صور وتقرير تجمع الرياض (الاربعاء)

**دحوم** · 02-09-2006, 06:44 PM

السلام عليكم ورحمة الله وبركاته كيف حال الشباب مبسوطين على طول إن شاء الله اكيد كلكم بانتظار صور التجمع مثل ماانا بانتظار الردود منكم بصراحة كان التجمع امس قمة في المتعة والفلة وماتوقعت ان راح يكون كذا صحيح ان العدد ماكان اللي انا اطمح فيه كان بودي يكون العدد اقل شيء 10 لكن الحمد لله اهم شيء شفنا ناس جايه وبشغف كيف كان التجمع طبعا ان من حماسي الزايد طلعت من البيت الساعة 8م خصوصا ان البيت فاضي والأهل مسافرين وكان التجمع في بالي من يوم كنت في الشغل وانا ادور كيف راح يكون التجمع وكم راح يكون العدد وكذا ومن ذا الأسئلة اللي تردد على اي واحد مهمتم من جد في كيفية إنجاح اول تجمع لنادي محبي هوندا في العاصمة الرياض طبعا صارت اتصالات قليلة لأن المكان كان واضح جدا خصوصا اني مطلع الموقع عن طريق برنامج GOOGLE EARTH والحمد لله انني وفقت في هذا التجمع واللي كان شاغلي بالي وبصراحة اهتميت فيه كثير وتمنيت ان باقي الاعضاء خصوصا اللي من الرياض والمراسل ACCORD 4EVER والمشرف اتش وهوندا وكل بإسمه لحد يزعل لكن الغايب حجته معه وان شاء الله نعوضها بتجمع آخر لكن بغيت اشوف كيف النتيجة والحمدالله كانت النتيجة مقنعة ومشجعة اننا نسوي تجمع آخر بإذن الله لكن بعد فترة وش تبون اكثر من كذا بدا التجمع من الساعة 9،30م وانتهاء بمغادرتنا انا ون ك د الساعة 12،30م تماماً طبعاً الحضور من اول ناس إلى آخر ناس هم :

1- ستينق طبعا كانت اكورده مصدومة فجانا بهايلكس .
2- دحوم اللي اهو انا ههههههههههههههه بأكورد 2006 فل كامل 4 سلندر لؤلؤي.
3- لورد الاكورد مع ثلاث شباب بس للأسف بدون الاكورد بتاعه يقول انها فيها حكه في الوجه .
3- BLACK.H.V6 باكورد المميزة في اللقاء باللون الأسود وبعض الإكسسورات الداخلية وراح تشوفون ان شاء الله صور كثير لها وهي 2004 فل كامل 6 سلندر اسود .
4- الاخطبوط بأكورد موديل 2006 فل كامل لؤلؤي 4 سلندر بزينون وكشافات .
5- ن ك د باكورد 2005 فل كامل لؤلؤي بزينون فيليبس عالي وواطي وشيء خاص .
6- العضو الجديد (اكورد2005) وبصراحة اعجبني حضوره لأنه توه جديد وماشاء الله تجرأ وحضر مع مجموعة من الشباب عددهم ثلاثة .

يعني الأعضاء (8) هم :
دحوم , ستنيق , لورد الأكورد , BLACK H V6 , ابو عابد , اكورد2005 , ن ك د , الاخطبوط .
مجموع الشباب مع زملاء لورد الاكورد واكورد2005 :12 شاب .
السيارات :
6 اكورد وهايلكس .
5 اكورد لؤلؤي .
ا اكورد اسود .
3 اكورد 2005 , واكورد2004 , و2 اكورد 2006 .

طبعا الموقع مقابل مقهى BLACK HOUSE بالضبط .

