استفسار عن محلات قطع الغيار في الرياض ومحلات تغيير الفرامل

**Vara** · 14-09-2011, 09:40 AM

السلام عليكم
بغيت أستفسر عن المحلات اللي ممكن أحصل فيها قطع غيار أصلية غير الوكالة لهوندا سيفيك
لما كان عندي كورولا مثلا تعودت أشتري القطع من محلات منيف النهدي اللي عادة يجيب أصلي وأسعارة أفضل من الوكالة والقطع متوفرة
فياليت تدلوني على مثيل للهوندا لقطع مثل الفرامل، مساحات

الثاني برضه للكورلا تعودت أشيك على الفرامل وأوزن السيارة عند ميزان اليرموك أو القادسية أو العضيب في الصناعية القديمة. هل نفس المحلات تمشي للهوندا والا لازم أوديها محلات ثانية.

الثالث والأهم وين أحصل محل ممتاز أسوي عنده تصفية مكينة للسيفيك

شكرا

**O.X.Z** · 15-09-2011, 01:39 PM

اخوي انا عن نفسي اعتزلت الوكالة صراحة كسر ظهر .. رح لأم الحمام ..ز قطع غيار أصلية ... وبعدين لف على تركي الأول تلاقي ورشات هوندا ... ركب عندهم ممتازين انا من زمان كل شي اروح لهم

**King** · 15-09-2011, 02:52 PM

فيه محلات عند صناعية العروبة مقابل مسجد الملك خالد بأم الحمام..

وبنفس المكان ورشة رقمها 20 شغلهم مضبوط اسأل عنها, بالنسبة للميزان تقدر تروح اي واحد ترتاح له مافيه مشكلة..

**meshoo** · 15-09-2011, 04:30 PM

وعليكم السلام

عندك النعماني موزع قطع غيار لهوندا معتمد

وبالنسبه للورشه الي ترتاح لها ماتفرق بالنسبه للاشياء البسيطه

**O.X.Z** · 15-09-2011, 05:32 PM

فيه محلات عند صناعية العروبة مقابل مسجد الملك خالد بأم الحمام..
وبنفس المكان ورشة رقمها 20 شغلهم مضبوط اسأل عنها, بالنسبة للميزان تقدر تروح اي واحد ترتاح له مافيه مشكلة..

يا سلام عليك هذي الورشة اللي اروح لها أعتقد هي رقمها 20 او 19 مني متأكد ...

وعليكم السلام

عندك النعماني موزع قطع غيار لهوندا معتمد

وهذا وين نلاقيه بالرياض :d ؟

ما تلاحظون صرت كأني أنا اللي حاط الموضوع ههههههههه :p

**King** · 15-09-2011, 06:32 PM

المشاركة الأصلية كتبت بواسطة o.x.z

ما تلاحظون صرت كأني أنا اللي حاط الموضوع ههههههههه :p

الفائدة للجميع طال عمرك سواء كنت صاحب الموضوع او لا.. ;)

الورشة رقمها 20 على اليسار آخر شيء وجايه على دخله.

النعماني بالصناعية القديمة مااعرف الوصف بالضبط بس تحصله بالمنطقة حقت الصناعية, او اتصل عليهم قبل لا تضرب مشوار ارقامهم موجوده بالأعلان اعلى الصفحة..