تجمع الرياض السابـــ7ــع لاتخلونا ^_^

**محمد بن عبد العزيز** · 24-06-2008, 05:52 PM

وين ايامنا وين ... وين قضيناها .. راحت بغمضت عين .. يامحلى ذكراها..
ابكي على الاحباب .. ودمعي على الخدين .. والله ياحباب .. ايامكم ما..انســــــــاهــــــا
^^
نرددها كلما نفترق في نهاية التجمع .. يامحلى ذكراها ..

كيـــــــــــــفـــكم

اخباركم علومكم طيبين .. اكيد مشتاقين للتجمعات .. وتجمعات الرياض صح ...

المهم مابي اطول عليكم

كل مانسوي تجمع نسوي مقدمات وكلام طويل >>يقاله بيرغب الزبون:d >>وش دخل الزبون

^^
تبي تقنعني ان هذي مب مقدمه خخخخخخخخ

المهم يالربع ..

التجمع في احدى قرى الرياض .. يعني ابو 24 كيلو ...

بتقول مشوار والا مايمكننني

لا وناخوك .. التجمع (ثلاثة ايـــــام)

تجيب فراشك وعدتك وعفشك .. وكل شي ولاتخلي اي شي في بيتكم

للشباب الي بيجون من الشرقيه والقصيم بامكانهم المبيت بالاستراحه .. معزز ومكرم .. تحت ضيافه اهل الرياض..

شدو حييييييييييييلكم .. وتعالو ولا تفوتون .. التجمع

كل يوم نقول اخر تجمع احلى من التجمع الي راح

والتجمع هذا راح يكون من افضل التجمعات الي صارت ...

تجمع سيشهد له التاريخ ... الدعوه كلها وناسه وسعة صدر ودوووم ان شاء الله

ووقت التجمع في تاريخ
13- 7 - 1429 هـ
الى
15 - 7 -1429 هـ

يوم الاربعاء - الخميس - الجمعه

لاتفوت على نفسك الطلعه وتندم

طبعا اليوم الي بيصير فيه التصوير والابداع وكل شي

هو يوم الخميس.. 14-7-1429 هـ

المكان في ضرما.. تبعد عن الرياض عدة كيلوات ... 24 كيلو فقط ..

والقطه راح تكون كل يوم نجمع القطه ..

يعني فيه اشخاص بيقعدون 3 ايام وفيه اشخاص بيقعدون يومين والي بيقعد يوم ..

ماله داعي يكون فيه ضلم بين الناس..

كل يوم بحقه ..

ولكم بعض الصور وتمتعو .. والاستراحه ماتتفوت ..

واول الحاضرين ...
نــــ K ــــد السعــوديــة 3 5 7

كـــو كـــو كـــورد

ACCORD i-VTEC
.
.
.
لكم الخيار ولي الطماط ولاتنسون الصحون ...>>هع هع جايع .. وعزوبي ..:d

:d

;)

:d

ننتظركم بفارغ الصبر ..:d

ومصرح لكــ تجيب واحد من اخوياك .. مانبي اي احراج ..
طبعا من ناحية تكاليف العشاء.. وبعض التكاليف .. يعني الاشخاص الي بتجيبهم
هو سبب ارتفاع القطه..

فــ هالمره لك شخص واحد ...

ارجو ان يكون الموضوع في محمل الجد ..

الي ناوي يجي يرسل لي ع الخاااااااص
1- اسمه (فلان الفلاني)
2- رقم الجوال(؟؟؟؟؟؟؟؟05)
3-والمنطقه ..(الرياض او الشرقيه او القصيم .....)
^^^^
اي شخص لم تكتمل ارسال الشروط .. لاننظر في طلبه او رسالته..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

tgm3aat@7koma.com
بالتوفيق للجميـــــع...

**محمد بن عبد العزيز** · 24-06-2008, 06:25 PM

**B Useful** · 24-06-2008, 06:25 PM

في غير الزمان
في نفس المكان
مرتني الذكرى وأنا واقف
في نفس المكان
في غير الزمان
في ذا ضحكت أيّام
لكنّي بكيت
في ذا حلمت أحلام
لكنّي صحيت
منها أبتديت
وفيها أنتهيت
إلا من الذكرى
في نفس المكان في غير الزمان
قالت لي الذكرى كلام عنّي
كلام واللّه بغيت أنساهـ ..
وصاحت ربابة شوق وأثر النّغم مني
يشكي وأنا شكواهـ
وغنّى صوت في ليلة فرح
وهلـّت عين وقلب أنجرح
في صوتها جرح وتعب
وفي عينها نظرة عتب
وشفت إبتسامه عليها هلّت الدمّعه
ونظرة ملامه من الماضي على ربّعه
وأنا مع الذكرى
في نفس المكان في غير الزمان
تعطيني الذكرى ولا تاخذ أبدْ
تحكي لي الذكرى ولا تسّمع لـ..أحدْ
وأنا عندي كلام ممنوع حتى عن الخاطر
لا ياخذهـ أمْسي ولا يقبلـه باكر
ما أقدر أوضّح غايمْ الصورهـ
ولا أزوّد للمسا نُورهـ
اللّه يا ذكرى ياما فهمتيني خطا ..؟
ياما قدم رجلي علَى جمرك وطا
واليوم هيّضني هواي
أشكي ولا أدري وشْ بلاي
هو من شقاي الّلي مضى وإلا هناي
وأنا مع الذكرى
في نفس المكان
في غير الزمان ..!!