الآن اترككم مع الصور من اول الحضور إلى أخرهم وبالتفصيل :

كانت الورقة هكذا قبل مغادرتي المنزل :

سيارة دحوم وblack h v6 والاخطبوط :

هايلكس والد ستينق :

السيارات اصبحت 4 سيارات بعد ماشرف BLACK V6 H يأخي غير اسمك مشوار :

السيارات اصبحت خمسة ولسى ن ك د ماشرف سعادته:

صور اكوردات الاخطبوط وصديق لورد الاكورد وصديق اكورد2005 و ن ك د بعد ماشرف الساعة 10 ونص هذا اللي بيجي 8ونص لا وحامل معاه مصيبة:

زادور الاكوردات وصار العدد مع الهايلوكس 7 سيارات :

صورة اخرى لسيارتي انا وBLACK .H .V6

من داخل سيارة اخونا BLACK . H . V6 قولوا ماشاء الله :

اولاً : المسجل لو تلاحظون على نفس مكان الدرج :

ثانياً : التليفون :

ثالثاً : شاشة التليفون على اليسار فوق :

رابعاً : الشيء اللي اذهلني واذهل الجميع السيستم الخلفي في الشنطة :

وهذ صورة اخرى للسيستم :

طبعاً الرجال مخربها فاك اللوحة يحقلك ياسيدي V6 :

وهذي صورة للجنوط :

من قدك يا BLACK .H.V6 اكثر الصور عن سيارتك .

**دحوم** · 02-09-2006, 06:56 PM

طبعا اول المغادرين ستينق بالهايلوكس بعد كذا اصبح جميع المتواجدين اكوردات صور ;) من جميع الجهات :

زين اكوردك يا ن ك د :

طبعا في آخر التجمع غادرت اربع سيارات وبقي ثلاث دحوم و ن ك د ولورد الاكورد واصدقاءه صور :

اصبحت الورقة هكذا بعد امتلاءها بالاعضاء والشباب والله يحييكم ::d :d

**دحوم** · 02-09-2006, 07:09 PM

اما بالنسبة لمقطع الفيديو فأرجوا المعذرة لان المقطع ليس واضح جدا جدا بسبب المكان كان شوي فيه ظلام . وإن شاء الله صور تكون نالت على رضاكم وتكون عبرت عن جو التجمع .

أخيراً اشكر جميع من حضر من الأعضاء :

اشكر ن ك د لأنه سحب على ارامكوا وجاء لعيون التجمع .
اشكر لورد الاكورد لحضوره من جدة هو واصدقاءه .
اشكر Black H V6 واقول مبروك الولد ويتربا في عزك .
اشكر اكورد 2005 على حضوره هو واصدقائه .
اشكر الاخطبوط على حضوره رغم ارتباطه بزواج .
اشكر ستينق لحضوره رغم ان الاكورد ليست موجوده معه .

وكان بودي يكون التجمع اكبر من كذا لكن الحمد لله على كل حال وبيضتوها ياشباب وماقصرتوا وإن شاء الله التجمع المستقبلي يكون اكبر من كذا .

(واخيرا ارجوا من الإدارة تثبيت الموضوع لكي نحمس الاعضاء القدوم لتجمعات اخرى) .

وسامحونا على القصور والتأخير في تنزيل الموضوع بسبب ظروف .

والسلام عليكم ورحمة الله وبركاته تحياتي ,,,

مراسلكم في منطقة الرياض : دحـــــــــــوم ,,,

**أبان الطباع** · 02-09-2006, 07:15 PM

ماشاء الله تبارك الله
تجمع رائع
الله يعطيكم خير سياراتكم ويكفيكم شرها.

وبهذه المناسبة افتتحنا قسم مراسلو النادي

**S T ! N G** · 02-09-2006, 07:55 PM

ما شاء الله

صور حلوه تجنن

تسلم يدينك يا دحوم

والتجمع كان فله وشفنا وجيهكم المنوره

هع هع

ونبي تجمع ثاني في اقرب فرصه <<<<<< يبي عاد يشخص بالاكورد حقته

الشى الثاني الصور مهيب صافيه مره طبعا لانها جوال لاكن التجمعات الجايه ابجيب معي كمره دجتل على شان الصور تكون قزازه <<<< ماحناب ناقصين عن غيرنا

