**فـــصــل طــبـــلــون الــســيــســي**

**هنادي 2005** · 17-10-2007, 11:01 PM

السلام عليكم وكل عام وانتم 1000خيرررر <<< بعد الزحمه

حبيت اطرح هل الموضوع لاني الصراحه تعبت وانا ادور عليه بهل المنتدى ولكن دون جدوي

حبيت اخذ الخبره منكم لكي استفيد ويستفدون الشباب من الموضوع
ما نطول عليكم.
سلمكم الله كلن عارف الواحد اذا جا حول 120 بدا صوت الجرس يرن وخصيصن اذا كان معه احد يعني ناس شياب يقعد يقلقه لا تسرع هد وشوله طايرر ...الخ:(

عاد نبي طريقه كيف تفصل فيها طبلون السياره

يعني اذا كان خابرين محل شغله مضبوط

واذا فصلنا الطبلون هل الطبلونات الباقيه تنفصل مثل (البانزين والضغط والحراره)

اذا كان احد عنده تجربه ياليت يطلعنا عليها ..........واسفين علي الاطاله

777777
7 7 7
7 7
7
(قريبن التوقيع)

**يامطنش** · 17-10-2007, 11:26 PM

اخوي الموضوع ذا بي ييدك انشالله

http://www.hondaarabia.com/club/thre...html<<<<<<اظغط هنا

**هنادي 2005** · 18-10-2007, 12:09 AM

المشاركة الأصلية كتبت بواسطة يامطنش

اخوي الموضوع ذا بي ييدك انشالله

http://www.hondaarabia.com/club/thre...html<<<<<<اظغط هنا

مشكووووووووووور مطنش علي ردك الاول وياطيك العافيه

دخلت الرابط الي حاطه: السالفه فيها فك طبلون واسلاك واقطع وخل وصمخ <<

عز الله جبت العيد

الي ابيه بس اني افصل الطبلون يعني بحيث ان الناس ما يشوفن كم امشي يصير الطبلون ما يتحرك (( 0 ));)

هذا كل الي ابيه اما لو سوينا الطريقه الي هناك ما استفدنا شئ راح يشوفون السرعه

يعني اذا كان خابرين محل بالرياض جزاكم الله خيرررررررررررررررررررررررررررررر

ومشكورر مرره ثانيه علي استجابتك لنا

**يامطنش** · 18-10-2007, 12:15 AM

فيه طريقه لن اغلب الهوندا يجي حساس في القير حق السرعه ودها ورشه مختصه
حق هوندا اكيد يعرفون بصناعيه القديمه شارع ورش هوندا مرهم وبتلاقي الحل هناك

**هنادي 2005** · 18-10-2007, 12:31 AM

انشالله وهذا الي يبي يصيررررر

بس انا قلت يمكن الاخوان الي بالمنتدى امسوين هل الحركه

ومشكورر علي مرووك عزيزي

**يامطنش** · 18-10-2007, 12:37 AM

ما سويت شي واجبي

**فهد الشمري** · 18-10-2007, 12:38 AM

بس اضن مستحيل تحصل احد يفصله لانه سمعت انه كمبيوتر
ويمكن اذا فصلت الفيش الي بالقير يمكن ما يعشق الموتر معك

**هنادي 2005** · 18-10-2007, 01:00 AM

المشاركة الأصلية كتبت بواسطة فهد الشمري

بس اضن مستحيل تحصل احد يفصله لانه سمعت انه كمبيوتر
ويمكن اذا فصلت الفيش الي بالقير يمكن ما يعشق الموتر معك

ياطيك العافيه علي مرورك
والله يا فهد علمي علمك بس اخوي اول كان معه كامري وفصل الطبلون
قلت خلونا نجربها علي الهنادي ;)

اما قصة القير ما عندي اي خلفيه عنها

**يامطنش** · 18-10-2007, 01:09 AM

لا الي في القير حساس بس ماله دخل يعني له فيش افصل الفيش وخلاص طبعن انا سيارتي قديمه وما تثر وكل الهوندات زي بعض مافيه فرق كبير

**The Stig** · 18-10-2007, 01:14 AM

لا لا لالالالالا

فصل الطبلون او عداد السرعه يؤدي الى وقوف القير كاحتياط للسلامه ,,,

وهذي السالفه صارت لي !!!!

