الموضوع: مساعدتكم تكفووووووون سويت حادث

السلام عليكم ورحمة الله وبركاته

قبل ماأبدأ وأخرشكم
حبيت أقولكم كل عام وانتم بخير
علشان رمضان وكذا يعني :o


باأدخل في موضوعي السالفة طول الله أعماركم إني كنت في صباح مشرق ولطيف وحر وزي كذا بس وأنا ماشي اللي قدامي قبع اللي قدامه فأنا المفروض أتبع التسلسل وأقبعه من ورا :d
بس بما إن أخوكم ذيبان حرفتها يمين بقوة وركبت رصيف جداً عالي وأنا ماشي 120 وشي طبيعي إن الكقرة تروح والقيمر ينقبع ويرجع ورا وبعدها صقيت صبه والحمدلله جت سلامات لأني بعد توفيق الله كنت رابط الحزام اللي إنخلع من مكانه
وعلشان تكونون بالصورة البدي ماجاه فيه أي شي ألا عفطه بالصدام اللي تأثر بشكل كبير بطن السيارة علشان الرصيف:(
وخلو هذ كلها تهون المشكلة طلع علي الأيرباك وتوقعته شي بسيط :d
لكن يوم وديتها الورشة علشان أصلح الأيرباك فاجأوني الوكالة بسعر خاقوقي
واللي هو عشرة ألاف ريال
فقلت للورشة غطوا البالونات مايحتاج تصليح فقالولي أوكي بنغطيه بس فيه شيئين:-
1-الحزام ماراح يربط مرة ثانية ألا بالكمبيوتر حق الأيرباق وإذا تبلي نرجعه لك مرة ثانية عادي بدون كمبيوتر بيكون منظر بس عند نقاط التفتيش وماراح يمسك مرة ثانية وإذا جبت المبيوترات بالحاله بنصلح الأحزمه بدون البالونات.......والمشكلة الكمبيوتر غالي
2-لازم غطا دركتسون (طبلون) الي شقه الأيرباق ومالقيته في أي مكان لقيت بس حق الأكورد
أو إنا نسويه فايبر كلاس بس بيتشقق بعد شهرين.

فبغيت أخذ رأيكم في الموضوع علماً إن سيارتي سيفيك 2007
وأسف على الإطالة والبربرة الزايدة واللي ماكانت إلا علشان تكونون في الصورة
ومتأمل فيكم خير لأن واحد من أخوياي وصاني عليكم
في إنتظار حلولكم وخبرتكم

مالك الا محمد الروسان بيوفرها لك بسعر افضل من التشليح ومضمون

وين ألقى محمد الروسان ذا عطني الموقع

لايوجد تصليح افضل من تصليح الوكالة مع انها ممكن تكون غالية لاكن اذا سيارتك غالية عليك لاتصلح برى الوكالة , لان سالفة الايرباقات والكمبيوتر ماحد يفهم فيها الا الوكالة وصبغ و السمكرة برضوى يرجعونها وكالة زي مايقولون . . وارجع اقولك حاول تصلحها بوكالتها افضل لك وراح تشكرني

الحمد لله على السلامة ,,,
بالنسبة للايرباقات تقدر تشريها من ebay بسعر رخيييص جدا , طبعا اصليه .
هذا ايرباق السائق : وسعره (205 $ - 780 ريال)
http://www.ebay.com/itm/2007-Honda-C...ht_3972wt_1002

وهذا ايرباق الراكب : (300 $ - 1140 ريال) << غالي شوي لكن رحمة مع اللي عندنا
http://www.ebay.com/itm/06-07-08-09-...#ht_1002wt_910

ملاحظة :
1- قبل الشراء تأكد من الناقل(اراميكس,فيديكس ...الخ) انهم يقدروا يشحنونها لك , لانها ممكن تندرج تحت قائمة المواد المتفجرة .

يعطيك العافية أخوي سيفيكير عل المجهود الأكثر من رائع
ولكني أستغرب إنها في الموقع بألفين ريال والوكالة بعشرة ألاف وخمس وعلى فكرة هذ يابني ولا أمريكي لأن السيفيك المواصفات اليابانية تختلف عن المواصفات الأمريكية وأنا حقتي مواصفات يابانية (سعودية)
عموماً أنا مشكلتي مو مع الأيرباق مشكلتي مع الأحزمة أبغى الكمبيوتر حقه بس والأحزمة جديدة
إذا لقيت لاهنت
وبالنسبة لأخوي هاجر الوكالة فوق قدرتي ولا أقدر أصلحها وكالة أنت تدري إن هوندا تضرب والسيارة يبيلها تصليح كثير ويعطيك ألف عافية عالمشاركة
اما أخوي مبارك عبدالله يعطيك العافية عالسحبة يبيني أدور في كل الرياض عن محل الروسانهذ إذا ماطلع في جدة بعد:d
عموما بيض الله وجيهكم كلكم وباقي أنتظر ردودكم لاهنتم

تحياتي للجميع والحمدللة ع السلامة وماتشوف شر ولك رسالة ع الخاص

يعطيك العافيه ،،،
بالنسبة انها تركب او لا ، تقدر تسأل البائع هو راح يقول لك .
وانا اشتريت أشياء كثيرة لسيارتي" سيفيك 2009 " , مثل ( جناح خلفي ، سماعات خلفية "بما ان السياحي ما فيها سماعات خلفية " ، كشافات ضباب ، كرسي قير ، فلتر بنزين ...الخ) طبعا جميعها OEM يعني أصلية .
وبالنسبة للكمبيوتر الايرباق ، تفضل :
http://www.ebay.com/itm/07-08-HONDA-...#ht_5096wt_710

حزام للراكب "جديد" :
http://www.ebay.com/itm/SEAT-BELT-AS...r#ht_500wt_689

واعذرني ، ما حصلت لك حزام للسائق ( بس تقدر تبحث عنه ، ان شاء الله تحصل ، لأني أنا رديت لك على السريع )
وشكرا

ملاحظة :
تأكد من الناقل اذا كان وشحنها او لا .
انا غير مسؤول عن اي خلل في المنتج ، او عدم توافقه مع سيارتك .