أكثر شيء يستهلك الفحمات والهوبات، قبل 2010 كان الفحمات تمشي معي 50 ألف كلم والهوبات 100 ألف وفوق بس الحين الفحمات يا دوب تكمل 20 ألف والأصوات تبدأ من الـ10 آلاف والهوبات ما تدوم كثير زي أول (أتوقع الفحمات تعجل هلاكها).

المكيف يتأثر كثيراً بالغبار المتراكم على المكينة فيحبذ إبقاء المكينة نظيفة ما أمكن وما يضر تسوي غسيل لها كل 6 شهور عشان لا تخرب قطع المكيف... أنا ما أبغى أتبلى على الوكالة بس المكيف خرب عندي مرتين مباشرة بعد عمل خدمة تنظيف المكيف عندهم، المرة الأولى بدأ المكيف يفصل عندما تكون السيارة واقفة وبدأ حدوث هذا الشيء بعد يوم من الصيانة، في النهاية طلعت سالفة كويلات وبعد كلتش مروحة المكيف لأني حقرت السالفة لفترة، في المرة الثانية (بعد عام ونصف عن الحادثة الأولى) ضربت علي ثلاجة المكيف بعد أيام من عمل الصيانة والتي تضمنت خدمة تنظيف المكيف... ما أدري يمكن صدف أو لا، الله أعلم.

الشداد غيروه لي الوكالة على الضمان على ما أذكر، الكراسي غيرتها كلها على مر السنين بس الشوارع منهالكة جداً ومليئة بالحفر والمطبات فكان هذا من المتوقع.

الوكالة ما عندهم قطع هاليومين، اليوم الصباح رايح آخذ فلتر هواء وما عندهم إلا 8 حبات وعلى كلام موظف قطع الغيار في قطع كثيرة محتشدة في الميناء حالياً.