الموضوع: أفضل كفرات لل civic 2009 بعد بريدجستون

السلام عليكم شباب كيف حالكم إن شاء الله بخير


طبعا الموضوع ده اتفتح اكتر من مرة فى المنتدى وانا بعد بحث فى المنتدى وعلى جوجل وصلت للنهاية انى اركب bridgestone potenza adrenalin لانه ما شاء الله الكلام عنه انه ممتاز جدا وثابت على الطريق رغم انه رياضى فى ناس بتشكر كمان فيه من ناحية الهدوء لكن للاسف رحت الوكالة ومكنش موجود وتقريبا شكله ما بقاش ينزل عندهم ، فا سألت الشخص هناك قالى ممكن تركب Turanza GR90 اذا انت مش حابب تركب تبع الوكالة ER30 لانه بصراحة رغم انه صامد حتى الآن لاكتر من سنتين بس للاسف مش مرتاح للكفر على الخط غير انه مزعج

السؤال الاول فيه مكان كويس اقدر الاقى فيه ال Potenza لانه نزلت شارع الضباب نفس القصة مش موجود potenza ؟

أما عن ال Turanza سالت مرتين فى الوكالة واحد قالى احتمال ال turanza GR90 يجى بعد اسبوع او 10 ايام وواحد تانى قالى بعد شهر !! فا مش عارف اصدق مين وانا عندى الكفرات معدومة وفيهم واحد بنشر فعليا والباقيين بيشاورا عقلهم فا فى اى لحظة مستنى انهم يحصلوا اخوهم

السؤال التانى ، ولنفترض مقدرتش احصل البريدجستون ايه رأيكم فى فى Michelin Primacy HP ؟ أو ايه افضل كفر عموما للسيفيك يكون فيه ميزة الثبات + الهدوء النسبى ؟

انا الميزانية بتاعتى فى حدود 500 للكفر الواحد ممكن تزيد حاجة بسيطة لو الكفر يستاهل