السلام عليكم ورحمة الله وبركاته ياشباب احب اعرفكم بنفسي انا ناصر الناصر من الشرقية طبعاً انا عضو جديد في المنتدى طبعاً انا قبل يومين شريت لي سيفيك موديل 2007 نص فل شريتها مستعملة من المعارض في الدمام الموتر ماشي 245000 ألف فحصت الموتر عند الجزيرة فحص كمبيوتر طلع عندي ربلات عكوس يمين ويسار وترصيص كفرات عندي كم أستفسار وياليت تساعدوني ياشباب لأني مامرة امتلكت سيارة هوندا
زيت القير مع الفلتر مغير مرة وحدة بس عند الـ80000 كم فا ماادري القير ماتأثر وكم يكلف زيت القير مع الفلتر وش أفضل ورشة تغير الفلتر
سير التايمر ماتغير ابد من شراها وكالة إلى يومنا هذا كم قيمة السير مع التركيب
نفس الشي البواجي ماتغيرت من الوكالة هم بعد كم تكلف مع التركيب انا اليوم سمتهم بس ما ادري هو راعي المحل غلطان ولا هذا سعرهم قالي مع الخصم 297 ريال انا انصدمت بصراحة لأني متعود على الميتسوبيشي اخذهم بـ80 ريال من الوكالة واتمنى تردون على أستفساراتي الله يجزاكم خير ياشباب