الموضوع: ورشة الجنوب شارع المنتزه (بلقيس) ام شارع الاربعين (العنوز) ؟

السلام عليكم

عندى سيفيك موديل 2009 وبقالى فترة بعانى من رعشة فى العربية ككل ورجة فى الصباح والسيارة باردة واصوات لما بحط السيارة على r والسيارة كلها بتترج المهم ، حاولت اعرف المشكلة مننين لقيت كرسى المكينة اليمين العامود الاسمر اللى فوق متثبت عليه لقيته بيتحرك ففى الغالب شكلها مشكلة السيفيك الازلية كرسى المكينة ، رحت للوكالة علشان اقدر احدد المشكلة بالظبط وسألت على سعر الكرسى لقيته ب 731 ريال !! وعلشان اركبه اجور اليد 200 ريال !! يعنى اركب الكرسى يطلع عليا ب 931 ريال !!

وطبعا لحسن حظى السيارة بقت خارج الضمان من حوالى شهرين بالظبط :(

المهم قالى مهندس الصيانة هيعملوا تشييك ميكانيكا هيكلف 240 ريال وفى حالة لو هصلح هدفع 931 ومش هحاسب على تمن الفحص أما فى حالة عدم التصليح هدفع 240 ريال تمن الفحص

قلتله لا كنسل وخدت بعضى طبعا ومشيت :d

المهم حاولت ادور على ورش صيانة كويسة متخصصة فى الهوندا لقيت اغلب الناس بترشح ورشة الجنوب فى الصناعية القديمة ، وورشة 19و 20 فى صناعية ام الحمام

لكن اغلب الترشيحات لورشة الجنوب ، المهم قعدت ادور شوية لقيت انه ليهم فرعين فى الصناعية القديمة واحد فى شارع المنتزه (اللى هو بلقيس ودخت على ما عرفت اسم الشارع الحقيقى) والتانى فى شارع الاربعين ( العنوز وده كان امره هين شوية )


فا ياريت من اللى اتعامل معاهم اى واحده منهم افضل ؟ من ناحية العمالة والجودة والامانة ؟ لانه بصراحة خايف من الناس اللى بتقعد تفتى فى العربية وفيها وفيها وفى النهاية يطلع الموضوع من حاجة تانية خالص لانه اسعار الوكالة نار بصراحة وفى النهاية كلهم بشر.


دمتم بود

السلام عليكم