السيارة مش عايزة تدور سيفيك 2005

**Sherifmt** · 16-09-2011, 10:29 AM

السلام عليكم يا هونداويه

عندي مشكله في السيارة هوندا سيفيك 2005 فتيس عادي وهي ان بسلامتها مش عايزة تدور

الموضوع بدء من امبارح باليل كنت راكن وخارج بدور المارش شغال ومفيش اشعال ولاحظت اني اول ما بفتح كونتاكت لمبات التابلوة زي الزيت وفرامل اليد والتشك كلة بينور عادي ما عدي لمبة الدينامو (اللي علي شكل بطارية) مش بتنور والمارش بيقوم عادي والكهربا طبيعية لكن بدون أشعال (زي لما تكون الموبينة فاصلة في العربيات القديمة) بعداكتر من محاولة سمعت صوت تكة من ورا درج التابلوة و لمبة الدينمو نورت مع الكونتاكت وفورا دارت السيارة عادي جدا ؟؟؟؟

بطلت ودورت تاني مع نفس صوت التكة دارت من اول مرة جربت تاني علقت تاني وبدون صوت ولمبة الدينمو برضة مكانتش بتنور بكدة ربطت ما بين صوت التكة و لمبة الدينامو المطفية والمشكلة المتسببة في عدم دوران المحرك المهم اشتغلت بعد اكتر من محاولة بنفس الطريقة سمعت صوت التكة ولمبة الدينمو نورت مع الكونتاكت وفورا دارت السيارة اليوم رحت الشغل بيها عادي وركنتها بجوار الحرم لكن وانا راجع جيت ادور نفس المشكلة المارش شغال وبطارية مشحونة وزي ما تكون حلفت ما هي دايرة

بعد ساعتين محاولات والبطارية كانت خلاص هتجيب اخرها قررت ان اسيبها في مكانها لبكرة وكمان فصلت كابل الأرضي بتاع البطارية يمكن لو عملت ريسيت لوحدة الكنترول يمكن تمشي ........أسف علشان طولت عليكم بس المشكلة ان بكرة الجمعة وكل الصنايعية أجازة بدون اي استثناء هل في امل حد يدلني علي مكان فيوز او حل ولو مؤقت

تحياتي للجميع

**O.X.Z** · 16-09-2011, 02:33 PM

البطارية ؟ كم عمرها ؟ كم لها في السيارة ؟!

قبل فترة نفس الشي صار معي ... اول شي كانت تطول حتى تشتغل ... ويوم وانا واقف بمحطة بنازين ويوم جيت اشغل وامشي ما اشتغلت .... شريت بطارية من نفس المحطة وطلعت الأمور تمام والسيارة تشتغل طيارة ما شاء الله :d