**هنادي 2005** · 18-10-2007, 01:19 AM

المشاركة الأصلية كتبت بواسطة عاشق هوندا اكورد

لا لا لالالالالا

فصل الطبلون او عداد السرعه يؤدي الى وقوف القير كاحتياط للسلامه ,,,

وهذي السالفه صارت لي !!!!

عاشق بس ياليت تقولنا وش سويت بالضبط اخاف فصلت سلك من عند الطبلون

انا سمعت يقولون ان فيه فيش من جوا الكبوت تفصله وينتهي الموضوع مدري هل انت سويتا مثل كذا

**فهد الشمري** · 18-10-2007, 02:42 AM

واحد استاجر هونداء 2007 ويبي يفصل ما قدر راح للرياض ورجعو الكيلو لها

**الهادف** · 18-10-2007, 03:55 AM

فيه حل اخوي ..

تقدر تفصل الطبلون ولكن بتطفيه كامل خير شر .. ببين كله سواد الطبلون ..
ما بتعرف السرعة ولا الضغط ولا بتعرف مقدر الحرارة او مقدار البنزين وكذلك ما بتعرف اذا فيه لمبة ولعت لا غيرها .. بتخسر كل دي المميزات مقابل انك ما تسمع جرس تجاوز الـ 120 ..

اقتباس:
المشاركة الأصلية بواسطة عاشق هوندا اكورد

لا لا لالالالالا

فصل الطبلون او عداد السرعه يؤدي الى وقوف القير كاحتياط للسلامه ,,,

وهذي السالفه صارت لي !!!!

اخ عاشق هوندا اكورد ..
انا سبق وفصلت الطبلون وظليت يوم كامل اتمشى به ولا تعطل لا قير ولا هم يحزنون !!

**هنادي 2005** · 19-10-2007, 01:38 AM

الهادف يسلمووووو علي ردك ومعلومتك

بس عندي سؤال ابي اعرف اي سلك فصلتاه عشان الطبلون انعما ؟

لاني اليوم رحت محل عند بيتنا وقل ابفصله لك قلت اخاف تفصله يطفي الطبلون ويطلع اسود مثل الهادف قال لا ما عليك

عاد ودي اعرف وش سويتا بموترك ووين فصلتا السلك من اي اتجاه بالسياره

**الهادف** · 19-10-2007, 03:41 PM

المشاركة الأصلية كتبت بواسطة هنادي 2005

الهادف يسلمووووو علي ردك ومعلومتك

بس عندي سؤال ابي اعرف اي سلك فصلتاه عشان الطبلون انعما ؟

لاني اليوم رحت محل عند بيتنا وقل ابفصله لك قلت اخاف تفصله يطفي الطبلون ويطلع اسود مثل الهادف قال لا ما عليك

عاد ودي اعرف وش سويتا بموترك ووين فصلتا السلك من اي اتجاه بالسياره

خلف الطبلون في فيش كبير في اكثر من سلك .. هذا الا فكيته ..
تحتاج تفك الطبلون حق توصله ..

**The Stig** · 19-10-2007, 04:15 PM

اخ عاشق هوندا اكورد ..
انا سبق وفصلت الطبلون وظليت يوم كامل اتمشى به ولا تعطل لا قير ولا هم يحزنون !!

لا ياغلا مو قصدي كده :d ,,,

انا مره طفا عندي الطبلون لوحده وعلق القيه فتوقعت السالفه متعلقه مع بعضها ,, لكن السالفه كانت بسبب فيوز بس !!!

**يامطنش** · 20-10-2007, 01:34 AM

انا اتكلم عن الحساس الموجود بي القير انا افصل سيارتي منه وعادي له فيش افصله وخلاص
واذا ابيه ارجعه من الحساس بس فيشه افك
يعن السلك الطالع لي الطبلون من الحساس مو الحساس نفسه
اتمنا وضحت الفكره

**هنادي 2005** · 20-10-2007, 12:33 PM

يا جماعه انا من قبل امس وانا ادور ادور محل ابي أسأله وكل محل اخشه يقول
أس كلام انا مافيه معلوم كلام أنتا << ابو هنود:d

المهم وما نطول عليكم رحت لواحد قلت ابيك تفصله لي قال اقدر افصله بس راح تقعد بدون مكيف:(<< فكرت افصله في الشتاء:d

