المشاركة الأصلية كتبت بواسطة mohya
في البدايه حبيت اقول انه قدر الله علي وشريت هوندا سيفيك 2009 الون لؤلؤي والحمد لله السياره ما عليها كلام لكن عندي بعض الملاحظات وأبي حل لها :
أولا الف مبروك على السيفيك
1) احس انها نازله بالأرض كثير ( كني جالس في في الشارع ) .
الناس تبي تنزلها زياده هههههه صحيح كلامك
ممكن ترفعها ترا اذا انها تحك بالمطبات او تركب كفرات ارفع
2) عند التغيير من الاول إلى الثاني فيه رجه خفيفه وتروح مع زيادة السرعه طبعا القير أوتو .
هاي شي طبيعي بتتعود عليه اهم شي ما تكون رجه عنيفه هاي مكناتها عندك شلخ بكرسي المكينة او انذار قبل ما ينكسر غير عن هاي الامور بالسليم
3) هل مقاس الجنط الاسود (حديد طيس) يختلف عن عن الجنط الكروم للفل كامل وماهو المقاس المناسب .
على ما اعتقد سمعت قبل انه ١٥ والله العالم الفل الكامل و الكامل الله تجي مقاس ١٦
4) عند الرجوع للخلف يظهر صوت دقه في الخلف وتختفي .
هاي شي طبيعي سيارتي ٢٠٠٧ و انا اشتكي و ليلحين يزعجني خصوصا لما اكون منزل النوافذ اسمعه ينرفزني بس طبيعيو ما يكون طول الوقت
5) هل هناك حل لإزالة الترمل من الشمعات الاماميه .
حط لك حماية او نظف الاسطبات الامامية و اذا انك راعي خطوط عليك بالبرقع
6) ماهو الزيت المناسب لسيفيك .
الله العالم, الأئمن من وجهة نظري الوكالة
7) ماهي اسعار البواجي علما بان سيارتي ستاندر .
بحدود ال١٣٥ للواحد و عندك ٤ و ما يتبدلون ألا مرة وحدة كل ١٠٠ الف كيلو
هاي ليش غالين و ممكن تركب الرخاص الي كل ٥ الاف كيلو يحترقون
خلك على بواجي الوكاله احسن
ارجو من الاخوه الاعضاء الكرام مساعدتي لحل هذه الملاحظات وفي النهاية أسف على الاطاله وشكرا
اسمحلي عالقصور و ان شاء الله الشباب يفيدونك خصوصا بالاسعار و الاماكن لأن عندكم بالسعودية ارخص من عندنا بقطر
ملاحظة /
أنا سويت موضوع بالأستفسارات ولكن لم أجد رد حتى الأن وقلت ممكن لو حطيته في هذا الموضوع أحد يعبرنا ويرد علينا وشكراً
رد مع اقتباس
مواقع النشر (المفضلة)