سجلوني ,, اول الحاضرين ان كتب الله لي العمر ,,
فمثل هذة اللحظات ... لا افوتها ابداً ..
التجمع الماضي ..
4 اشخاص من القصيم
و 4 من الشرقية ..
وكنت في جدة يوم الاربعاء يوم التجمع حركت العصر لحالي ووصلت العشا وقعدت 3 ايام وبعدها رديت لجدة لحالي ..
وحسافة على بعض حقين الرياض ... اللي بيقولون بعيد ومشوار ..
وهذي صورة للذكرى ,,

..... ( ......) ....

**kakashi-san** · 24-06-2008, 06:40 PM

و عليكم السلام و رحمةُ الله و بركآتةْ ،

و أخيراً تم افتتاح الموضوعْ ،

يا خي ليش قبل صاير مغلقْ ، :(

شسمونه ؛ يا خي من اللحين أحسب أني أوّل واحد راح أجيْ ، :d

بعطيك نسبة 60 % أني راح أجي بإذن اللهْ ،

و شسمهْ ، عقب كم يوم اِن شاء الله ارسل لك التأكيدْ ،

يا خي اذا هذا اهي الاستراحة ؛ فأنها اوكي و قسمْ ،

حبيت صورة المسبح هعْ ،

و حركة الماي ، و طلعت فنان تصوير بعد من وراناْ ، :d

طولّنا عليكمْ ، ^^"

نشوفكم ع خيرْ ، ^^

.,’~

**ـبطرانـ2005ــ** · 24-06-2008, 06:53 PM

وووواااااااااااااووو

<<<<شهووويتني يا ولد

>>>انا بحااول بقدر المستطاااع :d

**الشمــــالـــي** · 24-06-2008, 08:01 PM

^^^

والله تجمع مايتفوّت :d

ولكن ان شاءالله

قبل التجمع بيومين

اردلك خبر .

**Slam tic** · 24-06-2008, 09:52 PM

كلام كبير
بإذن الله بيكون هذا التجمع الثاني لي ولله الحمد الحماس لازال موجود خصوصا بعد ماحضرت التجمع السادس
فنصيحة اللي فوّت ذاك التجمع لايفّوت هالتجمع
عموما...
ابو حميد سجلني من أول الحضور
وهذا اسمي وجوالي
وأنا من الرياض (...........) أرسلتهم على الخاص

**accord 2007** · 24-06-2008, 10:19 PM

للأسف يابوحميد مايمديني اجي =======> هذا اللي يبي يتصفق:(

لا امزح سجل واحد نفر ====> شوايه مو على الفحم

الله على مفاجئة التجمع اللي فات
حضور السيد قشطه ( مصعب ) بعد ماقال انه مايبي يجي لاكن صراحة ماقدرت اوصف ذيك اللحظه لما شفت كوكو لما وصل الاستراحه

وحبيت اشكر كوكو للمره الثانيه على رش وامش:p

والله ماعندي كلام اكثر من اللي قاله كوكورد ====> صح انه COPY & PASTE:d
لاكن على الاقل قال شي

كل اللي ابي اقوله

تتذكرون كون زون ضرماء
ولا الفطور الكبده
وقصة سرقة اللابتوبات
ولا قصة ابو عزوز وبي يونيك
ولا قصة صلاة الفجر ====> تتذكروها

اخيراً

حبيت اقول للشباب لاحد يفوت الفرصه واخص بالذات نيدو الرياض

الله يعطينا العمر والعافيه لذاك اليوم
ويجمعنا معكم على خير

تحياتي للجميع

**accord05** · 24-06-2008, 11:10 PM

ماتتوقعون وش كثر اتمنى اقابلكم تفكروني اتفلسف والا كذاب ... لكن والله اني متلهف ومتشووق اني اقابلكم لكن باذن الله هذا التجمع ماراح يفوتني بحاول لو على قطع رقبتي :d...

حمود في كلمة في توقيعك تقصدني فيها صح :p...

**S T ! N G** · 25-06-2008, 12:32 AM

سجل واحد نيدو نص دسم

خخخخخخخخخخخخخخ

**B free** · 25-06-2008, 12:56 AM

ما عندي شي أقوووله إلا .... لا عدمناك يا قائد المركبه التجمعيه .... >> التحليه <<
وثانيآ : كما قال أبوحميد ... تجمع سيشهد له التاريخ بإذن الله ..