هع هع هع

ويعطي كل الى جو للتجمع الصحه والعافيه

والى ما جاء نقوله فيه تجمعات ثانيه في الطريق وما فاته شي

هع هع

**BLK** · 03-09-2006, 12:18 AM

كل الأكوردات بيضة تقريباً :dما شاء الله التجمع حلوووووو و الله يعطيكم العافية شباب .....الله يحفظكم

**FiuE** · 03-09-2006, 12:56 AM

صراحه الهايلوكس أكل الجو
خخخخخخخخ

بس تصدقون يوم الربوع الساعه 10 جتني شهقه وجلست أكح ساعه قالي شيخ في واحد يتكلم فيك وجا بالي عليكم بسرعه <==== محد درى عنك

صراحه تجمع 9/10 تدرون ليه لأني انا ما حضرت <==== تكفى !!يا زينك ساكت
خخخخخخخخخخ

دحوم يا بعدي في هذه الصوره هنالك فوردين على ما أظن لم تبين لنا ماهي حالتهم ؟؟
هل هم قازين وجههم معاك أم ماذا ؟؟

وفي ألأخير تقبل إحترامي الشديد ..

وعقبال تجمع ثاني وثالث ورابع
وبعدها تطب عليكم حكايم وتحملكم في الباص !!
خخخخخخخخ

مع التحيه

**ابو ردينة** · 03-09-2006, 01:14 AM

الف مبروووك

الف شكر لمن حضر والغائب عذره معاه

في اشياء تلفت الانتباه

الوان السيارات تقريبا كلها ابيض ماعدا واحده

موديلات السيارات كلها 2003 وانت طالع:(
ان شاء الله القادم احسن

**لورد الاكورد** · 03-09-2006, 02:12 AM

ما شاء الله التجمع روعه والصور اكثر من روعه

تسلم يمينك يا دحوم

وما قصرت والله وان شاء الله نسوي تجمع ثاني

ويكون الحضور اكثر ان شاء الله

واشكر كل من حضر بالتجمع :o

مع تحياتي ,,,

**ه ا د السعودية 451** · 03-09-2006, 02:44 AM

التجــــــــــــمع صراحـــــــه اوكـــــــيه

جهد جبــــــــار منك يا دحـــــــــــوم كفيت ووفيت يعطيك العافيه

اشكــــــــــــــــر كل الشباب اللي حظروا

كان عندي ظروف منعتني من الحظور :(

كنت ناوي تجمـــــــــع خيالي بس الله ما كتب لنا الحظور نبي تجمع ثاني

تحياتــــــــــــــــــــــــــــــــــــــي

**دحــــــــوم انا شايفك بس ماادري وين لوحتك ماره علي .....على العموم مشكور

**أبـوسعـود** · 03-09-2006, 02:59 AM

تجمع صراحة بطــل ..

والأبطل من التجمع الحماس والحضوور ..

يعني صراحة ماتوقعت ان الشباب بيحضورون ..

خصوصا ن ك د هع هع ..

لكن عز الله انكم بيضتوا وجهي هع هع ..

وصراحة نبي تجمع ثاني لازم الماكسيما تحظر عشان تخووف بعض الناااس هع هع ..

ومشكور اخوي ع التقرير الرائع والصور الأروع ..

.

**Accord 4 EvEr** · 03-09-2006, 03:10 AM

الســلام عليــكم ورحمة الله وبركــاته ,,,

التجمع كـان رائع رائع واكثر من رائع ورايق بصراحـة ..

<<< بدت تشب فيه الغيره يبي تجمع الشرقيه عشان يتحطم دحوم ,,,

الله يعطيك الف الف مليون عافيه دحـوم على المجهود الواضح ...

والله يهني كلن باكوردته

,,,

بس الاحظ كل اللي حضروا بهوندا حضروا بأكـورد بس ؟؟؟

مافيه سيفيك او جاز والا سيتي ايجار ؟؟؟

فوتكوو بعافيه

**سـ للغايه ـري** · 03-09-2006, 03:54 AM

يعطيك الف عااافية اخووي دحووووم

......
ومبروووك نجااح التجمع مع ان عددهم مايسااعد

..بس الجاياات اكثر
بس الصراحة الهايلكس اضافت جوو رومنسي على التجمع;) ...
تحيـــــــــــــــــــــــــــــــــــــــــــــات ي

**اكورد الجبيل** · 03-09-2006, 05:34 AM

مشكـورين حبايب قلبي على هــذا التــجمـع الرايــع ..