طبعن يقول راح افصل سلك من تحت التركسون يعني الي قدام ركبتك

قلت لا ما فيه حل غيره قال والله شف دور في هل المحلات هذا الي اعرفه

قلت خلونا ندور هل اليومين ونسأل بس حبيت اعلمكم وحطكم في الصور

وانشالله اي جديد راح اقوله لكم

**ابو مبارك** · 23-10-2007, 03:47 AM

الحقيقه اني كرهت موتري بسبب هذي الحركه لان الاوتوماتك صعبه فصلتها وللكن اذا عرفت تكفى لا تخلينا الله يسقي ايام الالتيما كنت افصلها بدون مشاكل لاكن الاكورد العادي تنفصل بدون مشاكل ياليت اشتريت قير عادي كان ابرك متى ما بغيت افصلها افصلها

**ـبطرانـ2005ــ** · 23-10-2007, 10:47 AM

هههههههههههههههههههههههههههههههههههههههههههههههههه ههههههههه

ابو مبارك هد اعصابك وراك مسرع هدا ارفق<<<<<الشايب الي معك

فهد الشمري
ابي الطريقه حقه ترجيع الطبلوووووون 2005 ماشي 192.000
الله قههههههههههههههههههههههههههههههههر

**كورد** · 23-10-2007, 11:58 AM

أنا كنت أبي عادي بالوكاله بس ما حصلت ولا نفسي بقير عايدي والله أنه أفضل

هاه أحد حصل الطريقه

أنا اللي أعرفه فيه فيوز بس يفصل عليك المكيف والطبلون كامل ولما تحط السياره في البارك ما عاد يرجع

واذا فصلته من الكبوت من عند المكينه ما عاد يعشق النمره الأخيره على ما أعتقد

بس عندي سؤال لو نفك الطبلون ونفصل السلك اللي عند العداد بالزبط وش اللي يصير

**ابو مبارك** · 23-10-2007, 02:05 PM

المشاركة الأصلية كتبت بواسطة كورد

أنا كنت أبي عادي بالوكاله بس ما حصلت ولا نفسي بقير عايدي والله أنه أفضل

هاه أحد حصل الطريقه

أنا اللي أعرفه فيه فيوز بس يفصل عليك المكيف والطبلون كامل ولما تحط السياره في البارك ما عاد يرجع

واذا فصلته من الكبوت من عند المكينه ما عاد يعشق النمره الأخيره على ما أعتقد

بس عندي سؤال لو نفك الطبلون ونفصل السلك اللي عند العداد بالزبط وش اللي يصير

اممممممممممممممممممممممممممممم

هذا الي حاولت اسويه وفرطت العداد حته حته لاكن مافيه امل ولا حتى هدى :(

**هنادي 2005** · 26-10-2007, 09:50 PM

يا جــمــاعه جبتلكم الحل
اهو مو حل لموضوعنا بس طلعنا بفايده
سلمكم الله قبل امس مترتها لعند ****************** وخشيت عليه وقلتله السالفه اني ابي ابفصل الطبلون ...الخ

قال والله ما اقدر اخدمك في هاذي لو ان سيارتك عادي كان ابشر بس تماتيك صعب قال اخبرلك واحد بالصناعية ****** يقدر يفصل لك سلك

المهم ما نطول عليكم قال عندي حل قلت وشو قال اقدر اخلي العداد حقك اصفااااار

قلت من جدك قال ايه اخليه كله 000000000 قلت وينك من زمان عنا

والحمد الله الحين سيارتي كأني امطلعها من الوكاله :d

وبهذا قد انجزنا مهمتنا
وسامحونا اذا تأخرنا عليكم

-
ذلك يعتبر تلاعباً بمواصفات السيارة

**فهد الشمري** · 27-10-2007, 05:25 AM

بطران اسف علىتاخر الرد عليك

راح تحس بان العداد مرجع لانك اذا وصلت الى سرعة 140 يرجع من حاله الى 120 وبعدين يكمل هذا المشكله

ومن نحية موقعه بالرياض بسأل خويي وعسى يجيب رقمه او وصفه بس هو مشهو بالرياض بترجيع العداد

الأخ فهد الشمري .. ذلك يعتبر تلاعباً في مواصفات السيارة بالنسبة للمشتري في حال البيع ومنتدانا ليس مسؤول عن تلك التلاعبات .. حفاظاً على ضميرك وماء وجهك يرجى التكتم عن تلك الطريقة إن وجدت
تحياتي : الهادف

**كورد** · 27-10-2007, 07:54 AM

ألحين أخوي هنادي 2005 وين مكان الرجال ما قلت لنا عنه

الموضوع: فـــصــل طــبـــلــون الــســيــســي

أدوات الموضوع

عرض