**جريح الاكورد** · 25-06-2008, 02:27 AM

و الله شغل عدل مدل صراحة

و للأسف اني ما اقدر احضر:(

**هنادي 8** · 25-06-2008, 05:38 AM

بحاول الحضور لكن اااااااااااسف مااقدر ابيت....

ارد لك قريبا

**Black Accord 2008** · 25-06-2008, 06:39 AM

----
---
--
-

كنت أسأل نفسي دوماً كيف تتآلف قلوب الناس وتصبح لبعضها بعدما كان الجفاء والنكران يسود بينها ,,
وكيف يكون للإنسان أخ له لم تلده أمه ,,
وكيف يكون هناك من الناس من اذا رأيتهم تأكدت ان الدنيا مازالت بخير,,
وكيف وكيف .........؟؟

وجدت الجواب ..

بعد قدرة الله عز وجل ..
وثم مجهود جميع القائمين على هذا المنتدى الرائع ..

شكراً .. لكن من بذل جهداً في سبيل الإرتقاء بهذا الصرح .. وستظل شامخاُ
(( نادي محبي هوندا))

-
--
---
----

بصراحه في بعض الردود الجميلة الي أججت في نفسي هذي العبارات ..:d

أشكرك يامحمد على مجهودك -- ومو غريبه عليك انت دايم قدها وقدود

وإن شاء الله .. أكون من الحاضرين

تحياتي

**وهـمـ** · 25-06-2008, 07:36 AM

الله يوفقكم بهالتجمع ..

اروح قوطي بيبسي يشيخ :d < أمزح معك

**عطر الحكي** · 25-06-2008, 08:02 AM

كفو والله

انا في جده لكن بأذن الله راح اكون متواجد معكم

بصراحه شي يشجع ويخلي الواحد يتحمس

**ajlanmf** · 25-06-2008, 09:20 AM

ماحطيتوهـ الى في زواج اقرب الناس لي

**ملك الحر** · 25-06-2008, 09:29 AM

أنشاء الله بكون أول الحاضرين.... ليوم الخميس فقط

و أنشاء الله بتشوفون موتري بصوره غير المعتاده لأكورد 2008

و تحياتي

**T A L A L - R** · 25-06-2008, 10:09 AM

ان شاء الله يقدرني واقدر اجي التجمع

انا من زمان انتظر التجمع للتعارف على اخواني الاعضاء

والمشرفين اذا ما سافرت جاي جاي ان شاء الله

تحياتي للجميع

**King** · 25-06-2008, 11:04 AM

إبداع X إبداع

أخيرا ً تجمع لمدة ثلاثة أيام متواصله

متواصله بالوناسه والفله والفرفشه والتعارف وكل مايخطر في بالك

وأحب أوجه شكري وتقديري لمن قام بإنجاز هذا العمل

فعلا ً يستحق الشكر والتقدير

accord2002

______________________

وبإذن لله راح أحضر التجمع

وفعلا ً فرصة لا تفوت وفرصة العمر

تحياتي وشكري وتقديري لك ( ياأبو عبد العزيز )

**kakashi-san** · 25-06-2008, 11:40 AM

شسمونه ؛ مداخله بسيطة ، :d

ما نبي رسّميه يا اخوانْ ،

يعني شسمه ، لا يجي واحد مرسّم و كاشخ كأنّه حاضر عرس <~ خوفي انا اللي اجي كِذا هع ،

يعني نبيك زقرتْ بس بـ بدلةْ ;)

**محجوز** · 25-06-2008, 12:08 PM

ان شاء الله نكوون من الحضور :d

احسب عندك 3 نفر لمدة 2 يوم

والف شكر على من جميع القائمين على هذا التجمع

ولك رساله ياaccord2002 على الخاص فيها كم موضوع عن التجمع

**ن ع ر السعودية 0005** · 25-06-2008, 01:07 PM

ان شاء الله يقدرني واقدر اجي التجمع
وإن كتب لي الله العمر وسمحتلي الفرصة في الحضور وإلى ذالك الموعد يكون خير إنشاء الله...

**SAFWAN** · 25-06-2008, 04:56 PM

ماشاءالله عليكم

والله ياانتم فخمين :p

**محمد بن عبد العزيز** · 25-06-2008, 06:10 PM

المشاركة الأصلية كتبت بواسطة kakashi-san

شسمونه ؛ مداخله بسيطة ، :d

ما نبي رسّميه يا اخوانْ ،

يعني شسمه ، لا يجي واحد مرسّم و كاشخ كأنّه حاضر عرس <~خوفي انا اللي اجي كِذا هع ،

يعني نبيك زقرتْ بس بـ بدلةْ ;)

^^^
تذكر نسبتك 60 % ^_*
يالغلا .. وصلنا للتجمع (السابع ) وتقول هالكلام .. انت احضر لو تجمع واحد وشوف كيف يكون .. بعدين قووووووول لاتجون بلبس سعودي والا مصري ...:d