الموضوع: الغيار الثاني

كم سيارتك ماشية ؟

المشاركة الأصلية كتبت بواسطة wazd

كم سيارتك ماشية ؟

ماشيه يا عزيزي
بحدود 87000

رح للوكاله على الضمان

الوكاله يقولون مافيها شي
الجير اذا مسرع مافيه اي مشكله
بس وانت مهدي!!؟

الوكالة دائماً يحاولوا يصرفوك إذا السيارة ما دامت على الضمان بس أنت انشب لهم وخليهم يطلعوا معك مهندس جولة ميدانية عشان يشوف المشكلة على أرض الواقع.

الله لا يهينكمممم
بس الحيره لعبت فيني
في واحد يقول نفك الجير وتشوف وش فيه
بس رفضت
قوووووووويه يفك الجير!!!

لا انشب للوكاله وانشالله تعرف المشكله

مرحبا اخوي ..

المشكله صارت عندي وسيارتي ماشيه تقريبا 90 الف

ف سرت الكراج قال المشكله من زيت القير وهو متاكد ^^

غيرت زيت القير وخفت الرجه فـ السياره بس ما اختفت تحس برجه اخف بعد ما غيرت زيت القير ^^


انت غير زيت القير وان شا الله بتخف المشكله وهالشي عن تجربه ^^

المشاركة الأصلية كتبت بواسطة 9loo7e

لا انشب للوكاله وانشالله تعرف المشكله

والله الوكاله فقدت الأمل منهم تحس انك تشحذه

المشاركة الأصلية كتبت بواسطة المباشر

جربت تغير زيت القير ؟؟

اليوم ياعزيزي بغيره واتمني يظبط:(

المشاركة الأصلية كتبت بواسطة بلال العلمي

كم ماشية السيارة الى الان؟؟؟؟

ماشيه مشارف ال 89000

باك
غيرت زيت الجير وزيت المكينه
وعلي مدي هاليومين الحمد لله في فرق كبير بالتغيير
لأكن بنسبة 95٪ بس افضل من اول
يقولون هذي اتربه وعوالق في الترس
شكراً لكل من أفادني وساعدني
وانتبهو لزيت الجير...

مشكوور اخوي المباشر
بس انا استغرب من رح للوكاله
يعني وش زود الوكاله بس اسم وسعر نار بجد
انا ضد الاستغلال اللي قاعد يحصل خصوصا من هاشم او غيره
انا اشوف ان مركز يلوهات او بترومين
افضل وارخص ولا؟؟!

المشاركة الأصلية كتبت بواسطة المباشر

الوكالة افضل لك وانا اقولك ليش
ضمان العمل هذا اولآ لو اخطأ العامل وصار بالقير شي فالوكالة تتحمل تكلفة التصليح والتعويض
بترومين وغيرهم اي خطأ راح تتعب معهم روحات وجيات وقضايا ومواعيد محاكم بعد شهر ولا شهرين الخ
الوكالة عارفين القياس بالضبط وترى انا ماقول كل شي تسويه بالوكالة لا والف لا بس في حاجات حساسه مايعرف لها الا مهندسين الوكالة ولها اوزان وغيره وتعليمات وتدريب متخصص واجهزة ماتحصلها بالورش وشغلات مايعرفها ميكانيكي تعلم على سيارات الشعب
انا مثلآ كل شي اسويه خارج الوكالة الا شغلتين مايسويها لي الا الوكالة وهي
تبديل زيت القير
وتبديل سير التايمن واذا الفلوس زايده شوي ماأبخل على سيارتي وادلعها بالوكالة من الى
مهما كبرت المراكز ومحلات تغيير الزيوت لكن الاخطاء واردة وكذا واحد خبط القير وغيره من شغلات ثانية بسبب مراجعتهم لمحلات ليست بالمستوى المطلوب
على كل حال هذا موترك ان حبيت انه يعيش معك بدون مشاكل لازم تكون حريص عليه وتهتم فيه وماتسمح لأي متدرب بالورش وغيرها انه يلمس الاجزاء الحساسه في سيارتك واللي تحتاج خبرة وفن في التعامل معها*

كلامك صحيح لأكن بائن عليك تهتم بالسياره
لأكن انا للأسف ما اهتم ولا افكر أودي السياره للصيانه او حتي تشييك
انا اول سيارة امتلكها ملك الاكورد
قبل نظام حكومي سيارات حكوميه
وكنت مرتاح الزيت وللفحمات وحتي الكفرات والبنزين عليهم
حتي ابسط الامور يزينونها
لأكن الامور تغيرت ويبي لي أتأقلم مع الوضع
شكرًا لتواصلك..
كلامك سليم وواضح انك مهتم لسيارتك
بس انا يمكن ما اهتم في السياره ولا افكر اسوي اي صيانه بالوكاله
ويمكن هذا عيب
بس بيني وبينك انا اول سياره استلمها ملك لي الاكورد
اول نظام سيارات حكوميه من الدوام
وكانت اغلبها مستأجره باسم العمل فتغيير الزيت وللفحمات
وحتي البنزين والكفرات ووابسط الاموور
والظاهر ان هالموضوع اثر علي
شكرًا لتواصلك..

اذا ما غيرت زين القير بدله من الحين علشان لا يخترب عليك

المفروض انت بدلته لما وصلت الى 80 الف كم

المشاركة الأصلية كتبت بواسطة ولد الديره

اذا ما غيرت زين القير بدله من الحين علشان لا يخترب عليك

المفروض انت بدلته لما وصلت الى 80 الف كم

أكيد غيرته بس هو يتغير كل 80 الف؟؟
منوور

كيف اعرف ان زيت الجير يبي تغيير

بالعداد عدادك كم ماشي؟؟
بسررعه اذا كان ماش يالعداد كتير وماغيرت الزيت الجربكوس ممكن يروح عليك

المشاركة الأصلية كتبت بواسطة غسانr

بالعداد عدادك كم ماشي؟؟
بسررعه اذا كان ماش يالعداد كتير وماغيرت الزيت الجربكوس ممكن يروح عليك

انت راح علي!!

ماشي 86000 موديل 2009 لكن توني شاري السياره مستعمل
ممكن اعرف كم تكاليف تغيير زيت الجير في الوكاله