتسوى 20 ريال !!!!!
وليست موجوده الا في فرع طريق المدينه

(مع ان احد محلات قطع الغيار قالي هذي ماتنباع الا مع الطرمبه كامله والطرمبه حقت هوندا قيمتها اكثر من 1700 ريال )

( طبعا انا اول مره غيرت طرمبه تايوان وكانت زي الحلاوه وبعدين غيرت ياباني وكانت ما فيها شي 100%
و كلها يجي معاها فلتر (صفاية) للطرمبه بس مشكلته انه لمن اوديها الورشه ما كان يركب على علبة الطرمبه بالكامل وكانو يركبو القديم الا هو الاصلي ويقولوا ليه مايأثر وينظفوه ( مع انه كان عدمان ) )
.................................................. .......................
المهم ::::
رجعت لورشة (اسلام )
ومعايه الفلتر حق البنزين (154 ريال)

والصفايه حق الطرمبه(100 ريال)

وقام بتغيرها للسياره وما اخذت وقت طويل
وقالي شغله ب 50 ريال فقط ( عارف وضعي ومشفق عليه :o:o:o) ههههههههههههه

واعطيته 100 ريال :d:d:d

ملاحظة:
(طبعا المشكله الاساسيه ترجع الى فلتر طرمبة البنزين فقط وتم تغير فلتر البنزين ايضا لزيادة الحمايه)



والان السياره لها تقريبا 6 ايام
والحمدلله زي الحلاوه
ما شاء الله...


طبعا المشكله هذي اسبابها من امطار جده والمشكله الاكبر انها ماتظهر الا بعد فتره طويله تقريبا 6 او 9شهور....

فانتبهوا يااهل جده من هذه المشكله ولا يضحكوا عليكم اهل الورش وقطع الغيار مثل ضحكوا عليه :d:d:d

وجعلوني اعاني اكثر من شهرين وكل واحد يقول لي كلام
والا زحمه ويقول تعال بعد يوم والا يومين وانتظار في الورش ووجع قلب وازعاج
وكل هذا وانا لم اعرف علت السياره والواحد فينا عنده دوام و مهو فاضي لكل الكلام هذا ؟؟؟