لاحد يشتري سيفيك

**massari** · 20-08-2007, 03:45 AM

السلام عليكم

شباب ترى ماقصد الاسائه للسيفيك بالعكس السياره من اروع السيارات الي شريتهم

ومستحيل افرط فيها مع ان كنت بابيعها وباشتري التيما 2006 6سلندر فول كامل

بس ماقدرت لاني من جد حبيت السياره

الموضوع اني اعرف ثلاث معهم اكوردات

وكلهم مكيفاتهم ثلوووووووووووووووووووووووووووووووووووووووووووووج ثلوووووووووووووووووووووج

ماشاااااااااااااء الله

والبريك قوي مره

لاكن السيفيك مكيفها زفت الى اعلى درجه

والله اني في الظهر انشوي داخل السياره من الحر صحيح هو يبرد بس يمكن بعد اكثر من 20 دقيقه

ومايبرد مثل الاكورد

والبريك حلو بس هم ماهو مثل الاكورد

الزبده ابي حل لهذي المشكلتين وياريت تركزون لي على التكييف

هل اقدر اركب كمبرسر حق الاكورد او ايش اسوي بالظبط علشان يصير باارد

مع ان السياره جديده ومامشت الى 6 الاف <<< وموديلها 2007

ولاحد يقولي ودها الوكاله لاني عارف ان هذا مستوى تكييف السيفيك

لاني كثييير اسمع شكاوي على مكيف السيفيك

**massari** · 20-08-2007, 03:48 AM

تتوقعون شباب من الكهرباء المشكله

لاني مركب كشافات وزينون وسستم صوووت كامل

ولمبات نيون في اللوحه الخلفيه

**al3ood** · 20-08-2007, 05:42 AM

لا اخوي انا اعارضك لانك سئت سمعت السيفك في العكس المكيف مافيه شي المكيف تمام التمام يبرد بس في ظهر معرووف اي سياره ماتبرد في ظهر عدل الا بعد مرور 10 دقايق بسب قوة الحراره انت يوم بتشغل مكيف في ظهر افتح الدرايش عسب تطلع الحراره ويحل مكانه البروده

**accord 06** · 20-08-2007, 02:48 PM

و عليكم السلام

و الله مدري هو صحيح عندك مشكله و لا طبيعي

لانه كل السيارات تحتاج وقت عشان يبرد المكيف خصوصا بوقت الظهريه

لان مجاري الهواء تكون حاره فتحتاج وقت الين تبرد

عموما ما انصحك تتهور و تبدل الكمبرسور

بس حاول توقف سيارتك بالظل

و ظلل تظليل عازل و لو تحط شماسه على الطبلون يكون احسن

و بالتوفيق

**CR-V** · 20-08-2007, 06:30 PM

تأكد من الفريون أو الفيوزات أولاً! ربما تكون أسخف الأسباب!

**sea_storm** · 20-08-2007, 06:54 PM

ياخي شي طبيعي بهالجوو الحلو اللي عندنا مايبرد المكيف إلا بعد 10 دقايق ع الاقل

نصيحة .. شغل السيارة افتح النوافذ كلها دقيقة وحدة بس وبعدين طق الاوتووو .. وراح تصير ثلللللج

انا معاي سيفيك 2006 فل اوبشن يعني جلد .. وماشية 30 الف ومكيفها مثل الثلج ماشالله عليه ..

شي طبيعي لاتقعد توسوس ع شي طبيعي من جونا الحلــــــــــووو

**اتــشـــــ** · 20-08-2007, 07:06 PM

اذا الهوايه مفتوحه عندك قفلها عشان لايدخل عليك الهواء الحار ودخان السيارت

وحاول كل ما وقفت موترك بالشمس تنسم شوي من الدرايش .

**الاخطبوط** · 20-08-2007, 07:57 PM

والله مع الحرارة اللي شفناها كل السيارات يبيلها وقت

حتى بالبيت يبيلك تشغل المكيف قبل يومين عشان تحس بالبروده ومن زين التبريد عاد :p

التلفزيون والمكيف كلهم واحد يطلعون صوت بدون تبريد

انطبخنا

**يامطنش** · 20-08-2007, 08:05 PM

يا خي والله عادي مع الحر ذا انت تحترق ولو وقفت خمس دقايق فما بالك سياره توقف النهار كله في الشمس زين ما تذوب السياره وقفها بظل وظلل وشوف الفر

**massari** · 21-08-2007, 03:41 PM

من جد والله حراره ماترحم

امس واحد من الشباب حط شماسه الصباح

يوم ركب سيارته العصر حصلها متخرمه من الشمس خخخخخخخ

خلاص يعني اركب عازل في كول

وانسم الدرايش اول ماركب السياره دقيقه

بس انا الي كنت اقصده ان مكييف الاكورد تبريد\ه اقوى باكثيييييييييير من السيفيك

**Black Arrow** · 21-08-2007, 04:29 PM

1- البريكات: لا تقارن حقت السيفيك بالأكورد لأنه السيفيك يجيك البريكات الخلفية ديسكات والسيفيك تجي طبلة والديسكات اقوى وأفضل من الطبلة.

2- المكيف: انت موسوس وبقوة بعد

مكيف السيارة مافيه شي وانا سيارتي 2006 وماشي الحين 75 الف وحاجة ولا قالي المكيف أح

.

تتوقعون شباب من الكهرباء المشكله

لاني مركب كشافات وزينون وسستم صوووت كامل

ولمبات نيون في اللوحه الخلفيه

اكيد بتصير عندك مشكلة انا عندي السيارة احس انها تفلت كهرباء وهذا بدون زينون ولا الخبصة اللي انت حاطها واضطريت اركب منظم كهرباء وضبطت الامور >>> بس احس رجعت زي اول الحين ما ادري ليه يمكن انني موسوس :(

**Daniel alves** · 21-08-2007, 05:10 PM

أخوي لا تنسى ان الجو عندنا زفت

لكن نصيحتي لك ركب تظليل عازل في كووول

و هذا اللي انصحك فيه

**massari** · 22-08-2007, 02:44 AM

المشاركة الأصلية كتبت بواسطة Black Arrow

1- البريكات: لا تقارن حقت السيفيك بالأكورد لأنه السيفيك يجيك البريكات الخلفية ديسكات والسيفيك تجي طبلة والديسكات اقوى وأفضل من الطبلة.

2- المكيف: انت موسوس وبقوة بعد

مكيف السيارة مافيه شي وانا سيارتي 2006 وماشي الحين 75 الف وحاجة ولا قالي المكيف أح

.

اكيد بتصير عندك مشكلة انا عندي السيارة احس انها تفلت كهرباء وهذا بدون زينون ولا الخبصة اللي انت حاطها واضطريت اركب منظم كهرباء وضبطت الامور >>> بس احس رجعت زي اول الحين ما ادري ليه يمكن انني موسوس :(

الحين منو الي تجي طبله ومنو الي تجي ديسكات مافهمتك

وخلاص مثل ماقلت لك باركب عازل وان شاء الله يطلع الموضع تمام

ومن جد يبيلي منظم كهرباء وبقوووووه لاني باركب في العالي زينون خخخخخخخخخخخخ