والله ماقصــرتم وإن شاءالله اني احظـر انا وهنـادي السـودا في التجمع الثــاني ..

وإن شاءالله راح انظم تجمع عندنا بالجبيل الصناعيه ونغلبك يادحــوم هههههههه ..

عـلى العـموم انا اهلي بالرياض وإن شاءالله احظر معاكم في التجمع القادم بس عطوني

خبـر تكفون تكفــون لاني راح اجيب معـي ناس تقريبا سبــعـه عنـدهم اكوردات وواحد عنده

ليـجنـد الفين وثلاثــه واثنين سيفــك عطونا خبر ولعيونكم نجي من الشرقيـــه .. والله ما قصرتم

في النهـايه : تقبلو فـائق احـترامي وتقــديري ..

اخــوكم .. خــــــــــــــالــد .. كــل عـام وهــونـدا بخــــــــــــــــــــير ..

**دحوم** · 03-09-2006, 07:33 AM

الله يعطيكم العافية ياشباب على مشاركاتكم وإن شاء الله الجايت اكثر وبالنسبة للي يسأل على الفكتوريتين كانت واحدة معطلة الكفر منصلخ وجاء خويه الثاني راعي فكتوريا يساعده هذا مافي الأمر .

انا عارف ان فيه شباب لسى ماقروا الموضوع لذلك انتظر ردود اكثر من كذا .

**الاخطبوط** · 03-09-2006, 08:03 AM

يعطيك الفين عافيه دحوم

ماتوقعت الصور تطلع واضحه زي كذه لان المكان كانت انارتة ضعيفه لكن شكل كمرة جوالك قوية >>>> قابلني ان اشتغل الجوال بعد كذه خخخخخخخخ

فيه اضافتين عندي

وش سوى ST!NG يوم جا يروح بالهايلكس خخخخخخخخخخخخخخخ

بعدين كانت فيه زيارة غير متوقعه بهونداي

بس كان حبيب :d

نراكم بالتجمعات القادمة

**اكورد الجنوب** · 03-09-2006, 08:23 AM

دحوم
يعطيك الف عافية على هالتنسيق الي تعبت علية بس اثمرت من جد
واشكر كل الشباب الي لبو نداء دحوم وتجمعو وهيك بدنا اعظاء

**S T ! N G** · 03-09-2006, 11:18 AM

الاخطبوط

وش انا مسوي قلت فمان الله ومشيت في حالي

هع هع هع هع هع

**دحوم** · 03-09-2006, 12:57 PM

بشق القربة ستينق فحط في وجيهنا ،

وجانا مرور سري لكن باسلوبي انا ون ك د اقنعناه .

لكن بغينا نأكل هوا اول ماجاء كان معاها النتراء بغا ن ك د خلا الالنترا سيكل وش يبي ذا قاط معنا .

والفاجعة مرور سري ( مقلب على كيف كيفك ) .

**accord-se** · 03-09-2006, 01:52 PM

ماشاء الله ماشاء الله دحوم يستنى ردي:d

أيش هذا !! هايلكس في تجمع هوندا .... شفيك ستينج ههههه لايكون مركب على الهايلكس جنوط اكورد

ماشاء الله سيارات نضيفه وزينون مايحتاج بس ليش واقفين وقفه عسكريه يعني 6 مواتر كلهم بيض وفي بطه سودا V6;)

كان من المفترض التصوير بكاميرا أفضل ... نصيحه التجمعات الجايه خلوها في ضوء الشمس

كنا نتمنى التنوع بالسيارات لاكن كبدايه لأول تجمع بالرياض جيد جداً

دحوم ستينج لورد الاكورد BLACK.H.V6 الاخطبوط ن ك د اكورد2005

يعطيكم العافيه جميعاً وإنشاء الله الجايات أفضل ..

