شي حلو وان شاء الله يشاركون معك اكبر عدد انا اجي كزائر اما حضور لا اتوقع
بسم الله الرحمن الرحيم
السلام عليكم و رحمة الله و بركاته , و بعد .....
أخواني الكرام , أعضاء المنتدى إنشالله تكونوا بأحسن حال .
أزف إليكم خبر :
مهرجان ميدان جدة ريس واي الصيفي
شرح و بداية ....سوف يقام تجمع كبير لقروبات جدة البالغ عددهم 12 قروب خاص بالسيارات و الدراجات النارية و منهم قروب الهوندا في ميدان جدة للسباق jrw و الذي يقع شرق كوبري أبحر .
التاريخ :
سوف يقام المهرجان يومي الأربعاء و الخميس الموافق 19 و 20 من شهر شعبان
موعد المهرجان :
من بعد صلاة العصر الى الساعه الواحدة ليلا ً .
الفعاليات التي ستقام في هذا المهرجان :1- فعالية قروبات السيارات .
2- فعالية السيارات المعدلة .
3- فعالية الدراجات النارية والمهارات الفردية .
4- فعالية الاوتوكروس .
5- فعالية الدريفت .
6- فعالية اكس وييلز .
7- فعالية حلبة الكارتينج الجديدة .
8- فعالية الحفلات الغنائية من الروك و الراب السعودي .
9- فعالية محلات الزينة وعروض الشركات التجارية .
الدخول :
مجاني و سيكون الدخول للمشاركين ( أصحاب السيارات ) من بعد صلاة العصر حتى يتسنى لهم الوقت لتنظيف و تجهييز سياراتهم .
أما الجمهور سيكون دخولهم بعد صلاة العشاء .
على الذين يودون الحضور و المشاركة و الانضمام في قروب هوندا .....
إرسال رسالة على الخاص بالمعلومات التالية :
الإسم .
رقم الجوال .
نوع السيارة و لونها .
موديلها .
أنا طلبت هذه المعلومات على أساس التنظيم و الترتيب فقط .
كلمة أخيرة للتنبيه :
التجمع هذا ياشباب راح يكون لكل السيارات بمعنى , لو كنت معدل سيارتك أو غير معدل راح تدخل سيارتك إذا اشتركت معنا و أرسلت لي الرسالة لتأكيد حضورك .
راح يكون فيه تصوير للمهرجان كاملا و لقروب هوندا بشكل خاص و راح أكون أنا المسؤول عنه .
غير هذا راح نتفق وقتها على الشكل النهائي للاستيكر الخاص بنا .
تحياتي لكم .
أخوكم / خالد .
شي حلو وان شاء الله يشاركون معك اكبر عدد انا اجي كزائر اما حضور لا اتوقع
السلام عليكم
سجلني معاك
و الله شكله التجمع راح بيكون حلو
بس جدة بعيدة شوي ... و ما تسوى الروحة لناس التعديل عندهم يعني هيدروليك و ابواب فوق
و تسلم على الخبرية ... و بانتظار التجمع و الصور
تحياتي
والله لو كان عندنا هذا في الشرقية كان ما بتفوت
لكن جده
شوي بعيد:o
و ان شاء الله قروب هوندا في جده على الموعد
بالتوفيق خيو ;)
قــــــــــدآم مــــــــــعــاكـ
الإسم . tha power 220
رقم الجوال . 0500756551
نوع السيارة و لونها . اكورد-كحلي
موديلها . 2004
انتــــظر إتصـــالك "لاتدق رنه او ترسل كول مي":d
إلى الآن عدد السيارات المشاركة في ازدياد .
و سيكون عدد السيارات مفاجأة .
أخوي MEMO
تعال معنا و شارك بالتجمع , ترى الموضوع حِبي و أول ما تقابلنا إحنا محد فينا كان يعرف الثاني و كنا مكسوفين محد يبغى يفك هرجة :o , لكن اللحين إحنا 10 أشخاص بتنجمع بشكل شبه يومي بجدة .
تعال و شرفنا و منها فرصة نتشرف بمعرفتك ;) .
أخوي the power 220
حياك الله معنا و إنت أول أكورد كحلي يدخل القروب :d .
