السلام عليكم

كيف حالكم إن شاء الله بخير


فى البداية صراحة بشكر كل الناس اللى فى المنتدى هنا على دعمهم الأكثر من رائع لسيارات الشركة الرائعة هوندا ، صراحة بقالى فترة بتصفح مواضيع الاعضاء هنا فى المنتدى وشدنى إنى ابقى عضو فيه


مش حابب اطول عليكم كنت محتاج اسال هل فيه مراكز هوندا معتمدة بتبيع سيفيك 2009 او 2008 مستعمل وتكون شرط تقسيط او ايجار منتهى بالتملك يعنى اى حاجة هتمشى فيهم خصوصا أنى ناوى إن شاء الله ادفع مقدم كويس واقسط الباقى على فترة بسيطة ، لانه صراحة اتصدمت لما عرفت انه وكيل هوندا فى الرياض مفيش عنده مراكز لبيع السيارات المستعملة ، ودى كانت حاجة غريبة خصوصا انه اغلب الوكلاء هنا عندهم مراكز لبيع المستعمل


فا اتمنى لو حد يعرف صالات او مراكز بتبيع سيفيك مستعمل تقسيط او ايجار منتهى بالتملك او اى وسيط يقدر اشترى من خلاله يبقى جازكم الله خيرا ، انا كل اللى قدرت احصله معرض فى الشفاء اسمه السبر اتصلت عليهم اكتر من مرة قبل العيد قالو هيجى ليهم دفعة وارد الامارات وقطر بس لسه لحد دلوقتى مفيش حاجة

دمتم بود

السلام عليكم