الموضوع: تجمــع الرياض .. السابـــ7ــــع

المشاركة الأصلية كتبت بواسطة accord.3377

اخوي عبدالعزيز الاجنماع القادم متى

حياك الله يالغالي

تابع هذا الموضوع بستمرار

( تجمعـات الريـــاض Al-Riyadh )

^ ^ ^

أضغط عليه لدخول الموضوع

------------

بالتوفيق

1- وش رايك بالمنظم .. والتنظيم الي صاير..؟

شهادتي فيك مجروحــهْ ، وأتوقع سألتني نفس هالسؤال في التجمّعْ ،

التجمّع كنت متوقّعه منظّم ، لكن ما توقعته يكون أفضل مما تصورتهْ ، فـ كل الشكر للجميعْ من بعدِك يا محمدْ ، ^^

2- سؤال يتبادر بالذهن .. بالله عليك كنت متوقع ان التجمع يطلع كذا ويكشف المخفي عن الاعضاء

والله بيني وبينكْ الأعضاءْ نصّهم فيهم حياْ ، :d

بس اللي حرّك لنا جو (نكد) الله يعافيهْ ،

3- مارأيك بالتجمع بصفه عامه ..؟

10 / 10

تجمّع ولا أروعْ ،

يكاد يكون من أروعْ الطلعات اللي طلعتها إن لم يكنْ هو أروعها ، ^^

4- بالنسبه للاعضاء الي جايين من برا الرياض .. (سمعنا ان اهل الرياض مهايطيه )

وش رايكم باللي شفتوه (اخلاق - تواضع- نفسيه.. اي شي)

.. انتم ياهل.. الاحساء .. والقصيم .. والدمام .. وجده .. وينبع..

والله قمّة الإِحترام والأخلاقْ ، ما شفنا منكم ألا كل خيرْ والله ،

المهايطيه معروفين ربي يسلّمكْ ، يا غير اللي يشيلون لك الطيسْ وعنده سيارةْ ( الفلانيهْ )

لكن ربعنا ما شاء الله عليهمْ ، وأذكر قلت لهم أحسن ما فيه رواعي هوندا انهمْ ذوووقْ ،

5- وش المفيد في التجمع .. كونت صداقه .. صلحت سيارتك .. استغليت الفرصه ..

كوّنت صداقات عديدهْ ، وتعرفنا على أعضاءْ كثيرينْ ،

6- وش رايك بتجمع ثاني لمدة 3 ايام .. بس بعد الصيفيه .. هل توافقني والا يبيلها جلسه ..

أنا أقترح أنّه يكون في رمضانْ ، يعني قبل ما تنتهيْ الإجازةْ ،

والله ما فيه أحلى من شُوفــة الأخوانْ ، ^^

7- انت متضايق ان التجمع هذا صار بدون تصوير سيارات .. او ان العالم ماهتمت بالتصوير..

اممممممْ ، والله بيني وبينكْ من السوالفْ والكل ودّه يتعرف على الثاني نسيناْ أمر التصويرْ ، ^^"

لكن ما عليكْ ، خليناهمْ يتجمعون ع السريعْ لكن الوقت ما امداناْ ،

و هـ الكاميراْ اللي خانتْ فينيْ ، ما رضتْ تشتغل الا في النهايــــهْ ، ^^"

8- اعضاء ماتخيلتهم بالشخصيه هذي.. اذكرهم ..

والله لو بتكلّم ما أظن بيكفيني الوقتْ ،

أعضاءْ كثيرينْ واللهْ ،

وخاصةً اللي جلسناْ معهمْ ، فيهمْ الخير والله ,’~

9- كم عدد الي تعرفت عليهم ... وليه تعرفت عليهم .. >>ناشب

اييييييييه يا كثرهمْ وقسمْ ،

أخاف أقولْهمْ ، وأنسىْ بعض الأعضاء ويأخذون في خاطرهمْ ، ^^"

10- من العضو الي فاقدينه .. واذكر اسمه .. ولو موجود هالعضو .. بتنشب له ..

كوكو كوردْ ~ بطرانْ 2005 ، هذا اللي في بالي حالياً ، ( :

وشسمهْ ؛ ألف شكر لك عزيزيْ ، ^^

بالتوفيق ..

~> في خاطره أبو عزوز ، أبي مرةْ ما تقول في ردودكْ وشسمهْ :d

ما شاء الله تبارك الرحمن

تنظيم ولا احلى بصراحة

كل التهاني بالجميع اللذين قاموا على هذا التجمع الذي يعجز اللسان عن وصفه

;)

B Unique



تسلم يالغالي و الجايات أكثر إن شاء نشوفك و نستانس

أما إني أعز النوم ما عليك زود >> أنت كبيت العشاء الأول ;)


أحد يقوم يصلي الجمعه الساعة 12


وتفوته ركعه بعد وش بقي :d

بما إنك ملزم و الشباب كلهم جاوبوا هذا ردي

1- وش رايك بالمنظم .. والتنظيم الي صاير..؟

و الله ما أوفيك حقك يامحمد لو بتكلم فيك

و التنظيم صراحة توب 10 من 10

2- سؤال يتبادر بالذهن .. بالله عليك كنت متوقع ان التجمع يطلع كذا ويكشف المخفي عن الاعضاء