راح أتصل عليك قبل التجمع بيومين للتذكير .
شكرا لكافة الأخوان اللذين ردوا و تمنوا لنا التوفيق .
انا الحقيقه بشوف اذا قدرت اخذ اجازة اجي
بس ابي اعرف متى حيكون اخر يوم لتسجيل الاسماء
تحياتي ,,,
التسجيل مفتوح حتى يوم التجمع يعني لو جيتني يوم التجمع إلين صلاة الظهر بأسجلك .
أكثر منها ما أقدر لأني بأصلي الظهر و بأطلع لتجهيز الاستعراض
بكرة ان شاء الله اشوف
خير خير
تحياتي ,,,
هيثم هشام مير
0553352263
اكورد اسود 4سلندر جير عادي تعديل خفيف مره:d
2005
والله انا كنت داخل المنتدى علشان اكتب الموضوع بس الحمدلله لقيتو موجود وبشكل احسن بكتير من الكنت حسويه:d
يارب تيجي سيارات كتير عشان الحماااااااااااااااااااااااااااااااااااااااااااااا ااااااااااس
انا رأي نطلع كلنا نتجمع في مكان واحد قبل ما نروح على جده ريس واي وندخل دخله وحده يكون شكلنا سااااااااااااااااااااااطي :d
ايش رايكم ؟؟؟؟؟
حلوة ومجنونة فكرة black sherry
وياليت نسويها
و الله إنت يا هيثم سويت فينا جردة مزبوطة حقت صور التجمع الأول , بس معذور حبيبي و الله يقويك إنشالله ;) .
للأسف إللي تبوه بإننا نتجمع في مكان و ندخل دخلة وحدة ما نقدر هالفكرة وقت دخولنا :( , لأننا بهذا الشي راح نسوي زحمة و راح نلفت نظر الدوريات لها الشي .
فالأحسن نتجمع كلنا هناك في مواقف الحلبة و ندخل على منطقة الاستعراض مع بعض ( هذي بتكون السطاوة :d ) .
تحياتي للجميع ...
إن شاء الله اكون معاكم
اسمي : اكوورد 2008
رقم الجوال:0557829958
نوع السيارة و لونها : اكووورد لؤلولي
موديلها: 2008
بس مش اكيد يكون بيننا اتصال في يوم التجمع;);)
يا مخ لو دخلنا المواقف حقت الحلبه هي اصلا مكان التجمع :d
لو اتقابلنا مثلا عند وطني الفي اخر شارع الامير سلطان جمب طريق المدينه على طول هناك مافي دوريات ولا شي ولا حنسوي زحمه
مو لازم كلنا كلنا يعني اولنا بس علشان ندخل دخله مزبوطه على الحلبه ونثبت وجود
والطريق من وطني الى الحلبه كلو يمكن 10 دقائق ومافي ايش شي على الخط لا اشارات ولا توقيف ولا شي حنمسك الخط ونطلع ورا بعض والله تطلع رهيبه ابغى رأيكم؟
على فكره التجمع هادا رسمي ومصرح من الحكومه والدوريات ما في احد حيوقفنا انا مجرب قبل كده هادا كلو بالتنسيق مع المرور اي احد حاط ستيكر ما عندو مشكله يقلو رايح جده ريس واي علشان المهرجان
لو تحبو انا اتقدمكم علشان اتصرف
أهلا بالشباب مرة ثانية ...
أول شي , في الحقيقة توقعت إقبال أكبر على التجمع من المنتدى :( لكن تذكرت إن غالبية المنتدى من الرياض و المنطقة الشرقية لكن ما علينا .
المهم وصل عدد المشاركين إلى ...... ( خلوها مفاجأة و التصوير راح يثبت ) ;) .
مكان الإلتقاء و نقطة التجمع الأولية ستكون حسب التالي :
مواقف وطني ( آية مول ) بشارع الأمير سطان في المواقف الخلفية إللي تكون جهة مخطط البساتين ( المواقف المظللة ) .
أنا سأكون متواجد هناك في تمام الساعة 4.30 عصرا و ياليت إللي يبي يغسل سيارته أو يلمعها يستعجل لأن ما ودنا نتأخر .