**دحوم** · 03-09-2006, 02:40 PM

الله يعافيك accord se وشاكر مرورك وإن شاء الله تشرفنا في تجمعاتنا المستقبلية .

**H @ Z ! M** · 03-09-2006, 03:18 PM

ما شاء الله تبارك الله تجمع محترم

و الله أنكم ذيابه

ومشكور اخوي دحوم عالجهد الي بذلته أنت والشباب

بس صراحة سيارة أخونا Black H V6 كانت متميزة في كل شي ماشاء الله يعطيه خيرها ويكفيه شرها

وبعدين أظن أبو عابد جا التجمع لكن ماني شايف المكسيما حقته

والله يعطيكم العافية ياشباب

**أبو عــــــ863ــــزام** · 03-09-2006, 04:44 PM

التجمع اكثر من رائع لكن اظنكم متجمعين في حوش واحد من الشباب
تعريف التجمع((ان كل واحد من الاعضاء يدعو اكبر عدد ممكن من السيارات المعدلة واذا كان تفكرون التجمع كله هوندا عادي برضوا كل واحد يدعو اي احد عنده هوندا )) عند الاشارة عند السوبر ماركت في الاسواق في مكان ادعوه للتجمع )) <<< مسوي تعريف ياخواني سوى الي يعجبكم هذه وجهة نظر ..

الشي الثاني الصور حلوة بس كان ينقص احدكم مصور محترف معه كاميرا ديجتال او كاميرا على مستوى ليكون احسن تجمع ...

والله يوفق الجميع هذه المرة 10 سيارات المرة الجاية 50 سيارة وبعدها 100 الى ملانهاية .

اخوكم ابو عزام راعي كل يوم واحدة من سيارات هوندا .

والسلام مسك الختام

**Mohad** · 03-09-2006, 05:09 PM

تجمع جميل كبداية

بس ليه بس اكورد ماففي سيفيك

واقترح للمرة الثانية تغيرون المكان او تسونه بالظهر علشان نشوف زين <<<< امحق اقتراح :d

**ن ك د السـعــــوديه 3 5 7** · 03-09-2006, 05:20 PM

يعطييييييكم العافيه شباب على التجمع وخاصة حبيب قلبي دحوم

والله لو تشوف شكلي وانا اشوف الموضوع اقسم بالله دمعه تبغى تنزل :( لا بعد و احس بقوطي البيبسي حق الاخطبوط ناشب بحلقي ;) :d

ماقدر ابلع ريقي :( بس اعذروووووووووووووني ياشباب على التاخير ذاك اليوم بسبب المزيونه كان فيها شغله ;) يعرفها دحوم وبعض الشباب.
الشي الثاني بالنسبه للاكورد حقت بلاكي انتوا وش عرفكم

هذي اللي محليت المنظر طالعها حبة خال

مع السيارات الثانيه ههههههههههههههههههههههههههههههههه
لا وماشاء الله عليه S T ! N G ماخلى تراب ولا رمله الا وحطها بوجيهنا وفي سياراتنا ;)

والا القلق الاخطبوط انا عندي زواج انا عندي زواج واخر شي راح يتعشى في هرفي :p

FuiE والله كانك حاس اننا بغينا ننقفط كلللللللللللللللنا ونسوي التجمع بالتوقيف :( بس ربك ستر طلع لنا واحد فله

حفلنا والديها في سيارة الحكومه حقته الهونداي

وهو على نياته يضحك ومستانس بس ماعليك في واسطات هنا<<<< ومن هناك هو اول واحد بغى يركب .

هنادي تخلي البنت تنادي ياخي لايكون انت انا وانا ماادري <<< اتحدى واحد فهم

ياولد حتى انا اهلي بالرياض بس كله ناشب بالجبيل بالخبر تحصلني بكل محل بس احس اني اعرفك ليه مادري. ;)

الشي الثالث التجمع القادم انشاء الله اذا صار انا ماني جاي الا الييييييييين يجي واحد في بالي اروح اجيبه من بيتهم والا ماني جاي

وهو عارف نفسه.............;)