و الله ما توقعت إن التجمع كذا لأن هذا أول تجمع لي صرااااحة إني ندمان على التجمعات اللي راحت علي

3- وش رايك بالتجمع بصفه عامه ..؟

ثلاث أسئلة و المعني واااحد >> ما قصرت الله يعطيك العافية و أهل الرياض كلهم و الإعضاء اللي حضروا

4- بالنسبه للاعضاء الي جايين من برا الرياض .. (سمعنا ان اهل الرياض مهايطيه )

وش رايكم باللي شفتوه (اخلاق - تواضع- نفسيه.. اي شي)

.. انتم ياهل.. الاحساء .. والقصيم .. والدمام .. وجده .. وينبع..

أخلاق و مهايط و تواضع كل واحد يعرف نفسه :d

5- وش المفيد في التجمع .. كونت صداقه .. صلحت سيارتك .. استغليت الفرصه ..

تعرفت عليك :d

و الله ما جيت إلا علشان شوفتكم

6- وش رايك بتجمع ثاني لمدة 3 ايام .. بس بعد الصيفيه.. هل توافقني والا يبيلها جلسه ..

قدااااااااام

7- انت متضايق ان التجمع هذا صار بدون تصوير سيارات .. او ان العالم ماهتمت بالتصوير..

لا والله عادي بس لو فيه تصوير كان أحسن

8- اعضاء ماتخيلتهم بالشخصيه هذي.. اذكرهم ..

أول واحد نكد ما تخيلته كذا و بي يونيك و أبو عزوز

و دحوم و الأخطبوط و الهنود الحمر و الوافي و باقي الأعضاء

بالعربي كل الأعضاء ما تخيلتهم كذا :d

9- كم عدد الي تعرفت عليهم ... وليه تعرفت عليهم .. >>ناشب

كل الحاضرين لأن هذا أول تجمع أحضره

أما ليه >> أنت ليه تعرفت علي :d

10- من العضو الي فاقدينه .. واذكر اسمه .. ولو موجود هالعضو .. بتنشب له ..

والله اللي قابلته وسلمت عليه ولا عرفته إلا بعد مامشى :d>> كوكو كورد و كنت أتمنى لو جلست معه

مساء النور والسرور أرحب على الجميع
1- وش رايك بالمنظم .. والتنظيم الي صاير..؟
المنظم ما شاء الله عليه كفى ووفى وبيض الله وجهه بصراحة وبدون مجاملة ما قصر والله يكثر من أمثاله وبالنسبة لتنظيم إذا كان المنظم مثل محمد تحليه وعيناته فاعرف ان التنظيم عالي العال

2- سؤال يتبادر بالذهن .. بالله عليك كنت متوقع ان التجمعيطلع كذا ويكشف المخفي عن الاعضاء
هذي ثاني مرة أحضر فيها تجمع وكنت متوقع اللي شفته :d
2- مارائيك بالتجمع بصفه عامه ..؟
ممتاز مع مرتبة الشرف
5- وش المفيد في التجمع .. كونت صداقه .. صلحت سيارتك .. استغليتالفرصه
المفيد انك تغير الروتين اليومي اللي عايش فيه وغير المعلومات اللي تجهلها عن سيارتك وغيرها...
6- وش رايك بتجمع ثاني لمدة 3 ايام .. بس بعد الصيفيه .. هل توافقني والا يبيلها جلسه ..
أنا ما عندي مشكلة وجاهز في أي وقت وإذا تحتاجون مساعدة فأنا في الخدمة
7- انت متضايق ان التجمع هذا صار بدون تصوير سيارات .. او انالعالم ماهتمت بالتصوير..
لاني متضايق ولا شي عادي أصلاً مش مهم بالنسبة لي
8- اعضاء ماتخيلتهم بالشخصيه هذي.. اذكرهم...
أكثرهم شايفهم في التجمع السادس
9- كم عدد الي تعرفت عليهم ... وليه تعرفت عليهم .. >>ناشب
صاحب الموقع وماكنت متوقع اني في يوم من الأيام أشوفه
10- من العضو الي فاقدينه واذكر اسمه ..ولوموجود هالعضو ..
بتنشب له
أكيد ملح التجمع مصعب بس أنا أدري أنه يبي يعرف غلاته عند الجميع وأكيد أنه عرف من ردود الشباب اللي قبلي
وأخيرا: أشكر جميع القائمين على تنسيق التجمع وعلى كتابة الموضوع وأتمنى أشوفكم على خير

مشكووور اخوي وسلمت يمناك

باين على التجمع متعوب عليه ومنظم تنظيم والنتيجة جلستكم ثلاثة ايام

ان شاءالله الله يقدرنا ونتجمع معاكم بالرياض <<<< نزحف لكم بقرووب الشرقية :d

تحيايتي للجميع