راح أنتظركم إلى الساعة 5 عصرا و بعدها بأتحرك على الحلبة إللي ما يقدر يجينا على وطني يروح على الحلبة على طول .
إللي مسجلين أسمائهم راح يدخلون و راح أحضّركم يعني إللي بيجرد بأعرف بيكون مين :p ( صايدكم ) .
راح أعيد و أنبه على التاريخ لأن في كم واحد الله يستر عليهم راحوا على وطني و مالقوا أحد الأربعاء الماضي ( قبل أمس ) .
و في واحد كان حيروح بس أنا أنقذته على اللحظة الأخيرة و إلا كان راح يضرب مشوار و يدعي علينا :d .
الله يخليكم لما ترسلوا لي أسمائكم لحد يرسلي إسمه بالمنتدى , أرسلي إسمك الحقيقي و لو الإسم الأول عشين لما تجي نقدر ننظمكم و نختصر الوقت و نرتبكم حسب سيارتكم و منها بالمرة نتعرف عليكم .
تحياتي لكم أخواني .
اوكيه يـا مـــــديـر :d
بس مين اللي انقذته في اللحظة الأخيرة "بتشمت فيه":d
وووووووووووووووووووووووووو المدير وافق على الفكره وكمان اختار المكان القلتو
ان شاء الله حيطلع فله وحينزل فله :d
ترى حتى انا في ناس قالو لي والله اسفين ما قدرنا نقوم من النوم راحت علينا نومه وما جينا يحسبو الربوع الفات :d
ملاحظه مهممممممممممممممممممممة
انا اظن بحسب خبرتي في جده رايس واي
احسن ان الاعضاء ما يجو باتواب وشباشب
يلبسو كاجول احسن وجزمه رياضيه علشان ما يعتبروهم غشمه سواقه
علشان لو في تجربه سيارات جديده يخليهم يجربو ويفكو الكنتركشن كونترول ويخلوهم يجربو براحتهم
(اول مره اكبر الخط:d)
مشكور اخوي خالد على الخبر واتمنى نشوف اكبر عدد من اعضاء المنتدى في الاستعراض...
وطبعا حتكون مفاجاات غيــــــــــــــــــــــــــــــــــــر متوقعه .....
أهلا بالشباب مرة ثانية .
اوكيه يـا مـــــديـر :d
بس مين اللي انقذته في اللحظة الأخيرة "بتشمت فيه":d
إنت ما عليك بس هو خلّيه يرسل إسمه الأول عشين أقدر أكتبه عندي في القائمة و يوم يجي , أنا و إنت بنتشمت فيه :p .
وووووووووووووووووووووووووو المدير وافق على الفكره وكمان اختار المكان القلتو
أهلين بهيثم , المكان إللي أقترحته كان جيد و أنا كلمت الشباب عليه و وافقوا رغم إنوا كان في راسنا تنجمع في مكان ثاني لكن هذا المكان أحسن لقربه من كوبري الصالة و بعدن ما في دوريات هناك ;) .
شكرا لك هيثم .
و على كلام هيثم نسيت أنبه على نقطة مهمة و هي إنكم تجوا ببنطلون و T-Shirt أحسن , لأنه حيكون فيه فعاليات مثل الدريفت ( أنا شاركت فيه قبل ) و تجارب للسيارات الجديدة و تجربة لسيارت مدرسة القيادة الجديدة حسب كلام المسؤلؤين في الحلبة و الأفضلية للمشاركين في القروبات .
Meedo
كيف أمس بالله ( الله عليييييييييييك ) :d , و راعي السويفت أبو كشافات حمراء :d .
يبغالنا نتقابل إحنا المنظمين ليلة التجمع عشين الإجراءات النهائية و نوزع الشغل و نأكد على الشباب و نتصل عليهم .
ننتظركم على أحر من الجمر .
تحياتي لكم
خالد .
التعديل الأخير تم بواسطة ACCORD 764 ; 16-08-2008 الساعة 09:18 PM
إن شاء الله اكون معاكم
اسمي : الفارس؟
رقم الجوال:0551825258
نوع السيارة و لونها : اكووورد لؤلولي
موديلها: 2008
مواقع النشر (المفضلة)